Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഹാഥറസ്​ പെൺകുട്ടിയുടെ...

ഹാഥറസ്​ പെൺകുട്ടിയുടെ കുടുംബത്തിന്​ വൈ കാറ്റഗറി സുരക്ഷ വേണം -ചന്ദ്രശേഖർ ആസാദ്​

text_fields
bookmark_border
ഹാഥറസ്​ പെൺകുട്ടിയുടെ കുടുംബത്തിന്​ വൈ കാറ്റഗറി സുരക്ഷ വേണം -ചന്ദ്രശേഖർ ആസാദ്​
cancel

ലഖ്​നോ: ഉത്തർപ്രദേശിലെ ഹാഥറസിൽ​ കൂട്ട ബലാത്സംഗത്തിനിരയായി കൊല്ലപ്പെട്ട പെൺകുട്ടിയുടെ കുടുംബത്തിന്​ വൈ കാറ്റഗറി സുരക്ഷ ഏർപ്പെടുത്തണമെന്ന്​ ഭീം ആർമി അധ്യക്ഷൻ ചന്ദ്രശേഖർ ആസാദ്​. പെൺകുട്ടിയുടെ കുടുംബത്തെ ഞായറാഴ്​ച സന്ദർശിച്ച ശേഷമാണ്​ ​അദ്ദേഹം ഈ ആവശ്യമുന്നയിച്ചത്​.

''ആ കുടുംബത്തിന്​ വൈ സുരക്ഷ നൽകണമെന്ന്​ ഞാൻ ആവശ്യപ്പെടുകയാണ്​. അല്ലെങ്കിൽ അവരെ ഞാൻ എ​െൻറ വീട്ടിലേക്ക്​ കൊണ്ടുപോയ്​​ക്കൊള്ളാം. അവർ ഇവിടെ സുരക്ഷിതരല്ല. വിരമിച്ച സുപ്രീംകോടതി ജഡ്​ജിയുടെ മേൽനോട്ടത്തിൽ അന്വേഷണം ഞങ്ങൾക്കാവശ്യമുണ്ട്.​'' -ചന്ദ്രശേഖർ ആസാദ്​ പറഞ്ഞു.

നടി കങ്കണ റണാവത്തിന്​ വൈ കാറ്റഗറി സുരക്ഷ നൽകാൻ സാധിക്കുമെങ്കിൽ എന്തു​കൊണ്ട് അത്​​ ഹാഥറസ്​ പെൺകുട്ടിയുടെ കുടുംബത്തിന്​ നൽകിക്കൂടെന്നും ത​െൻറ ഇൗ ആവശ്യം നടപ്പിലായില്ലെങ്കിൽ വിധാൻ സഭ ഘരാവോ ചെയ്യുമെന്നും​ അദ്ദേഹം പറഞ്ഞു.

കോൺഗ്രസ്​ നേതാക്കളായ രാഹുൽ ഗാന്ധിയും പ്രിയങ്ക ഗാന്ധി വാദ്രയും കഴിഞ്ഞ ദിവസം പെൺകുട്ടിയു​ടെ വീട്​ സന്ദർശിക്കുകയും​ കുടുംബത്തി​െൻറ സുരക്ഷയുടെ ഉത്തരവാദിത്തം സംസ്ഥാന സർക്കാർ ഏ​റ്റെടുക്കണമെന്ന്​ ആവശ്യപ്പെടുകയും ചെയ്​തിരുന്നു.

കഴിഞ്ഞ സെപ്​റ്റംബർ 14നാണ്​ ഉത്തർപ്രദേശിലെ ഹാഥറസിൽ 19കാരിയായ ദലിത്​ പെൺകുട്ടിയെ ക്രൂരമായി ബലാത്സംഗം ചെയ്​തത്​. ഗുരുതരമായി പരിക്കുകളോടെ ആശുപത്രിയിൽ പ്രവേശിപ്പിച്ച പെൺകുട്ടി പിന്നീട്​ മരിക്കുകയായിരുന്നു. സംഭവത്തിൽ യു.പി പൊലീസിൻറ നടപടികൾക്കെതിരെ രാജ്യവ്യാപകമായി വൻ പ്രതിഷേധമാണുയർന്നത്​.

Show Full Article
TAGS:hathras rape Bhim Army Chandrasekhar Azad 
Next Story