ഭീം ആർമി നേതാവ്​ ചന്ദ്രശേഖർ ആസാദ്​ അറസ്​റ്റിൽ 

ന്യൂഡൽഹി: ദലിത്​ മുന്നേറ്റത്തിനായി ഉത്തർപ്രദേശിൽ രൂപംകൊണ്ട ഭീം ആർമിയുടെ നേതാവ്​ ചന്ദ്രശേഖർ ആസാദ്​ അറസ്​റ്റിൽ. ഹിമാചൽ പ്രദേശിലെ വേനൽക്കാല വസതിയിൽ വെച്ചാണ്​ ഒളിവിൽ കഴിയുകയായിരുന്ന ‘രാവണൻ’ എന്ന ച​ന്ദ്രശേഖറിനെ പൊലീസ്​ പിടികൂടിയത്​. ഉത്തർപ്രദേശിലെ സഹരൻപൂരിൽ ജാതീയ സംഘർഷങ്ങൾക്ക്​ പിന്നിൽ പ്രവർത്തിച്ചത്​ അഭിഭാഷകൻ കൂടിയായ ചന്ദ്രശേഖരാണെന്ന്​ പൊലീസ്​  ആരോപിച്ചിരുന്നു. ചന്ദ്രശേഖറെയും കുട്ടാളികളെയും കുറിച്ച്​ വിവരം കൈമാറുന്നവർക്ക്​ 12000 രൂപ വീതം നൽകുമെന്നും പൊലീസ്​ പ്രഖ്യാപിച്ചിരുന്നു. 

ചന്ദ്രശേഖറി​​​​െൻറ നേതൃത്വത്തിൽ ഭീം ആർമി ഡൽഹിയിലെ ജന്തർ മന്ദിറിൽ വൻ ദലിത്​ റാലിയും പ്രക്ഷോഭവും സംഘടിപ്പിച്ചിരുന്നു. ഇതിനെതിരെ ചന്ദ്രശേഖറി​ന്​ കോടതിയിൽ ഹാജരാകാൻ നോട്ടീസ്​ നൽകിയെങ്കിലും ഇയാൾ ഒളിവിൽ പോവുകയായിരുന്നു. സഹാരൻപൂരിൽ ജാതീയ സംഘർഷങ്ങൾക്കെതിരെ പൊലീസ്​ അനുമതി മറികടന്ന്​ ഭീം ആർമി  മഹാപഞ്ചായത്ത്​ സംഘടിപ്പിച്ചു. ഇത്​ തടയാനെത്തിയ പൊലീസുകാർക്കെതിരെ ഭീം ആർമി പ്രവർത്തകർ അക്രമം അഴിച്ചുവിടുകയായിരുന്നു.