വീൽചെയർ തള്ളിയും ബുള്ളറ്റ് ഓടിച്ചും രാഹുൽ ഗാന്ധി

ഇ​ൻ​ഡോ​ർ: മ​ധ്യ​പ്ര​ദേ​ശി​ൽ ഭാ​ര​ത് ജോ​ഡോ യാ​ത്ര​യു​ടെ അ​ഞ്ചാം ദി​വ​സം വീ​ൽ​​ചെ​യ​റി​ൽ ത​ന്നെ കാ​ണാ​നെ​ത്തി​യ​യാ​ളെ സ​ഹാ​യി​ച്ചും ബു​ള്ള​റ്റ് ഓ​ടി​ച്ചും ജ​ന​ങ്ങ​ളെ കൈ​യി​ലെ​ടു​ത്ത് രാ​ഹു​ൽ ഗാ​ന്ധി. ഇ​ന്ന​ലെ ഇ​ന്ദോ​റി​ലാ​ണ് ഭി​ന്ന​ശേ​ഷി​ക്കാ​ര​നാ​യ മ​നോ​ഹ​ർ, രാ​ഹു​ൽ ഗാ​ന്ധി​യെ കാ​ണാ​നും യാ​ത്ര​യി​ൽ പ​ങ്കാ​ളി​യാ​വാ​നും എ​ത്തി​യ​ത്. യാ​ത്ര​ക്കി​ടെ വീ​ൽ​ചെ​യ​റി​ലി​രി​ക്കു​ന്ന മ​നോ​ഹ​റി​നെ രാ​ഹു​ൽ ഗാ​ന്ധി ത​ള്ളി​ക്കൊ​ണ്ടു​പോ​വു​ക​യാ​യി​രു​ന്നു. ഈ ​ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വ​ൻ​തോ​തി​ൽ പ്ര​ച​രി​ച്ചു.

രാ​ജ്യ​ത്തി​ന് ഇ​പ്പോ​ൾ ഒ​രു മാ​റ്റം ആ​വ​ശ്യ​മാ​ണെ​ന്ന് താ​ൻ രാ​ഹു​ൽ ഗാ​ന്ധി​യോ​ട് പ​റ​ഞ്ഞ​താ​യി മ​നോ​ഹ​ർ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. യാ​ത്ര‍യു​ടെ സു​ര​ക്ഷ​ക്കാ​യി 1400 പൊ​ലീ​സ് ഉ​ദ്യോ​ഗ​സ്ഥ​രെ വി​ന്യ​സി​ച്ച​താ​യി ഇ​ൻ​ഡോ​ർ പൊ​ലീ​സ് ക​മീ​ഷ​ണ​ർ എ​ച്ച്. സി ​മി​ശ്ര അ​റി​യി​ച്ചു. രാ​ജ്വാ​ഡ മേ​ഖ​ല​യി​ലെ ത​ക​ർ​ച്ച​ഭീ​ഷ​ണി നേ​രി​ടു​ന്ന 12 വീ​ടു​ക​ൾ സു​ര​ക്ഷ​യു​ടെ ഭാ​ഗ​മാ​യി താ​ൽ​ക്കാ​ലി​ക​മാ​യി ഒ​ഴി​പ്പി​ച്ചി​രു​ന്നു. യാ​ത്ര ഇ​ൻ​ഡോ​റി​ലെ​ത്തു​മ്പോ​ൾ ബോം​ബ് സ്ഫോ​ട​നം ന​ട​ത്തു​മെ​ന്നും രാ​ഹു​ൽ ഗാ​ന്ധി​യെ​യും ക​മ​ൽ​നാ​ഥി​നെ​യും കൊ​ല​പ്പെ​ടു​ത്തു​മെ​ന്നും ചൂ​ണ്ടി​ക്കാ​ട്ടി പൊ​ലീ​സി​ന് നേ​ര​ത്തേ ഭീ​ഷ​ണി​ക്ക​ത്ത് ല​ഭി​ച്ചി​രു​ന്ന​തി​നാ​ൽ ക​ന​ത്ത സു​ര​ക്ഷ‍യാ​യി​രു​ന്നു ഏ​ർ​പ്പെ​ടു​ത്തി​യി​രു​ന്ന​ത്.

മ​ഹൂ​മി​ൽ ത​ന്നെ കാ​ണാ​നെ​ത്തി​യ അ​നു​യാ​യി​ക​ളു​ടെ ബു​ള്ള​റ്റ് രാ​ഹു​ൽ ഓ​ടി​ക്കു​ന്ന വി​ഡി​യോ​യും സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യി​രു​ന്നു.