Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഉയർന്നു, പ്രതിപക്ഷ...

ഉയർന്നു, പ്രതിപക്ഷ ഐക്യകാഹളം

text_fields
bookmark_border
bharat jodo yathra
cancel

ശ്രീ​ന​ഗ​ർ: താ​ഴ്വ​ര​യാകെ വെ​ള്ള​തൂകി രാ​വി​ലെ മു​ത​ൽ പൊ​ഴി​ഞ്ഞ മ​ഞ്ഞി​ലേ​ക്കാ​യി​രു​ന്നു, ഭാ​ര​ത് ജോ​​ഡോ യാ​ത്ര​യു​ടെ പ​രി​സ​മാ​പ്തി​ക്കാ​യി നാ​യ​ക​ൻ രാ​ഹു​ൽ ഗാ​ന്ധി തി​ങ്ക​ളാ​ഴ്ച ക്യാ​മ്പ് സൈ​റ്റി​ൽ​നി​ന്ന് ഇ​റ​ങ്ങി​യ​ത്.

ശ്രീ​ന​ഗ​ർ ന​ഗ​ര​ത്തി​ലു​ള്ള കോ​ൺ​ഗ്ര​സ് സം​സ്ഥാ​ന ക​മ്മി​റ്റി ഓ​ഫി​സി​ലെ​ത്തിയ അദ്ദേഹം പാ​ർ​ട്ടി ദേ​ശീ​യ അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യു​മാ​യി, ശ​ങ്ക​രാ​ചാ​ര്യ ഹി​ൽ​സി​ലെ ഷേ​റെ ക​ശ്മീ​ർ ക്രി​ക്ക​റ്റ് സ്റ്റേ​ഡി​യ​ത്തി​ലേ​ക്കു തി​രി​ച്ചു. ‘

‘എ​നി​ക്കു​വേ​ണ്ടി​യ​ല്ല, ഈ ​രാ​ജ്യ​ത്തെ ജ​ന​ങ്ങ​ൾ​ക്കു​വേ​ണ്ടി​യാ​ണ് ഭാ​ര​ത് ജോ​ഡോ യാ​ത്ര. രാ​ജ്യ​ത്തി​ന്റെ അ​ടി​സ്ഥാ​ന​ങ്ങ​ൾ ത​ക​ർ​ക്കു​ന്ന പ്ര​ത്യ​യ​ശാ​സ്ത്ര​ത്തി​നെ​തി​രെ നി​ൽ​ക്കു​ക​യാ​ണ് ന​മ്മു​ടെ ദൗ​ത്യം’’ -​കോ​ൺ​ഗ്ര​സ് നേ​താ​ക്ക​ളും വി​വി​ധ ​പ്ര​തി​പ​ക്ഷ​നേ​താ​ക്ക​ളും അ​ണി​നി​ര​ന്ന വേ​ദി​യി​ൽ രാ​ഹു​ൽ ഗാ​ന്ധി പ്ര​ഖ്യാ​പി​ച്ചു.

22 പാ​ർ​ട്ടി​ക​ളെ ക്ഷ​ണി​ച്ച​തി​ൽ സി.പി.എമ്മും തൃ​ണ​മൂ​ൽ കോ​ൺ​ഗ്ര​സും സ​മാ​ജ്‍വാ​ദി പാ​ർ​ട്ടി​യും ഒ​ഴി​കെ​യു​ള്ള​വ​യെ​ല്ലാം പ​​ങ്കെ​ടു​ത്ത യാ​ത്ര സ​മാ​പ​ന സ​മ്മേ​ള​നം വ​രാ​നി​രി​ക്കു​ന്ന കൂ​ട്ടാ​യ്മ​യു​ടെ വി​ളം​ബ​രം​കൂ​ടി​യാ​യി.

പ​​ങ്കെ​ടു​ക്കു​മെ​ന്ന് അ​റി​യി​ച്ച ഏ​താ​നും നേ​താ​ക്ക​ൾ​ക്ക് ക​ടു​ത്ത കാ​ലാ​വ​സ്ഥ കാ​ര​ണം വ​രാ​ൻ ക​ഴി​ഞ്ഞി​രു​ന്നി​ല്ല. വ്യ​ക്തി​ഗ​ത​മാ​യും രാ​ഷ്ട്രീ​യ​പ​ര​മാ​യും സം​സാ​രി​ച്ച രാ​ഹു​ൽ, രാ​ജ്യം ഭ​രി​ക്കു​ന്ന ബി.​ജെ.​പി​ക്കെ​തി​രാ​ണ് യാ​ത്ര​യെ​ന്ന് പ്ര​ത്യ​ക്ഷ​ത്തി​ൽ പ്ര​ഖ്യാ​പി​ച്ച​താ​ണ് ശ്ര​ദ്ധേ​യ​മാ​യ​ത്.

‘‘ജ​മ്മു​വി​ലും ക​ശ്മീ​രി​ലും ഇ​ത്ത​ര​മൊ​രു യാ​ത്ര ഒ​രു ബി.​ജെ.​പി നേ​താ​വും ന​ട​ത്തി​ല്ലെ​ന്ന് എ​നി​ക്ക് ഉ​റ​പ്പു​പ​റ​യാ​നാ​കും. അ​വ​ർ​ക്ക​തി​ന് അ​നു​മ​തി ല​ഭി​ക്കാ​ത്ത​തു മാ​ത്ര​മാ​കി​ല്ല, അ​വ​ർ ച​കി​ത​രാ​യ​തു​കൊ​ണ്ടു​കൂ​ടി​യാ​ണ്’’ -രാ​ഹു​ൽ പ​രി​ഹ​സി​ച്ചു.

ക​ശ്മീ​രി​ലൂ​ടെ പ​ദ​യാ​ത്ര പാ​ടി​ല്ലെ​ന്നും ആ​ക്ര​മി​ക്ക​പ്പെ​ടു​മെ​ന്നും ത​നി​ക്ക് അ​ധി​കൃ​ത​ർ മു​ന്ന​റി​യി​പ്പു ന​ൽ​കി​യി​രു​ന്നു​വെ​ന്നും അ​ദ്ദേ​ഹം വെ​ളി​പ്പെ​ടു​ത്തി. ‘‘ഇ​തേ​പ്പ​റ്റി ഞാ​ൻ ചി​ന്തി​ച്ചു. പി​ന്നെ തീ​രു​മാ​നി​ച്ചു, എ​ന്റെ വീ​ട്ടി​ൽ എ​ന്റെ ജ​ന​ങ്ങ​ൾ​ക്കൊ​പ്പം ന​ട​ക്കാ​ൻ. എ​ന്റെ ​ശ​ത്രു​ക്ക​ൾ​ക്ക് എ​ന്റെ കു​പ്പാ​യ​ത്തി​ന്റെ നി​റം ചു​വ​പ്പി​ക്കാ​ൻ ഒ​രു അ​വ​സ​രം എ​ന്തി​നു ന​ൽ​കാ​തി​രി​ക്ക​ണം.

ക​ശ്മീ​രി​ലെ ജ​ന​ങ്ങ​ൾ ഹാ​ൻ​ഡ് ഗ്ര​നേ​ഡു​ക​ള​ല്ല, ഹൃ​ദ​യം നി​റ​ഞ്ഞ സ്നേ​ഹം മാ​ത്ര​മാ​ണ് ന​ൽ​കി​യ​ത്’’ -രാ​ഹു​ൽ വി​കാ​ര​ഭ​രി​ത​നാ​യി പ​റ​ഞ്ഞു. പ്ര​മു​ഖ പ്ര​തി​പ​ക്ഷ പാ​ർ​ട്ടി നേ​താ​ക്ക​ളെ​ല്ലാം രാ​ഹു​ൽ ഗാ​ന്ധി​യു​ടെ അ​സാ​ധാ​ര​ണ യാ​ത്ര​യെ അ​ഭി​ന​ന്ദി​ക്കു​ന്ന​തി​നും സ​മാ​പ​ന സ​മ്മേ​ള​ന വേ​ദി സാ​ക്ഷി​യാ​യി.

രാ​ഹു​ലി​ൽ പ്ര​തീ​ക്ഷ​യേ​റെ​യാ​ണെ​ന്ന് ജ​മ്മു-​ക​ശ്മീ​ർ മു​ൻ മു​ഖ്യ​മ​ന്ത്രി​മാ​രാ​യ ഉ​മ​ർ അ​ബ്ദു​ല്ല​യും മ​ഹ്ബൂ​ബ മു​ഫ്തി​യും അ​ഭി​പ്രാ​യ​പ്പെ​ട്ടു. യാ​ത്ര​യു​ടെ തു​ട​ക്കം​കു​റി​ച്ച് ഒ​പ്പ​മു​ണ്ടാ​യി​രു​ന്ന ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ന്റെ പ്ര​തി​നി​ധി​യാ​യാ​ണ് താ​നെ​ത്തി​യ​തെ​ന്ന് ഡി.​എം.​കെ നേ​താ​വ് തി​രു​ച്ചി ശി​വ എം.​പി പ​റ​ഞ്ഞു. ജോ​ഡോ യാ​ത്ര ച​രി​ത്ര​പ​ര​മാ​യ ഒ​രു മു​ന്നേ​റ്റ​മാ​ണെ​ന്ന് ആ​ർ.​എ​സ്.​പി നേ​താ​വ് എ​ൻ.​കെ. പ്രേ​മ​ച​ന്ദ്ര​ൻ പ​റ​ഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:oppositionBharat Jodo Yatra
News Summary - bharat jodo yathra-opposition party-rahul gandhi
Next Story