Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവാക്​സിൻ: ആദ്യഘട്ട...

കോവാക്​സിൻ: ആദ്യഘട്ട പരീക്ഷണത്തിനിടെ പ്രതികൂല സംഭവമുണ്ടായതായി ഭാരത്​ ബയോടെക്​

text_fields
bookmark_border
കോവാക്​സിൻ: ആദ്യഘട്ട പരീക്ഷണത്തിനിടെ പ്രതികൂല സംഭവമുണ്ടായതായി ഭാരത്​ ബയോടെക്​
cancel

ന്യൂഡൽഹി: ഇന്ത്യയിൽ വികസിപ്പിച്ച കൊറോണ വൈറസ്​ വാക്​സി​െൻറ ആഗസ്​റ്റിലെ ആദ്യഘട്ട പരീക്ഷണത്തെ പ്രതികൂലമായി ബാധിക്കുന്ന സംഭവമുണ്ടായതായി ഭാരത്​ ബയോടെക്​. വാക്​സിൻ പരീക്ഷണം ആരംഭിച്ച്​ 24 മണിക്കൂറിനുള്ളിൽ സംഭവം റിപ്പോർട്ട്​ ചെയ്​തതായി ഹൈദരബാദ്​ ആസ്​ഥാനമായി പ്രവർത്തിക്കുന്ന മരുന്ന് നിർമാണ​ കമ്പനി പറയുന്നു.

പ്രതികൂല സംഭവം റി​േപ്പാർട്ട്​ ചെയ്​ത ഉടൻ തന്നെ ഡ്രഗ്​സ്​ കൺട്രോളർ ജനറൽ ഓഫ്​ ഇന്ത്യയെ അറിയിച്ചതായും ഭാരത്​ ബയോടെക്​ അറിയിച്ചു. ഭാരത്​ ബയോടെകും ഐ.സി.എം.ആറും ചേർന്നാണ്​ കൊറോണ വൈറസ്​ വാക്​സിനായ 'കോവാക്​സിൻ' വികസിപ്പിക്കുന്നത്​. നിലവിൽ വാക്​സി​െൻറ മൂന്നാംഘട്ട പരീക്ഷണത്തിലേക്ക്​ കടന്നിരിക്കുകയാണ്​. ഇതിനായി​ സെൻട്രൽ ​ഡ്രഗ്​സ്​ സ്​റ്റാൻഡേർഡ്​ കൺട്രോൾ ഓർഗനൈസേഷൻ അനുമതി നേരത്തേ നൽകിയിരുന്നു.

മാർഗനിർദേശങ്ങൾ പ്രകാരം, വാക്​സിൻ പരീക്ഷണത്തിലെ എല്ലാ പ്രതികൂല സംഭവങ്ങളും എത്തിക്​സ്​ കമ്മിറ്റിയിൽ റിപ്പോർട്ട്​ ചെയ്യണം. ആദ്യഘട്ട പരീക്ഷണത്തിലെ പ്രതികൂല സംഭവം ഭാരത്​ ബയോടെക്​ പുറത്തുവിട്ടിരുന്നില്ലെന്ന റിപ്പോർട്ടുകൾ പ്രചരിച്ചിരുന്നു. എന്നാൽ പ്രതികൂല സംഭവമുണ്ടായ വിവരം 24 മണിക്കൂറിനുള്ളിൽ തന്നെ ഡി.സി.​ജി.ഐ അറിയിച്ചിരുന്നുവെന്ന്​ കമ്പനി വ്യക്തമാക്കി. തുടർന്ന്​ പ്രതികൂല സംഭവത്തെക്കുറിച്ച്​ വിശദമായി അന്വേഷിക്കുകയും വാക്​സിനുമായി ബന്ധമില്ലെന്ന്​ നിർണയിക്കുകയും ചെയ്​തു. ഇതുമായി ബന്ധപ്പെട്ട റിപ്പോർട്ട്​ കോവാക്​സി​െൻറ രണ്ട്​, മൂന്ന്​ ഘട്ട പരീക്ഷണത്തിന്​ അനുമതി ലഭിക്കുന്നതിനുമുമ്പ്​ അധികൃതർക്ക്​ നൽകിയിരുന്നതായും കമ്പനി വ്യക്തമാക്കി.

രാജ്യ​െത്ത 21 മെഡിക്കൽ ഇൻസ്​റ്റിറ്റ്യൂട്ടുകളിൽ കോവാക്​സിൻ പരീക്ഷണം നടക്കുന്നുണ്ട്​. അടുത്ത വർഷം ആദ്യ​ത്തോടെ വാക്​സിൻ ലഭ്യമാക്കുമെന്നാണ്​ വിവരം.

Show Full Article
TAGS:Bharat Biotech coronavirus vaccine Covaxine 
News Summary - Bharat Biotech confirms adverse event during coronavirus vaccine trial
Next Story