ഇന്ധനവില കുതിക്കു​േമ്പാൾ മോദി മൗനത്തിൽ: ആഞ്ഞടിച്ച്​ രാഹുൽ ഗാന്ധി

ന്യൂഡൽഹി: രാജ്യത്ത്​ ഇന്ധനവില കുതിച്ചുയരു​േമ്പാൾ പ്രധാനമന്ത്രി നരേന്ദ്ര മോദി മൗനത്തിലാണെന്ന്​​ കോൺഗ്രസ്​ അധ്യക്ഷൻ രാഹുൽ ഗാന്ധി. കഴിഞ്ഞ 70 വർഷത്തിനിടെ രൂപ ഇത്ര വലിയ തകർച്ച നേരിട്ടിട്ടില്ല. എന്തിനാണ് രാജ്യത്ത്​​ നോട്ട്​ നിരോധനം ഏർപ്പെടുത്തിയതെന്ന്​​ ഇപ്പോഴും ആർക്കുമറിയില്ല. റഫാൽ സംഭവത്തിലും മോദി മൗനം തുടരുകയാണെന്ന്​​​ രാഹുൽ ആരോപിച്ചു.

കുത്തക മുതലാളിമാരായ മോദിയുടെ സുഹൃത്തുക്കൾ മാത്രമാണ് രാജ്യത്ത്​​ സംതൃപ്​തർ. പ്രധാനമന്ത്രി ജനങ്ങളെ തമ്മിലടിപ്പിക്കുന്നുവെന്നും രാഹുൽ ഗാന്ധി ആരോപിച്ചു. ഇന്ധനവില വർധനവിൽ പ്രതിഷേധിച്ച്​ രാംലീല മൈതാനിയിൽ സംഘടിപ്പിച്ച പ്രതിപക്ഷ പാർട്ടികളുടെ മാർച്ചിൽ സംസാരിക്കുകയായിരുന്നു അദ്ദേഹം.

രാജ്യത്ത്​ കർഷകർ ആത്മഹത്യ ചെയ്യു​േമ്പാഴും സ്​ത്രീകൾ പീഡനത്തിനിരയാകു​േമ്പാഴും മൗനം വെടിയാൻ പ്രധാനമന്ത്രി തയാറാകുന്നില്ല. ഭരണത്തിലേറു​േമ്പാൾ മോദി നൽകിയ വാഗ്​ദാനങ്ങളൊന്നും തന്നെ പാലിക്കപ്പെട്ടതുമില്ല. ബി.ജെ.പിയെ പ്രതിപക്ഷ പാർട്ടികൾ ഒറ്റക്കെട്ടായി നിന്ന്​ പാഠം പഠിപ്പിക്കുമെന്നും അവരെ അധികാരത്തിൽ നിന്നും താഴെയിറക്കുമെന്നും രാഹുൽ പ്രഖ്യാപിച്ചു.