കർഷക പ്രതിഷേധം: പഞ്ചാബിലും ഹരിയാനയിലും ട്രെയിൻ സർവീസുകൾ റദ്ദാക്കി

ന്യൂ​ഡ​ൽ​ഹി: ക​ർ​ഷ​ക വി​രു​ദ്ധ ബി​ല്ലു​ക​ൾ​ക്കെ​തി​രെ ക​ർ​ഷ​ക സം​ഘ​ട​ന​കൾ പ്രഖ്യാപിച്ച സമരത്തെ തുടർന്ന് പഞ്ചാബിലും ഹരിയാനയിലും ട്രെയിൻ സർവീസുകൾ റദ്ദാക്കി. പഞ്ചാബിൽ ഒമ്പത് ട്രെയിനുകൾ ഭാഗികമായും ഹരിയാനയിൽ 13 സർവീസുകളുമാണ് റദ്ദാക്കിയത്. അമൃത്സറിൽ റെയിൽവേ പാളത്തിൽ പ്രക്ഷോഭകരുടെ കുത്തിയിരിപ്പ് സമരം തുടരുകയാണ്.

പഞ്ചാബിൽ സർവീസ് നടത്തുന്ന അമൃത് സർ-ജയനഗർ എക്സ് പ്രസ് സെപ്റ്റംബർ 25 വരെയും ജയനഗർ-അമൃത് സർ എക്സ്പ്രസ് സെപ്റ്റംബർ 27 വരെയുമാണ് റദ്ദാക്കിയത്. ന്യൂഡൽഹി-ഉന ഹിമാചൽ എക്സ്പ്രസ് ചണ്ഡിഗഡ് വരെ മാത്രമെ സർവീസ് നടത്തുകയുള്ളൂ.

രാവിലെ 11 മുതൽ 2 മണിവരെ പഞ്ചാബിലെ എല്ലാ നിയമസഭാ മണ്ഡലങ്ങളിലും മൂന്നു മണിക്കൂർ ഗതാഗതം സ്തംഭിപ്പിക്കുമെന്ന് ശിരോമണി അകാലിദൾ പ്രഖ്യാപിച്ചിട്ടുണ്ട്. കർഷക പ്രക്ഷോഭം കണക്കിലെടുത്ത് ഡൽഹി-ഹരിയാന അതിർത്തി വഴിയുള്ള ഗതാഗതത്തിന് ഡൽഹി പൊലീസ് നിരോധനം ഏർപ്പെടുത്തി.

ക​ർ​ഷ​ക ബി​ല്ലു​ക​ൾക്കെ​തി​രെ 150ല​ധി​കം ക​ർ​ഷ​ക സം​ഘ​ട​ന​ക​ളു​ടെ ദേ​ശീ​യ കൂ​ട്ടാ​യ്മ​യാ​യ അ​ഖി​ലേ​ന്ത്യ കി​സാ​ൻ സം​ഘ​ർ​ഷ് കോ​ഓ​ഡി​നേ​ഷ​ൻ ക​മ്മി​റ്റി​യു​ടെ നേ​തൃ​ത്വ​ത്തി​ലാണ് രാ​ജ്യ​വ്യാ​പ​ക ബ​ന്ദും പ്ര​തി​ഷേ​ധ സ​മ​ര​ങ്ങ​ളും സം​ഘ​ടി​പ്പി​ക്കുന്നത്. പ​ഞ്ചാ​ബ്, ഹ​രി​യാ​ന സം​സ്ഥാ​ന​ങ്ങ​ളി​ൽ പൂ​ർ​ണ ബ​ന്ദാ​യി മാ​റും.

Latest Video: