ഭാഗേലിനെ മുൻനിർത്തി കോൺഗ്രസ്; അഴിമതിക്കെതിരെ ആഞ്ഞടിക്കാൻ ബി​.ജെ.പി

റാ​യ്പൂ​ർ: 15 വ​ർ​ഷ​ത്തെ ബി.​ജെ.​പി ഭ​ര​ണ​ത്തി​ന് അ​ന്ത്യം​കു​റി​ച്ച് 2018ൽ ​നേ​ടി​യ ത​ക​ർ​പ്പ​ൻ വി​ജ​യം നി​ല​നി​ർ​ത്താ​ൻ മു​ഖ്യ​മ​ന്ത്രി ഭൂ​പേ​ഷ് ഭാ​ഗേ​ലി​ന്റെ ജ​ന​പ്രി​യ​ത മു​ൻ​നി​ർ​ത്തി​യാ​ണ് കോ​ൺ​​ഗ്ര​സ് ഛത്തി​സ്ഗ​ഢി​ൽ ക​രു​ക്ക​ൾ നീ​ക്കു​ന്ന​ത്. കൈ​വി​ട്ട ഭ​ര​ണം വീ​ണ്ടെ​ടു​ക്കാ​ൻ കോ​​ൺ​ഗ്ര​സ് സ​ർ​ക്കാ​റി​ന്റെ അ​ഴി​മ​തി ചൂ​ണ്ടി​ക്കാ​ട്ടി അ​ര​യും ത​ല​യും മു​റു​ക്കി ബി.​ജെ.​പി​യും രം​ഗ​ത്തു​ണ്ട്. ഇ​ൻ​ഡ്യ സ​ഖ്യ​ത്തി​ന്റെ ഭാ​ഗ​മാ​ണെ​ങ്കി​ലും ഛത്തി​സ്ഗ​ഢി​ൽ പ്രാ​യോ​ഗി​ക​മ​ല്ലെ​ന്ന അ​ഭി​പ്രാ​യ​വു​മാ​യി ആം ​ആ​ദ്മി പാ​ർ​ട്ടി​യും ഒ​രു​കൈ നോ​ക്കാ​നി​റ​ങ്ങു​ക​യാ​ണ്. 32 ശ​ത​മാ​നം ഗോ​ത്ര​വ​ർ​ഗ പ്രാ​തി​നി​ധ്യ​മു​ള്ള സം​സ്ഥാ​ന​ത്ത് ആ​ദി​വാ​സി സം​ഘ​ട​ന​ക​ളു​ടെ കൂ​ട്ടാ​യ്മ​യാ​യ സ​ർ​വ ആ​ദി​വാ​സി​സ​മാ​ജും മ​ത്സ​ര​രം​ഗ​ത്തി​റ​ങ്ങു​ന്ന​ത് ഫ​ലം പ്ര​വ​ച​നാ​തീ​ത​മാ​ക്കും.

ജ​ന​ക്ഷേ​മ​പ്ര​വ​ർ​ത്ത​ന​ങ്ങ​ൾ മു​ൻ​നി​ർ​ത്തി​യു​ള്ള പ്ര​വ​ർ​ത്ത​ന​ങ്ങ​ളി​ലൂ​ടെ ഒ​രു​വ​ർ​ഷം മു​മ്പു​വ​രെ വെ​ല്ലു​വി​ളി​ക​ളി​ല്ലാ​തെ മു​ന്നേ​റു​ക​യാ​യി​രു​ന്ന ഭാ​ഗേ​ൽ സ​ർ​ക്കാ​റി​നെ അ​ഴി​മ​തി​യും മു​സ്‍ലിം പ്രീ​ണ​ന ന​യ​ങ്ങ​ളും ഉ​ന്ന​യി​ച്ച് ത​റ​പ​റ്റി​ക്കാ​നു​ള്ള കൊ​ണ്ടു​പി​ടി​ച്ച ശ്ര​മ​ത്തി​ലാ​ണ് ബി.​ജെ.​പി. താ​ര​പ്ര​ചാ​ര​ക​നാ​യ ന​രേ​ന്ദ്ര മോ​ദി​ത​ന്നെ ബി.​ജെ.​പി റാ​ലി​ക​ളി​ൽ ഇ​ക്കാ​ര്യ​ങ്ങ​ൾ ചൂ​ണ്ടി​ക്കാ​ട്ടി സ​ർ​ക്കാ​റി​നെ​തി​രെ ആ​ഞ്ഞ​ടി​ച്ചി​രു​ന്നു.

മൊ​ത്തം 90 സീ​റ്റി​ൽ 68 എ​ണ്ണം നേ​ടി​യാ​ണ് 2018ൽ ​കോ​ൺ​ഗ്ര​സ് അ​ധി​കാ​ര​ത്തി​ലെ​ത്തി​യ​ത്. 15 വ​ർ​ഷം അ​ധി​കാ​ര​ത്തി​ലി​രു​ന്ന ബി.​ജെ.​പി​ക്ക് 15 സീ​റ്റ് കൊ​ണ്ട് തൃ​പ്തി​പ്പെ​ടേ​ണ്ടി​വ​ന്നു. ഉ​പ​തെ​ര​ഞ്ഞെ​ടു​പ്പു​ക​ളി​ൽ അ​ഞ്ച് സീ​റ്റു​ക​ൾ കൂ​ടി നേ​ടി നി​ല​വി​ൽ 71 എം.​എ​ൽ.​എ​മാ​രാ​ണ് കോ​ൺ​ഗ്ര​സി​നു​ള്ള​ത്.