ഭഗത്​ സിങ്ങിന്‍റെ സഹോദരപുത്രൻ കോവിഡ്​ ബാധിച്ച്​ മരിച്ചു

ന്യൂഡൽഹി: രക്തസാക്ഷി ഭഗത്​ സിങ്ങിന്‍റെ സഹോദരപുത്രൻ അഭയ്​ സിങ്​ സന്ധു കോവിഡ്​ ബാധിച്ച്​ മരിച്ചു. വെള്ളിയാഴ്​ച വൈകിട്ട്​ പഞ്ചാബിലെ മൊഹാലിയിലായിരുന്നു അന്ത്യം.

ദിവസങ്ങൾക്ക്​ മുമ്പ്​ ഇദ്ദേഹത്തിന്​ കോവിഡ്​ സ്​ഥിരീകരിച്ചതിനെ തുടർന്ന്​ മൊഹാലിയിലെ ഫോർട്ടിസ്​ ആശുപത്രിയിൽ പ്രവേശിപ്പിച്ചിരുന്നു. ഭഗത്​ സിങ്ങിന്‍റെ ഇളയ സഹോദരൻ സർദാർ കുൽബിർ സിങ്ങിന്‍റെ മകനാണ്​ അഭയ്​ സിങ്​.

അഭയ്​യുടെ മരണത്തിൽ പഞ്ചാബ്​ മുഖ്യമന്ത്രി ക്യാപ്​റ്റൻ അമരീന്ദർ സിങ്​ ദുഃഖം രേഖ​െപ്പടുത്തി. ഭഗത്​ സിങ്ങിന്‍റെ പ്രത്യയശാസ്​ത്രം പിന്തുടരുകയും അത്​ പ്രചരിപ്പാക്കാൻ കഠിനമായി ​പ്രയത്​നിക്കുകയും ചെയ്​ത സാമൂഹിക പ്രവർത്തകനായിരുന്നുവെന്ന്​ പഞ്ചാബ്​ ആരോഗ്യമന്ത്രി ബൽബീർ സിങ്​ സിദ്ധു ഓർമിച്ചു.