ഫാഷിസ്റ്റുകളുടെ ലക്ഷ്യം സാമുദായിക ധ്രുവീകരണം- രാഹുൽ ഗാന്ധി
text_fieldsന്യൂഡൽഹി: പൗരത്വ ഭേദഗതി ബില്ലനും (സി.എ.ബി) ദേശീയ പൗരത്വ രജിസ്റ്ററിനും (എൻ.ആർ.സി) എതിരായ ശരിയായ പ്രതിരോധം സമാധാനപരവും അക്രമരഹിതവുമായ സത്യഗ്രഹം ആണെന്ന് കോൺഗ്രസ് നേതാവ് രാഹുൽ ഗാന്ധി ട്വിറ്ററിൽ കുറിച്ചു.
‘ഇന്ത്യയിൽ സാമുദായിക ധ്രുവീകരണം ലക്ഷ്യമിട്ടുള്ള ഫാഷിസ്റ്റ് ശക്തികളുടെ ആയുധങ്ങളാണ് സി.എ.ബിയും എൻ.ആർ.സിയും. ഈ വൃത്തികെട്ട ആയുധങ്ങൾക്കെതിരായ ശരിയായ പ്രതിരോധം സമാധാനപരവും അക്രമരഹിതവുമായ സത്യഗ്രഹം ആണ്. സി.എ.ബിക്കും എൻ.ആർ.സിക്കുമെതിരെ സമാധാനപരമായി പ്രക്ഷോഭം നടത്തുന്ന എല്ലാവർക്കും ഐക്യദാർഢ്യം പ്രഖ്യാപിക്കുന്നു’- രാഹുൽ ട്വീറ്റ് ചെയ്തു.
കല്ലെറിയുകയും ബസ് കത്തിക്കുകയും ലഹള ഉണ്ടാക്കുകയും സ്വന്തം രാജ്യത്തെ ഒറ്റുകൊടുക്കുകയും ചെയ്യുന്നവരിൽ നിന്ന് സമാധാനം ആഗ്രഹിക്കുന്നത് മണ്ടത്തരമാണെന്ന മറുപടിയുമായി മാധ്യമ പ്രവർത്തകൻ അർണാബ് ഗോസ്വാമി പിന്നാലെ ട്വിറ്ററിലെത്തി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.