ഒമിക്രോൺ സ്​ഥിരീകരിച്ച ബംഗളൂരു ഡോക്​ടർ 15 ദിവസത്തിന്​ ശേഷവും പോസിറ്റീവ്​

ബംഗളൂരു: കർണാടകയിൽ കൊറോണ വൈറസിന്‍റെ ഏറ്റവും പുതിയ വകഭേദമായ ഒമിക്രോൺ സ്​ഥിരീകരിച്ച ബംഗളൂരു ഡോക്​ടർ 15 ദിവസത്തിന്​ ശേഷവും പോസിറ്റീവ്​. കോവിഡ്​ നെഗറ്റീവാകാ​ത്തതിനെ തുടർന്ന്​ ഡോക്​ടറോട്​ ആശുപത്രിയിൽ തുടരാൻ നിർദേശം നൽകി.

ഡോക്​ടറുടെ പ്രാഥമിക സമ്പർക്കപട്ടികയിലെ ഒരാളുടെയും സെക്കൻഡറി സമ്പർക്കപട്ടികയിലെ രണ്ടുപേരുടെയും പരിശോധന ഫലം നെഗറ്റീവാണ്​.

ഡോക്​ടറുടെ സാമ്പിളുകൾ 24 മണിക്കൂറിന്​ ശേഷം വീണ്ടും പരിശോധനക്ക്​ അയക്കും. നെഗറ്റീവ്​ ആകുന്നതുവരെ നിരന്തരം പരിശോധനകൾ നടത്തുമെന്നും ആശുപത്രിയിലെ മുതിർന്ന ഡോക്​ടർ അറിയിച്ചു. നെഗറ്റീവാകുന്നതുവരെ ഡോക്​ടറും സമ്പർക്കപട്ടികയിൽ ഉള്ളവരും നിരീക്ഷണത്തിൽ കഴിയണം.

രോഗം സ്​ഥിരീകരിച്ച ഡോക്​ടറുടെ രക്തസമ്മർദം, ഓക്​സിജൻ ലെവൽ മറ്റുള്ളവയെല്ലാം സാധാരണ നിലയിലാണെന്നും ആശുപത്രി അധികൃതർ അറിയിച്ചു.

'ഡോക്​ടർ ഒരു പ്രമേഹ രോഗിയാണ്​. അതിനാലാണ്​ കോവിഡ്​ നെഗറ്റീവാകാൻ പ്രായസമാകുന്നത്​. ഡെൽറ്റയിലടക്കം നിരവധി വകഭേദങ്ങളിൽ ഈ പ്രശ്​നമുണ്ടായിരുന്നു. ചികിത്സ തുടങ്ങി 21ാം ദിവസവും പോസിറ്റീവായവർ ഉണ്ടായിരുന്നു' -ഡോക്​ടർ പറഞ്ഞു.