‘ഇത്​ ഇസ്​ലാമോഫോബിയ തന്നെ’, ​കണ്ടക്ടറുടെ തൊപ്പി നിർബന്ധിച്ച്​ അഴിപ്പിച്ച്​ യുവതി; വിഡിയോ വൈറൽ

ബെംഗളൂരു: ബസ്​ കണ്ടക്ടറുടെ തൊപ്പി നിർബന്ധിച്ച്​ അഴിപ്പിക്കുന്ന​ യുവതിയുടെ വിഡിയോ വൈറൽ. ബെംഗളൂരു നഗരത്തിലാണ്​ സംഭവം. ബസ്​ യാത്രക്കാരിയായ യുവതി കണ്ടക്ടര്‍ ധരിച്ചിരുന്ന പച്ച നിറത്തിലുള്ള തൊപ്പി നീക്കം ചെയ്യാന്‍ നിര്‍ബന്ധിക്കുകയും പരാതി നല്‍കുമെന്ന് ഭീഷണിപ്പെടുത്തുകയും ചെയ്യുന്നതായാണ്​ വിഡിയോയിലുള്ളത്​. ബെംഗളൂരു മെട്രോപൊളിറ്റന്‍ ട്രാന്‍സ്പോര്‍ട്ട് കോര്‍പ്പറേഷന്‍ (ബി.എം.ടി.സി) ബസിലാണ്​ സംഭവം.

യുവതിത​ന്നെയാണ്​ വിഡിയോ ചിത്രീകരിച്ചിരിക്കുന്നതെന്നാണ്​ സൂചന. കണ്ടക്ടറുടെ യൂനിഫോമിനെ കുറിച്ച് യാത്രക്കാരി ആവര്‍ത്തിച്ച് ചോദ്യം ചെയ്യുകയും യൂനിഫോമിനൊപ്പം തൊപ്പി ധരിക്കാന്‍ നിയമം അനുവദിക്കുന്നുണ്ടോ എന്ന് ചോദിക്കുകയും ചെയ്യുന്നുണ്ട്​. യുവതിയുടെ ഭീഷണി കാരണം കണ്ടക്ടര്‍ അവസാനം തൊപ്പി ഊരിമാറ്റുന്നതായും വിഡിയോയിലുണ്ട്​.

വിഡിയോ സോഷ്യല്‍ മീഡിയയില്‍ വൈറലായി. സര്‍ക്കാര്‍ ജോലിക്കാരായതിനാല്‍ പൊതു ഇടങ്ങളിലല്ല, വീട്ടില്‍ വെച്ചാണ് മതം പിന്തുടരേണ്ടതെന്ന് യുവതി ആവര്‍ത്തിച്ച് പറയുന്നത് കേള്‍ക്കാം. ഞാന്‍ കുറച്ച് വര്‍ഷങ്ങളായി ഈ തൊപ്പി ധരിക്കുന്നു എന്നാണ് കണ്ടക്ടർ പ്രതികരിച്ചത്. സര്‍ക്കാര്‍ ഡ്യൂട്ടിയിലായിരിക്കുമ്പോള്‍ തൊപ്പി ധരിക്കുന്നത് നിയമത്തിന് കീഴില്‍ വരുമോയെന്ന് യുവതി കണ്ടക്ടറോട് ചോദിച്ചു. യുവതിയോട് കണ്ടക്ടര്‍ മാന്യമായി പ്രതികരിച്ചെങ്കിലും ബിഎംടിസി എംഡിയോട് വിഷയം പറയുമെന്ന് പറഞ്ഞ്​ ഭീഷണിപ്പെടുത്തുകയായിരുന്നു.

ವಾಟ್ಸಾಪಲ್ಲಿ ನೋಡ್ದೆ. ಆ ಮಹಿಳೆಯ ಹೃದಯದಲ್ಲಿ ತುಂಬಿದ ಕೋಮು ವಿಷದ ತೀವ್ರತೆಯನ್ನು ಅಳೆಯುವ ಯಂತ್ರವೊಂದಿದ್ರೆ ಅದರ ಮುಳ್ಳುಗಳೇ ಒಡೆದುಹೋಗುತ್ತಿದ್ವೆನೋ?. ಕುಂಕುಮ, ಮಾಲೆಗಳನ್ನು ಧರಿಸುವಂತೆ ಟೋಪಿಗೂ ಅವಕಾಶವಿದೆಎಂದಾಗಿದೆ ನನ್ನ ಭಾವನೆ. ಏನಿದ್ದರೂ ವಿಷ ಕಾರುತ್ತಿರುವ ಮಹಿಳೆಯ ಮುಂದೆಯೂ ಸೌಮ್ಯವಾಗಿ ನಡೆದುಕೊಂಡ ನಿರ್ವಾಹಕರಿಗೆ ನನ್ನದೊಂದು ಸಲಾಂ pic.twitter.com/RFaIXGuq3M

— Mohamed Haneef (@Mohamed47623244) July 11, 2023

വിഡിയോക്ക്​ താഴെ യുവതിയെ വിമർശിച്ച്​ നിരവധിപേർ രംഗത്തുവന്നു. പാർലമെന്‍റ്​ ഉദ്​ഘാടനത്തിന്​ പൂജ നടത്തുന്ന പ്രധാനമന്ത്രിയുള്ള നാട്ടിലാണ്​ പാവം കണ്ടക്ടറുടെ തൊപ്പി അഴിപ്പിക്കുന്നതെന്ന്​ വിമർശകർ പറയുന്നു. സർക്കാർ ഓഫീസുകളിൽ പൊട്ടും കുറിയും തലപ്പാവും അണിഞ്ഞുവരുന്നവരെ ഇതുപോലെ ഭീഷണിപ്പെടുത്തുമോ എന്ന്​ ചോദിക്കുന്നവരും ഉണ്ട്​. ഇന്ത്യയിൽ വളരുന്ന ഇസ്​ലാമോഫോബിയക്ക്​ ഉദാഹരണമെന്ന്​ സംഭവമെന്നും നിരവധിപേർ ചൂണ്ടിക്കാട്ടി.