'​േഗാലി മാരോ' മുദ്രാവാക്യം മുഴക്കിയ ബി.ജെ.പി പ്രവർത്തകരെ അറസ്റ്റ് ചെയ്​ത ​െപാലീസുകാരൻ രാജിവെച്ചു

കൊ​ൽക്കത്ത: പശ്ചിമ ബംഗാളിൽ റാലിക്കിടെ ഗോലി മാരോ (രാജ്യദ്രോഹികളെ വെടിവെച്ചുകൊല്ലും) മുദ്രാവാക്യം മുഴക്കിയ ബി.ജെ.പി പ്രവർത്തകരെ അറസ്റ്റ്​ ചെയ്യാൻ ഉത്തരവിട്ട മുതിർന്ന പൊലീസ്​ ഉദ്യോഗസ്​ഥൻ രാജിവെച്ചു. കൊൽക്കത്ത ചന്ദൻനഗർ പൊലീസ്​ കമീഷനറായ ഹുമയൂൺ കബീറാണ്​ രാജിവെച്ചത്​. സ്വകാര്യ കാരണങ്ങൾകൊണ്ടാണ്​ രാജിയെന്നും​ എൻ.ഡി.ടി.വി റിപ്പോർട്ട്​ ​െചയ്​തു.

ജനുവരി 21ന്​ തൃണമൂൽ വിട്ട്​ ബി.ജെ.പിയിലെത്തിയ സുവേന്ദു അധികാരിയുടെ നേതൃത്വത്തിൽ നടത്തിയ റാലിക്കിടെ ബി.ജെ.പി പ്രവർത്തകർ ഗോലി മാരോ മുദ്രാവാക്യം മുഴക്കിയിരുന്നു. ഇതിൽ മൂന്ന്​ ബി.ജെ.പി പ്രവർത്തകരെ അക്രമം പ്രോത്സാഹിപ്പിക്കുന്നുവെന്ന പേരിൽ ഹുമയൂൺ കബീർ അറസ്റ്റ്​ ചെയ്യുകയും ചെയ്​തു. ഇതിനുപിന്നാലെയാണ്​ ഹുമയൂൺ കബീറിന്‍റെ രാജി.

'കുറച്ചുദിവസങ്ങൾക്ക്​ ശേഷം രാജിയുടെ കാരണങ്ങൾ വ്യക്തമാക്കാം. ആദ്യം സർവിസിൽനിന്ന്​ ഒഴിയ​ട്ടെ' -മാധ്യമങ്ങളോട്​ അദ്ദേഹം പറഞ്ഞു. ജോലിയിൽനിന്ന്​ രാജിവെച്ച്​ രാഷ്​ട്രീയത്തിലിറങ്ങാനാണ്​ ഹുമയൂൺ കബീറിന്‍റെ നീക്കമെന്നാണ്​ വിവരം. ഏപ്രിൽ 30ന്​ അദ്ദേഹം ഔദ്യോഗികമായി സർവിസിൽ നിന്ന്​ വിരമിക്കും. എന്നാൽ ഇതിനു കാത്തുനിൽക്കാതെ ജനുവരി 31ന്​ സർവിസിൽനിന്ന്​ ഇറങ്ങാൻ അദ്ദേഹം തീരുമാനിക്കുകയായിരുന്നു.

രാജിവെച്ച്​ മുഖ്യമന്ത്രി മമത ബാനർജിയുടെ പാർട്ടിയായ തൃണമൂൽ കോൺഗ്രസിൽ ചേരാനാണ്​ ഹുമയൂണിന്‍റെ നീക്കമെന്ന്​ ബി.ജെ.പി ആരോപിച്ചു. വരാനിരിക്കുന്ന തെരഞ്ഞെടുപ്പിൽ ഭാര്യയെ തൃണമൂൽ ടിക്കറ്റിൽ മത്സരിപ്പിക്കലാണ്​ ലക്ഷ്യമെന്നും അവർ കൂട്ടി​േചർത്തു.