കമീഷനിൽ ഭിന്നത രൂക്ഷം; ബംഗാളിൽ ഉടക്കിപ്പിരിഞ്ഞു

ന്യൂഡൽഹി: ബം​ഗാ​ളി​ൽ തെ​ര​ഞ്ഞെ​ടു​പ്പ് ഒ​രു​ക്ക​ങ്ങ​ൾ വി​ല​യി​രു​ത്താ​ൻ മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ രാ​ജീ​വ് കു​മാ​റി​നൊ​പ്പം ​പോ​യ തെ​ര​ഞ്ഞെ​ടു​പ്പ് ക​മീ​ഷ​ണ​ർ അ​രു​ൺ ഗോ​യ​ൽ സ​ന്ദ​ർ​ശ​നം പൂ​ർ​ത്തി​യാ​ക്കാ​നോ വാ​ർ​ത്ത​സ​മ്മേ​ള​നം ന​ട​ത്താ​നോ കാ​ത്തു​നി​ൽ​ക്കാ​തെ പെ​ട്ടെ​ന്ന് ഡ​ൽ​ഹി​യി​ലേ​ക്കു മ​ട​ങ്ങി​യി​രു​ന്നു. അ​തി​നു പി​ന്നാ​ലെ​യാ​ണ് നാ​ട​കീ​യ രാ​ജി.

ഗോ​യ​ൽ മ​ട​ങ്ങി​യ​തി​നെ തു​ട​ർ​ന്ന് രാ​ജീ​വ് കു​മാ​ർ കൊ​ൽ​ക്ക​ത്ത​യി​ൽ ഏ​ക​നാ​യി വാ​ർ​ത്ത​സ​മ്മേ​ള​നം ന​ട​ത്തി. ഗോ​യ​ൽ ഡ​ൽ​ഹി​യി​ലേ​ക്കു മ​ട​ങ്ങി​യ​ത് ആ​രോ​ഗ്യ​പ​ര​മാ​യ കാ​ര​ണ​ങ്ങ​ളാ​ലാ​​ണെ​ന്ന് രാ​ജീ​വ് കു​മാ​ർ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞ​ത് വാ​സ്ത​വ​വി​രു​ദ്ധ​മാ​യി​രു​ന്നു. ഗോ​യ​ൽ പൂ​ർ​ണ ആ​രോ​ഗ്യ​വാ​നാ​ണെ​ന്നും ആ​രോ​ഗ്യ​പ്ര​ശ്ന​ങ്ങ​ളി​ല്ലെ​ന്നും അ​ദ്ദേ​ഹ​വു​മാ​യി ബ​ന്ധ​പ്പെ​ട്ട വൃ​ത്ത​ങ്ങ​ൾ അ​റി​യി​ച്ചു. മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റു​മാ​യു​ള്ള ഗു​രു​ത​ര അ​ഭി​പ്രാ​യ വ്യ​ത്യാ​സ​ങ്ങ​ളാ​ണ് പെ​ട്ടെ​ന്ന് ഡ​ൽ​ഹി​യി​ലേ​ക്കു മ​ട​ങ്ങാ​ൻ അ​ദ്ദേ​ഹ​ത്തെ പ്രേ​രി​പ്പി​ച്ച​തെ​ന്നും അ​വ​ർ പ​റ​ഞ്ഞു.

മു​ഖ്യ ക​മീ​ഷ​ണ​ർ അ​റി​യാ​ത്ത രാ​ജി

ബം​ഗാ​ളി​ൽ​നി​ന്ന് തി​രി​കെ വ​ന്ന ഗോ​യ​ൽ ഈ ​മാ​സം ഏ​ഴി​ന് ഡ​ൽ​ഹി​യി​ൽ രാ​ജീ​വ് കു​മാ​റു​മൊ​ത്ത് ക​മീ​ഷ​ൻ യോ​ഗ​ത്തി​ൽ പ​​ങ്കെ​ടു​ത്തി​രു​ന്നു. എ​ന്നാ​ൽ, പി​റ്റേ​ന്ന് തെ​ര​ഞ്ഞെ​ടു​പ്പ് ഒ​രു​ക്ക​ങ്ങ​ൾ കേ​ന്ദ്ര ആ​ഭ്യ​ന്ത​ര സെ​ക്ര​ട്ട​റി അ​ജ​യ് കു​മാ​ർ ഭ​ല്ല​യു​മാ​യി ച​ർ​ച്ച​ചെ​യ്യാ​ൻ ക​മീ​ഷ​ൻ വി​ളി​ച്ച യോ​ഗ​ത്തി​ൽ പ​​ങ്കെ​ടു​ത്തി​ല്ല. മു​ഖ്യ ക​മീ​ഷ​ണ​റെ​പ്പോ​ലും അ​റി​യി​ക്കാ​തെ ശ​നി​യാ​ഴ്ച ത​ന്റെ രാ​ജി നേ​രി​ട്ട് രാ​ഷ്ട്ര​പ​തി ദ്രൗ​പ​ദി മു​ർ​മു​വി​ന് അ​യ​ച്ചു. ഞാ​യ​റാ​​ഴ്ച രാ​ഷ്ട്ര​പ​തി രാ​ജി സ്വീ​ക​രി​ക്കു​ക​യും കേ​ന്ദ്ര നി​യ​മ​മ​ന്ത്രാ​ല​യം ഗ​സ​റ്റി​ൽ പ്ര​സി​ദ്ധീ​ക​രി​ക്കു​ക​യും ചെ​യ്തു.

2019 ലോ​ക്സ​ഭ തെ​ര​ഞ്ഞെ​ടു​പ്പി​നു​മു​മ്പ് മു​ഖ്യ​ക​മീ​ഷ​ണ​റോ​ട് ഉ​ട​ക്കി തെ​ര​ഞ്ഞെ​ടു​പ്പ് ക​മീ​ഷ​ണ​ർ അ​ശോ​ക് ല​വാ​സ രാ​ജി​വെ​ച്ചി​രു​ന്നു. അ​ദ്ദേ​ഹ​ത്തി​നെ​തി​രെ പി​ന്നീ​ട് സ​ർ​ക്കാ​ർ പ്ര​തി​കാ​ര​ന​ട​പ​ടി കൈ​ക്കൊ​ണ്ട​താ​യി ആ​ക്ഷേ​പ​മു​യ​രു​ക​യും ചെ​യ്തി​രു​ന്നു.

വെ​ളി​പ്പെ​ടു​ത്താ​ത്ത ത​ർ​ക്ക​വി​ഷ​യം

ക​മീ​ഷ​നി​ൽ ഇ​രു​വ​രും ത​മ്മി​ലു​ള്ള ഭി​ന്ന​ത തീ​ർ​ക്കാ​ൻ കേ​ന്ദ്ര സ​ർ​ക്കാ​ർ ചി​ല ശ്ര​മ​ങ്ങ​ൾ ന​ട​ത്തി​യെ​ന്നും ഗോ​യ​ൽ അ​തി​ന് ത​യാ​റാ​യി​ല്ലെ​ന്നു​മാ​ണ് സ​ർ​ക്കാ​ർ വൃ​ത്ത​ങ്ങ​ൾ പ​റ​യു​ന്ന​ത്.

അ​തേ​സ​മ​യം, ഇ​രു ക​മീ​ഷ​ണ​ർ​മാ​ർ​ക്കു​മി​ട​യി​ൽ ഗു​രു​ത​ര ഭി​ന്ന​ത ഏ​തു വി​ഷ​യ​ത്തി​ലാ​ണെ​ന്ന് വെ​ളി​പ്പെ​ടു​ത്താ​ൻ ആ​രും ത​യാ​റാ​യി​ട്ടി​ല്ല. പ്ര​വ​ർ​ത്തി​ച്ച മേ​ഖ​ല​ക​ളി​ൽ ശ​രാ​ശ​രി​യി​ലും താ​ഴ്ന്ന പ്ര​ക​ട​നം കാ​ഴ്ച​വെ​ച്ച ഉ​ദ്യോ​ഗ​സ്ഥ​നാ​യി​ട്ടും ആ​ർ.​എ​സ്.​എ​സു​മാ​യും ബി.​ജെ.​പി​യു​മാ​യും ഉ​ണ്ടാ​ക്കി​യ ച​ങ്ങാ​ത്ത​മാ​ണ് സ​ർ​വി​സി​ൽ​നി​ന്ന് വി.​ആ​ർ.​എ​സ് എ​ടു​പ്പി​ച്ച് അ​രു​ൺ ഗോ​യ​ലി​നെ തെ​ര​​​ഞ്ഞെ​ടു​പ്പ് ക​മീ​ഷ​ണ​റാ​ക്കാ​ൻ മോ​ദി സ​ർ​ക്കാ​റി​നെ പ്രേ​രി​പ്പി​ച്ച​ത്. 2027 ന​വം​ബ​ർ വ​രെ കാ​ലാ​വ​ധി​യു​ള്ള ഗോ​യ​ൽ 2025ൽ ​മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ ആ​കേ​ണ്ട​താ​യി​രു​ന്നു.