ഭവാനിപൂരിൽ മമതയെ നേരിടാൻ ബി.ജെ.പിയുടെ സുവേന്ദു എത്തുമോ? ഉപതെരഞ്ഞെടുപ്പ്​ ചൂടിലേക്ക്​ ബംഗാൾ

കൊൽക്കത്ത: ബംഗാൾ നിയമസഭ ഉപതെരഞ്ഞെടുപ്പിൽ മുഖ്യമന്ത്രി മമത ബാനർജിയുടെ തൃണമൂൽ കോൺഗ്രസിന്​ മാത്രമാണ്​ ആശ്വാസത്തിന്​ വകയുള്ളത്​. ബി.ജെ.പിയും ഇടതുപാർട്ടികളും കോൺഗ്രസുമെല്ലാം ഉപതെരഞ്ഞെടുപ്പ്​ പ്രഖ്യാപനത്തിൽ അതൃപ്​തിയും ആരോപണങ്ങളുമായി രംഗത്തെത്തികഴിഞ്ഞു.

ബംഗാളിലെ ഭവാനിപൂരാണ്​ എല്ലാവരും ഉറ്റുനോക്കുന്ന ശ്രദ്ധേയമണ്ഡലം. മുഖ്യമന്ത്രി മമത ബാനർജി ജനവധി തേടുന്ന മണ്ഡലമാണ്​ ഭവാനിപൂർ. സംസ്​ഥാനത്ത്​ തൃണമൂലിന്​ വൻ മേൽക്കൈ നേടിയപ്പോഴും പാർട്ടിവിട്ട്​ ബി.ജെ.പിയിലെത്തിയ സു​േവന്ദു അധികാരിയോട്​ നന്ദിഗ്രാമിൽ പരാജയം ഏറ്റുവാങ്ങേണ്ടിവരികയായിരുന്നു മമതക്ക്​. എങ്കിലും മൂന്നാമതും മുഖ്യമന്ത്രി സ്​ഥാനം മമതയെ തേടിയെത്തി. നിയമസഭയിൽ അംഗമല്ലാത്തൊരാൾ മന്ത്രിപദത്തിലെത്തിയാൽ ആറുമാസത്തിനകം ജനവിധി തേടണമെന്നാണ്​ ചട്ടം. മമതയുടെ സ്വന്തം മണ്ഡലമായ ഭവാനിപൂർ തന്നെ വീണ്ടും ജനവിധി തേടാൻ മമത തെരഞ്ഞെടുക്കുകയായിരുന്നു. മമതയെ ഭവാനിപൂരിൽനിന്ന്​ നിയമസഭയിലെത്തിക്കാൻ മുതിർന്ന തൃണമൂൽ നേതാവായ ശോഭന്ദേബ്​ ചാത്തോപാധ്യായ രാജിവെക്കുകയും ചെയ്​തു.

എന്നാൽ, ഭവാനിപൂരിൽ സ്​ഥാനാർഥി നിർണയത്തിനും പ്രചാരണത്തിനും തൃണമൂൽ മേ​ൽക്കൈ നേടു​േമ്പാഴും അതൃപ്​തിയിലാണ്​ ബി.ജെ.പിയും ഇടതുപാർട്ടികളും. സെപ്​റ്റബർ മൂന്നിന്​ ഉപതെരഞ്ഞെടുപ്പ്​ നടത്താനുള്ള തെരഞ്ഞെടുപ്പ്​ കമീഷന്‍റെ പ്രഖ്യാപനത്തിൽ ബി.ജെ.പി ബംഗാൾ ഘടകം അതൃപ്​തി രേഖപ്പെടുത്തുകയും ചെയ്​തു. ആറുമാസത്തിനുള്ളിൽ തെരഞ്ഞെടുപ്പിനെ നേരി​ട്ടില്ലെങ്കിൽ മമതക്ക്​ മുഖ്യമന്ത്രി സ്​ഥാനത്തുനിന്ന്​ പുറത്തുപോകേണ്ടിവരും. അത്​ ഒഴിവാക്കാനാണ്​ തെരഞ്ഞെടുപ്പ്​ കമീഷൻ ബംഗാളിലെ മറ്റു മണ്ഡലങ്ങളെ ഒഴിവാക്കി മൂന്ന്​ മണ്ഡലങ്ങളിൽ മാത്രം തെരഞ്ഞെടുപ്പ്​ പ്രഖ്യാപിച്ചതെന്നാണ്​ ബി.ജെ.പിയുടെ വാദം.

എന്നാൽ, തെരഞ്ഞെടുപ്പ്​ കമീഷനും കേന്ദ്രസർക്കാറിനുമെതിരായ ആരോപണങ്ങളുടെ മുനയൊടിക്കുന്നതാകും ഈ ഉപതെരഞ്ഞെ​ടു​െപ്പന്നതിന്‍റെ ആശ്വാസത്തിലാണ്​ ബി.ജെ.പി കേന്ദ്രനേതൃത്വം. ബംഗാളിൽ ആദ്യം ഉപതെരഞ്ഞെടുപ്പ്​ പ്രഖ്യാപിച്ചതോടെ തെരഞ്ഞെടുപ്പ്​ കമീഷനെ ബി.ജെ.പി നിയന്ത്രിക്കുന്നുവെന്ന ആ​േരാപണങ്ങൾ അടിസ്​ഥാന രഹിതമാകു​മെന്നാണ്​ ഇവരുടെ കണക്കുകൂട്ടൽ.

ഭവാനിപൂരിൽ തൃണമൂലിന്‍റെ തെരഞ്ഞെടുപ്പ്​ പ്രചാരണം കൊഴുക്കു​േമ്പാൾ ബി.ജെ.പി എങ്ങനെയാണ്​ മമതയെ നേരിടുകയെന്ന കാര്യം ഇപ്പോഴും വ്യക്തമായിട്ടില്ല. എന്നാൽ, മമതക്കെതിരെ സ്​ഥാനാർഥിയെ നിർത്തണോ വേണ്ടയോ എന്ന ആശയക്കുഴപ്പത്തിലാണ്​ കോൺഗ്രസ്​ നേതൃത്വം. മമത -ബി.ജെ.പി സഖ്യമുണ്ടെന്ന വാദത്തിൽ ഉറച്ചുനിന്നാണ്​ ഇടതുപാർട്ടികളുടെ മുന്നൊരുക്കം.

'ബംഗാളിലെ ഏഴു മണ്ഡലങ്ങൾ ഉപതെരഞ്ഞെടുപ്പിനെ നേരിടണം, എന്നാൽ മൂന്ന്​ മണ്ഡലങ്ങളിൽ മാത്രമാണ്​ തെരഞ്ഞെടുപ്പ്​ പ്രഖ്യാപനം. ഇതിൽനിന്ന്​ മമതയും ബി.ജെ.പിയും തമ്മിലുള്ള ഇടപാട്​ വ്യക്തമാക​ും. തെരഞ്ഞെടുപ്പ്​ കമീഷൻ ഭവാനിപൂരിൽ മാത്രം തെരഞ്ഞെടുപ്പ്​ തീയതി പ്രഖ്യാപിച്ചു. പ്രതിപക്ഷ ഐക്യത്തെ ശക്തിപ്പെടുത്താൻ മമത സഹായിക്കുന്നുമില്ല. പകരം അവർ സ്വന്തം കാർഡ്​ ഇറക്കുന്ന തിരക്കിലാണ്​' - സി.പി.എം നേതാവ്​ ആരോപിച്ചു.

വിവിധ സംസ്​കാരങ്ങൾ ഒത്തൊരുമിച്ച്​ ജീവിക്കുന്ന പ്രദേശമാണ്​ ഭവാനിപൂർ. ഗുജറാത്തികളും പഞ്ചാബികളും മാർവാരികളും ഉൾപ്പെടെ മറ്റു ബംഗാളിതരരുടെ ജനസംഖ്യ 40 ശതമാനത്തോളം വരും. ഇവരെ ലക്ഷ്യമിട്ടാണ്​ ബി.ജെ.പിയുടെ പ്രവർത്തനം.

തൃണമൂൽ വിട്ട്​ ബി.ജെ.പിയിലെത്തിയ ദിനേഷ്​ ത്രിവേദിക്ക്​ ഭവാനിപൂരിൽ മേൽക്കൈയുണ്ടെന്നാണ്​ ബി.ജെ.പി വൃത്തങ്ങളുടെ വിശ്വാസം. കാരണം 2019ലെ ലോക്​സഭ തെരഞ്ഞെടുപ്പിൽ ബംഗാളിതര സമൂഹത്തിന്‍റെ വോട്ടുകൾ ബി.ജെ.പിക്ക്​ അനുകൂലമായിരുന്നു. അതിനാൽ തന്നെ കഴിഞ്ഞ നിയമസഭ തെരഞ്ഞെടുപ്പിൽ തൃണമൂൽ ഇവിടെ കേന്ദ്രീകരിച്ചത്​ ബംഗാളിതര വോട്ടുകളെയായിരുന്നു. 2019ലെ ലോക്​സഭ തെരഞ്ഞെടുപ്പിൽ ബി.ജെ.പിക്ക്​ അനൂകൂലമായി വോട്ട്​ ചെയ്​തതോടെയാണ്​ മമത നന്ദിഗ്രാമിൽ മത്സരിക്കാനെത്തിയതെന്ന്​ ബി.ജെ.പി പരിഹസിക്കുകയും ചെയ്​തിരുന്നു.

നന്ദിഗ്രാം എം.എൽ.എ സുവേന്ദു അധികാരിയുടെയും നടനും രാഷ്​ട്രീയക്കാരനുമായ രുദ്രാനിൽ ഘോഷിന്‍റെയുമാണ്​ ഭവാനിപൂരിൽ ഉയരുന്ന മറ്റു പേരുകൾ. മത്സരത്തിന്​ സുവേന്ദു സന്നദ്ധത അറിയി​ച്ചെങ്കിലും കരുക്കൾ ശ്രദ്ധയോടെ നീക്കണമെന്ന വാശിയിലാണ്​ ബി.ജെ.പി. ഉപതെരഞ്ഞെടുപ്പുകൾ കൂടുതൽ ഭരണകക്ഷിക്ക്​ അനുകൂലമാകുന്നതിനൊപ്പം​ ന​ന്ദിഗ്രാമിൽ സുവേന്ദുവിന്‍റെ മേൽക്കെ എന്ത​ാണോ അതാണ്​ മമതക്ക്​ ഭവാനിപൂരിലെന്ന്​ ബി.ജെ.പി തിരിച്ചറിയുന്നു. ഇതാണ്​ സു​േവന്ദുവിന്‍റെ സ്​ഥാനാർഥിത്വത്തിൽനിന്ന്​ ബി.ജെ.പിയെ പിന്നോട്ടുവലിക്കുന്നതും.

നിയമസഭ തെരഞ്ഞെടുപ്പിൽ ഭവാനിപൂരിലെ ബി.ജെ.പി സ്​ഥാനാർഥിയായിരുന്നു രുദ്രാനിൽ. 28,000 വോട്ടുകൾക്ക്​ തൃണമൂലിന്‍റെ ശോഭന്ദേബ്​ ചാത്തോപാധ്യായയോട് ദുദ്രാനിൽ പരാജയപ്പെടുകയായിരുന്നു.