ഇൗ പെൺകരുത്തിൽ വിശ്വസിച്ച്​...

ന്യൂഡൽഹി: ഒരു പെണ്ണി​െൻറ കരുത്തിൽ വിശ്വാസമർപ്പിച്ച്​ സ്വതന്ത്രനായി സഞ്ചരിക്കുകയാണ്​ അസം മുഖ്യമന്ത്രി. സ്വതന്ത്ര ഇന്ത്യയുടെ 68 വർഷത്തെ ചരിത്രത്തിൽ ആദ്യമായി സംസ്​ഥാന മുഖ്യമന്ത്രിയുടെ സുരക്ഷാചുമതല ഏൽപ്പിക്ക​െപ്പട്ടത്​ ഒരു വനിതാ​ ഉദ്യോഗസ്​ഥയുടെ കൈകളിൽ. അസം മുഖ്യമന്ത്രി സർബാനന്ദ സോനാവാളി​െൻറ സുരക്ഷാചുമതലയാണ്​ എസ്​.പി സുഭാഷിണി ശങ്കരൻ വഹിക്കുന്നത്​.
 
സങ്കീർണ പ്രശ്​നങ്ങളാൽ കലുഷിതമായ നാടാണ്​ അസം. അവിടെ സംസ്​ഥാന സർക്കാറിലെ ഒന്നാമ​െൻറ സുരക്ഷ ഇൗ പെൺകൈകളിൽ ഏൽപ്പിക്കു​േമ്പാൾ ആ കരുത്തിൽ ഉത്തമ വിശ്വാസം അർപ്പിക്കുകയാണ്​ അധികാരികളും.

മുഖ്യമന്ത്രിമാരുടെ സുരക്ഷാചുമതല വഹിക്കുന്ന സ്വതന്ത്ര ഇന്ത്യയിലെ ആദ്യ വനിതാ ഒാഫീസറാണ്​ സുഭാഷിണി. െഎ.പി.എസ്​ പശ്​ചാത്തലമില്ലാത്ത കുടുംബത്തിൽ നിന്നുവന്ന സുഭാഷിണി തെറ്റുകളുണ്ടാകാനുള്ള സാധ്യത പോലും ഇല്ലാത്ത തരത്തിലാണ് ​പ്രവർത്തനങ്ങൾ കാഴ്​ചവെക്കുന്നത്​.

മുഖ്യമന്ത്രി എവിടെ സന്ദർശനം നടത്തു​േമ്പാഴും അതിനു മുന്നോടിയായി അസം പൊലീസിലെ പ്രത്യേക ടീമുകൾ സംയുക്​തമായി​ പഴുതറ്റ സുരക്ഷ ഒരുക്കുന്നു. ഇൗ പ്രവർത്തനങ്ങളെല്ലാം ഏകോപിപ്പിക്കുന്നത്​ എസ്​.പി സുഭാഷിണി ശങ്കരനും.

പുഞ്ചിരിച്ചുകൊണ്ട്​ പ്രശ്​നങ്ങളെ അഭിമുഖീകരിക്കാനും തീവ്രവാദ പ്രശ്​നങ്ങൾപോലും നയപരമായി കൈകാര്യം ചെയ്യാനുമുള്ള ഇവരുടെ കഴിവാണ്​ മുഖ്യമന്ത്രിക്ക്​ സുരക്ഷ ഒരുക്കുന്ന ആദ്യ വനിതാ ഒാഫീസറായി ഇവരെ നിയമിക്കുന്നതിനിടയാക്കിയതും. അധിക ദിവസവും 15-–18മണിക്കൂർ ജോലി ചെയ്യേണ്ടി വരും. എന്നാൽ, അതെല്ലാം വെല്ലുവിളി പോലെ ഏറ്റെടുത്ത്​ പ്രവർത്തനങ്ങൾ കൃത്യമായി പൂർത്തീകരിക്കുന്നതിലാണ്​ സുഭാഷിണി സന്തോഷം കണ്ടെത്തുന്നത്​. ഒഴിവുകിട്ടുന്ന സമയത്ത്​ ജീവചരിത്രങ്ങൾ വായിക്കാനും പാട്ടുകൾ കേൾക്കാനുമാണ്​ സുഭാഷിണിക്ക്​ താൽപര്യം.

പൊലീസുകാർക്ക്​ വെല്ലുവിളികൾ നിറഞ്ഞ നാടാണ്​ ​അസം. ക്രമസമാധാന–വർഗീയ പ്രശ്നങ്ങൾ, കലാപങ്ങൾ, കള്ളക്കടത്ത്​്​്​, വന്യജീവികളെ വേട്ടയാടൽ, മയക്കുമരുന്ന്​ തുടങ്ങി വിവിധ പ്രശ്​നങ്ങളെയാണ്​ അസം പൊലീസ്​ നേരിടേണ്ടിവരുന്നത്​. അതിർത്തി നുഴഞ്ഞുകയറ്റം പോലുള്ള പ്രശ്​നങ്ങൾ മൂലം സുരക്ഷാ സംവിധാനങ്ങൾ കൂടുതലായി ഒരുക്കണം.

മുഖ്യമന്ത്രിയുടെ സുരക്ഷാചുമതല ഒരുക്കുന്ന എസ്​.പി ആയി ചുമതല ഏൽക്കും മുമ്പ്​ അസമിലെ വിവിധ സ്​റ്റേഷനുകളിൽ സുഭാഷിണി സേവനം അനുഷ്​ഠിച്ചിട്ടുണ്ട്​. ഗോഹട്ടിയിലെ അസാര ​െപാലീസ്​ സ്​റ്റേഷനിൽ പ്രബേഷണൽ എ.എസ്​.പി ആയാണ്​ ഒൗദ്യോഗിക ജീവിതം ആരംഭിക്കുന്നത്​. അസമിലെ വർഗീയ പ്രശ്​നങ്ങൾ നയപരമായി കൈകാര്യം ചെയ്യാൻ സുഭാഷിണിക്ക്​ ആയിട്ടുണ്ട്​.

സത്രീകളും ഭീകരവാദവും എന്ന വിഷയത്തിൽ എം.ഫിൽ ഗവേഷണം നടത്തിയ സുഭാഷിണി എൽ.ടി.ടി.ഇയുടെ ​ചാവേറുകളെ കുറിച്ചും പഠിച്ചിട്ടുണ്ട്​. ഇത്​ അതിർത്തി– രാഷ്​ട്രീയ – സാമൂഹിക പ്രശ്​നങ്ങൾ എങ്ങനെ കൈകാര്യം ചെയ്യണം എന്നതിൽ സുഭാഷിണിയെ വളരെ സഹായിച്ചു.

ആദ്യമെല്ലാം പ്രശ്​നങ്ങളുണ്ടായിരുന്നെങ്കിലും പതുക്കെ ആളുകൾ അതുമായി ഇഴുകിചേരുകയും സ്​ത്രീ ആയത്​ കൂടുതൽ നല്ലതാണ്​ എന്ന തരത്തിൽ പെരുമാറുകയും ചെയ്യുന്നുവെന്ന്​ സുഭാഷിണി പറയുന്നു. ഒരു ടീമിലെ എല്ലാവരും ഒരേ പോലെ പ്രവർത്തിക്കുകയാണെങ്കിൽ പരസ്​പരമുള്ള ബഹുമാനം ഉയരുകയേ ഉള്ളൂവെന്നും അവർ പറയുന്നു.

അത്യാവശ്യ ഘട്ടങ്ങളിൽ മാത്രം സംസാരിക്കുക, ആവശ്യമെങ്കിൽ ദൃഢമായ തീരുമാനങ്ങളെടുക്കുക, നിയമപരമായതിനു മാത്രം സമ്മതം മൂളുക എന്നതാണ്​ ത​െൻറ വിജയ രഹസ്യമെന്ന്​ സുഭാഷിണി.