യാചകി ക്ഷേത്രത്തിന്​ സംഭാവന നൽകിയത്​ രണ്ടര ലക്ഷം രൂപ

മൈസൂരു: ക്ഷേത്രനടയിൽ ഭിക്ഷയാചിച്ച്​ കിട്ടിയതത്രയും ക്ഷേത്രത്തിന്​ തന്നെ നൽകി സീതാലക്ഷ്​മി വാർത്തകളിൽ ഇടംപിടിച്ചു. മൈസൂരിലെ വോണ്ടിക്കോപ്പൽ പ്രസന്ന ആഞ്​ജനേയ സ്വാമിക്ഷേത്ര നടയിൽ ഭിക്ഷയാചിച്ചിരുന്ന വൃദ്ധയാണ്​ വർഷങ്ങളായി സ്വരൂപിച്ച രണ്ടര ലക്ഷം രൂപ  ക്ഷേത്രത്തിന്​ സംഭാവന ചെയ്​തത്​. ശാരീരിക അവശതമൂലം ജോലിക്ക്​ പോകാൻ സാധിക്കാത്തതിനെ തുടർന്ന്​ വർഷങ്ങളായി ക്ഷേത്രത്തിനു മുൻവശത്ത്​ ഭിക്ഷയെടുക്കുകയാണ്​ 85കാരിയായ സീതാലക്ഷ്​മി. ഇങ്ങനെ ലഭിച്ച തുകയാണ്​ ക്ഷേത്രത്തിന്​ ​ൈകമാറിയത്​. ഗണേശോത്​സവത്തോടനുബന്ധിച്ച്​ 30,000 രൂപയും ശേഷം രണ്ടു ലക്ഷം രൂപയുമാണ്​ നൽകിയത്​. 

ക്ഷേത്രത്തിലെ ഭക്​തർ തനിക്ക്​ ദാനം തന്ന തുകയാണിത്​. ദൈവമാണ്​ തനിക്കെല്ലാം. പണം താൻ സൂക്ഷിക്കുകയാണെങ്കിൽ ആരെങ്കിലും അത്​ മോഷ്​ടിക്കും. അതിനാൽ തന്നെ സംരക്ഷിക്കുന്ന ക്ഷേത്രത്തിനു തുക കൈമാറാൻ തീരുമാനിക്കുകയായിരുന്നു. എല്ലാ ഹനുമാൻ ജയന്തി ദിനത്തിലും ഭക്​തർക്ക്​ ക്ഷേത്രത്തിൽ നിന്ന്​ പ്രസാദം നൽകണമെന്നതു മാത്രമാണ്​ ത​​​െൻറ ആഗ്രഹമെന്നും അവർ പറഞ്ഞു.

സീതാലക്ഷ്​മി നൽകിയ തുക നീതിപൂർവമായി ചെലവഴിക്കുമെന്നും അവർക്ക്​ വേണ്ട സംരക്ഷണം നൽകുമെന്നും ക്ഷേ​ത്ര ട്രസ്​റ്റ്​ ചെയർമാൻ എം. ബസവരാജ്​ അറിയിച്ചു. സംഭാവനയുടെ വാർത്ത പ്രചരിച്ചതോടെ പലരും സീതാലക്ഷ്​മിക്ക്​ കൂടുതൽ തുക നൽകുകയും അനുഗ്രഹം വാങ്ങുകയും ചെയ്യുന്നുണ്ട്​.