കൂടുതൽ ബീഫ്​ നൽകാത്തതിലുള്ള വൈരാഗ്യം കാരണമാണ്​ വിൽപനശാല കത്തിച്ചതെന്ന്​ കർണാടക പൊലീസ്​; ഒരാൾ അറസ്​റ്റിൽ

ബംഗളൂരു: മംഗളൂരു തൊ​ക്കോട്ട്​ ഒാലപേട്ടിൽ മൂന്ന്​ ബീഫ്​ വിൽപന ശാലകൾക്ക്​ തീയിട്ട സംഭവത്തിൽ ഒരാൾ അറസ്​റ്റിൽ. തൊക്കോട്ട്​ വിദോഭ നഗർ സ്വദേശി നാഗരാജ്​ (39) ആണ്​ പിടിയിലായത്​. ബീഫ്​ കൂടുതൽ ചോദിച്ചത്​ നൽകാതിരുന്നതിലുള്ള വൈരാഗ്യം കാരണം നാഗരാജ്​ പിന്നീടെത്തി കടകൾക്ക്​ തീയിടുകയായിരുന്നെന്ന്​ പൊലീസ്​ കമ്മീഷണർ എൻ. ശശികുമാർ പറഞ്ഞു.

ഇറച്ചി പതിവായി വാങ്ങുന്ന ഇയാൾ 300 രൂപക്ക്​ ബീഫ്​ വാങ്ങിയതായും അൽപം കൂടുതൽ ചോദിച്ചപ്പോൾ കടക്കാരൻ നൽകാതെ പരിഹസിച്ചതായും പൊലീസ്​ പറയുന്നു. സുഹൃത്തായ ലത്തീഫി​െൻറ വീട്ടിൽ താമസിക്കുന്ന നാഗരാജ്​ ഇത്​ പാകം ​െചയ്​തുകഴിച്ചു. പരിഹസിച്ചതിലുള്ള ​ദേഷ്യം കാരണം ജനുവരി എട്ടിന്​ രാത്രിയോടെ മണ്ണെണ്ണയുമായെത്തി ഇയാൾ കടക്ക്​ തീയിടുകയായിരുന്നുവത്രെ. സംഭവത്തിന്​ ശേഷം വീട്ടിൽ തിരി​െച്ചത്തിയ ഇയാൾ മാതാവിനോട്​ നടന്ന സംഭവങ്ങൾ വിശദീകരിച്ചിട്ടുണ്ടെന്നു​ം പൊലീസ്​ പറഞ്ഞു. കഴിഞ്ഞ ശനിയാഴ്​ചയാണ്​ പ്രതിയെ പൊലീസ്​ സംഘം വീട്ടിൽനിന്ന്​ കസ്​റ്റഡിയിലെടുത്തത്​.

പുനർനിർമാണ പ്രവൃത്തി നടക്കുന്ന തൊക്കോട്ട്​ മാർക്കറ്റിന്​ മുന്നിൽ കെട്ടിയ മൂന്ന്​ താൽക്കാലിക ഷെഡുകളാണ്​ കത്തിനശിച്ചത്​. തീവെക്കപ്പെട്ട ഇറച്ചി വിൽപന സ്​റ്റാളുകൾ അനധികൃതമാ​െണന്ന് ചൂണ്ടിക്കാട്ടി ബജ്​റങ്​ദളും വി.എച്ച്​.പിയും ഉള്ളാൾ നഗരസഭ അധികൃതർക്ക്​ ജനുവരി ഏഴിന്​ പരാതി നൽകിയിരുന്നു.