Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബി.ബി.സി...

ബി.ബി.സി ഡോക്യുമെന്ററി: രാജ്യത്ത് അപ്രഖ്യാപിത അടിയന്തരാവസ്ഥയാണെന്ന് സീതാറാം യെച്ചൂരി

text_fields
bookmark_border
Sitaram Yechury
cancel

ന്യൂഡൽഹി: ബി.ബി.സി ഡോക്യുമെന്ററിക്കെതിരെ കേന്ദ്രസർക്കാർ സ്വീകരിക്കുന്ന നിലപാട് രാജ്യത്ത് അപ്രഖ്യാപിത അടിയന്തരാവസ്ഥ സൃഷ്ടിക്കുകയാണെന്ന് സി.പി.എം ജനറൽസെ​ക്രട്ടറി സീതാറാം യെച്ചൂരി പറഞ്ഞു. സർക്കാർ നിലപാട് അംഗീകരിക്കാൻ ആകില്ല. സർക്കാരിന് എന്തൊക്കെയോ ഒളിക്കാനുണ്ടെന്നതിന്റെ തെളിവാണിത്. ജനാധിപത്യ അവകാശങ്ങൾ ലംഘിക്കുന്ന ഇപ്പോഴത്തെ സ്ഥിതി അടിയന്തരാവസ്ഥയെക്കാൾ മോശമാണെന്നും ​െയച്ചൂരി കൂട്ടിച്ചേർത്തു.

2002ലെ കലാപത്തില്‍ ഗുജറാത്ത് സര്‍ക്കാരി​െൻറ പങ്കിനെ കുറിച്ച് ഒന്നും മറച്ചുവെക്കാനില്ലെങ്കില്‍ ഡോക്യുമെന്ററി കാണുന്നതില്‍ നിന്നും അഭിപ്രായം രൂപപ്പെടുത്തുന്നതില്‍ നിന്നും ജനങ്ങളെ വിലക്കുന്നതെന്തിനാണെന്ന് യെച്ചൂരി ചോദിച്ചു. അതേസമയം, 'ഇന്ത്യ: ദി മോദി ക്വസ്റ്റിയന്‍' ഡോക്യുമെന്ററി ഡിവൈഎഫ്‌ഐയും എസ്എഫ്‌ഐയും സംസ്ഥാന വ്യാപകമായി പ്രദര്‍ശിപ്പിച്ചു. തിരുവനന്തപുരം ലോ കോളജിലും കണ്ണൂര്‍ സര്‍വ്വകലാശാലയിലും കോഴിക്കോട് മുതലക്കുളത്തും പാലക്കാട് വിക്ടോറിയ കോളജിലുമാണ് ഡോക്യുമെന്ററി പ്രദര്‍ശിപ്പിച്ചത്. എറണാകുളം ലോകോളജിലും , പാലക്കാട് വിക്ടോറിയ കോളജിലും പ്രദർശനത്തിനെതിരെ പ്രതിഷേധവുമായി ബി.ജെ.പി , യുവമോർച്ച പ്രവർത്തകർ എത്തിയിരുന്നു. കേരളത്തിൽ ഡോക്യൂമെന്ററി പ്രദർശനത്തിന് സാഹചര്യം സൃഷ്ടിക്കുമെന്ന് സി.പി.എം ഇതിനകം പ്രഖ്യാപിച്ച് കഴിഞ്ഞു.

Show Full Article
TAGS:BBC Documentary sitaram yechury 
News Summary - BBC Documentary: Sitaram Yechury's Stand
Next Story