ജമ്മു കശ്​മീരിൽ ഏറ്റുമുട്ടൽ: രണ്ട്​ ഭീകരരെ ​സൈന്യം വധിച്ചു

ബാരാമുല്ല: ജമ്മു കശ്​മീരിലെ ബാരാമുല്ലയിൽ ഭീകരരും സുരക്ഷാസേനയും തമ്മിൽ നടന്ന ഏറ്റുമുട്ടലിൽ രണ്ട്​ ഭീകരരെ വധിച്ചു. ഇവരിൽ നിന്ന്​ ആയുധങ്ങളും സ്​ഫോടക വസ്​തുക്കളും പിടിച്ചെടുത്തിട്ടുണ്ട്​. രണ്ട്​ ഭീകരർ ഗ്രാമത്തിനുള്ളിൽ ഒളിച്ചിരിക്കുന്നതായി വിവരം ലഭിച്ചിട്ടുണ്ട്​. ഇവരെ കീഴടക്കാനുള്ള ശ്രമങ്ങൾ നടക്കുകയാണെന്ന്​ സൈനിക വൃത്തങ്ങൾ വ്യക്തമാക്കി.

വ്യാഴാഴ്​ച രാവിലെയോടെയാണ്​ സുരക്ഷാസേന ഭീകരരെ നേരിട്ടു തുടങ്ങിയത്​. അനന്ത്​നാഗ്​ ജില്ലയിലെ നൗഗം മേഖലയിൽ കഴിഞ്ഞ ദിവസം സുരക്ഷാസേന രണ്ട്​ ഭീകരരെ വെടിവെച്ചു കൊന്നിരുന്നു. കഴിഞ്ഞ ഞായറാഴ്​ച കുൽഗാം ജില്ലയിലെ ലാറോ മേഖലയിൽ സുരക്ഷാസേന ഏറ്റുമുട്ടലിൽ മൂന്ന്​ ഭീകരെര കൊലപ്പെടുത്തിയിരുന്നു.