നിരോധിത പബ്ജി ആപ്പ് ഇന്ത്യയിൽ; ദേശീയ ബാലാവകാശ കമീഷൻ വിശദീകരണം തേടി

ന്യൂഡൽഹി: രാജ്യത്ത് നിരോധിച്ച പബ്ജി ഗെയിം കുട്ടികൾക്ക് ലഭിക്കുന്നതെങ്ങനെ​യെന്ന് ദേശീയ ബാലാവകാശ സംരക്ഷണ കമീഷൻ. ഇക്കാര്യത്തിൽ വിവര സാ​ങ്കേതിക മന്ത്രാലയത്തോട് കമീഷൻ വിശദീകരണം തേടി.

രാജ്യത്തിന്റെ പരമാധികാരത്തിന് ഉൾപ്പെടെ ഭീഷണിയാണെന്ന് ചൂണ്ടിക്കാട്ടിയാണ് 2020ൽ പബ്ജി ഗെയിം ആപ്പ് ഉൾപ്പെടെ നിരോധിച്ചത്. ലഖ്നോവിൽ പബ്ജി ഗെയിം കളിക്കുന്നത് വിലക്കിയ മാതാവിനെ 16കാരൻ വെടിവെച്ച് കൊലപ്പെടുത്തിയിരുന്നു. ഇതേ തുടർന്നാണ് കമീഷൻ ഇടപെട്ടത്.