Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമൻമോഹനും രഘുറാം...

മൻമോഹനും രഘുറാം രാജനും കീഴിൽ ബാങ്കുകളുടെ കഷ്​ടകാലം -നിർമല സീതാരാമൻ

text_fields
bookmark_border
മൻമോഹനും രഘുറാം രാജനും കീഴിൽ ബാങ്കുകളുടെ കഷ്​ടകാലം -നിർമല സീതാരാമൻ
cancel

പ്രതിസന്ധി നേരം ഇരുട്ടിവെളുത്തപ്പോൾ ഉണ്ടായതല്ല

ന്യൂയോർക്ക്​: രാജ്യത്തെ പൊതുമേഖല ബാങ്കുകൾ ഏറ്റവ ും മോശം സ്​ഥിതിയിലെത്തിയത്​ മുൻ പ്രധാനമന്ത്രി മൻമോഹൻ സിങ്ങി​​െൻറയും റിസർവ്​ ബാങ്ക്​ മുൻ ഗവർണർ രഘുറാം രാജ​​ െൻറയും കാലത്തായിരുന്നുവെന്ന്​ കേന്ദ്ര ധനമന്ത്രി നിർമല സീതാരാമൻ. അവശ നിലയിലായ ആ ബാങ്കുകൾക്ക്​ ജീവശ്വാസം നൽകലാണ്​ ത​​െൻറ പ്രഥമ ദൗത്യമെന്നും അവർ പറഞ്ഞു. കൊളംബിയ സർവകലാശാലയിൽ വിദ്യാർഥികളോട്​ സംവദിക്കുകയായിരുന്നു നിർമല. കുമിഞ്ഞു​കൂടിയ കിട്ടാക്കടവുമായി പോരാടുകയാണ്​ ഇപ്പോൾ ബാങ്കുകൾ. ഇൗ സ്​ഥിതിയിൽനിന്ന്​ അവയെ കരകയറ്റാനുള്ള നടപടികളാണ്​ സർക്കാർ സ്വീകരിച്ചുവരുന്നത്​. അടുത്തിടെ സർക്കാർ നേരിട്ട്​ 70,000 കോടി രൂപയുടെ മൂലധന നിക്ഷേപമാണ്​ പൊതുമേഖല ബാങ്കുകളിൽ നടത്തിയത്​. പത്തു​ പൊതുമേഖല ബാങ്കുകളെ ലയിപ്പിച്ച്​ നാലെണ്ണമാക്കിയതും ഇതി​​െൻറ ഭാഗമാണ്​. ധനകാര്യ വിദഗ്​ധർക്ക്​ നിലവിലെ സാഹചര്യങ്ങൾ നോക്കി എന്ത്​ നിലപാടും സ്വീകരിക്കാം.
എന്നാൽ, ആർ.ബി.ഐ ഗവർണറായിരുന്ന രഘുറാം രാജൻ ബാങ്കുകളെപ്പറ്റി പറയു​േമ്പാൾ ​ചില ഉത്തരങ്ങൾ കി​ട്ടേണ്ടതുണ്ട്​. ബാങ്കുകളെ ഏത്​ വിധേനയും രക്ഷപ്പെടുത്താൻ ഒരു ധനമന്ത്രിക്ക്​ അടിയന്തര ശ്രമങ്ങൾ നടത്തേണ്ടി വരുന്നുണ്ടെങ്കിൽ ആ പ്രതിസന്ധി നേരം ഇരുട്ടി വെളുത്തപ്പോൾ ഉണ്ടായതല്ലെന്ന്​ ഓർക്കണം. ഒന്നാം നരേന്ദ്ര മോദി സർക്കാറി​​െൻറ കാലഘട്ടത്തിൽ സാമ്പത്തിക സ്​ഥിതി മെച്ചമായിരുന്നില്ലെന്നും എല്ലാം ഒരാളിൽ കേന്ദ്രീകരിക്കുന്ന രീതിയാണ്​ അന്നുണ്ടായിരുന്നതെന്നുമുള്ള രഘുറാം രാജ​​െൻറ പ്രസ്​താവന ശ്രദ്ധയിൽപ്പെടുത്തിയപ്പോൾ, വളരെ ജനാധിപത്യപരമായ നേതൃത്വം ഭരണത്തിലുണ്ടായിരുന്നപ്പോഴാണ്​ എല്ലാം അഴിമതിയിൽ മുങ്ങിയതെന്ന്​ നിർമല പ്രതികരിച്ചു. ചങ്ങാത്ത മുതലാളിമാർക്ക്​ ഒരൊറ്റ ഫോൺ കോളിൽ വായ്​പ നൽകിയിരുന്നതും രാജ​​െൻറ കാലത്താണ്​. അതുകൊണ്ടാണ്​ ഇന്നും പൊതുമേഖല ബാങ്കുകൾക്ക്​ മൂലധനത്തിന്​ സർക്കാറിലേക്ക്​ നോക്കിയിരിക്കേണ്ടി വരുന്നത്​. അന്ന്​ പ്രധാനമന്ത്രിയായിരുന്നത്​ ഡോ. മൻമോഹൻ സിങ്ങാണ്​. ഇന്ത്യയെപ്പറ്റി സുസ്​ഥിരമായ വീക്ഷണം ഉണ്ടായിരുന്ന വ്യക്​തിയാണ്​ അദ്ദേഹം എന്നത്​ രഘുറാം രാജനും അംഗീകരിക്കാതിരിക്കാനാവില്ല എന്ന്​ നിർമല പറഞ്ഞപ്പോൾ സദസ്സിൽ കൂട്ടച്ചിരിയുയർന്നു.


Show Full Article
TAGS:banks manmohan singh raghuram rajan finance minister india news malayalam news 
Next Story