ബംഗളൂരുവിൽനിന്ന് കണ്ണൂർ, തൃശൂർ ഭാഗത്തേക്ക് ബസ് സർവിസ് പുനരാരംഭിച്ചു
text_fieldsബംഗളൂരു: ബംഗളൂരുവിൽനിന്നും കേരളത്തിലെ കണ്ണൂർ, തൃശൂർ ഭാഗങ്ങളിലേക്കുള്ള ബസ് സർവിസ് കേരള, കർണാടക ആർ.ടി.സികൾ പുനരാരംഭിച്ചു. നേരത്തെ കേരള ആർ.ടി.സി കോഴിക്കോടേക്കുള്ള സർവിസുകൾ മാത്രമാണ് ബംഗളൂരുവിൽനിന്നും ഒാപറേറ്റ് ചെയ്തിരുന്നത്. ഞായറാഴ്ച മുതൽ കണ്ണൂർ, തൃശൂർ എന്നിവിടങ്ങളിലേക്കുള്ള സർവിസുകളാണ് കേരള ആർ.ടി.സി പുനരാരംഭിച്ചത്. ഞായറാഴ്ച രാത്രി പയ്യന്നൂരിലേക്കും തലശ്ശേരിയിലേക്കും രണ്ടുവീതം സർവിസുകൾ ബംഗളൂരുവിൽനിന്നും നടത്തി.
നിലമ്പൂർ വഴിയുള്ള സർവിസുകൾ പുനരാരംഭിച്ചിട്ടുണ്ട്. തിരുവനന്തപുരത്തുനിന്ന് ഉൾപ്പെടെ ബസുകൾ ബംഗളൂരുവിൽ എത്തുന്നമുറക്ക് സർവിസുകൾ പതിവുപോലെ നടത്താനാവുമെന്നാണ് അധികൃതർ വ്യക്തമാക്കുന്നത്. കാസർകോട് ഒഴിച്ച് കേരളത്തിെല മറ്റു ജില്ലകളിലേക്കുള്ള ബസ് സർവിസുകൾ കർണാടക ആർ.ടി.സി ഞായറാഴ്ച മുതൽ പുനരാരംഭിച്ചിട്ടുണ്ട്. തിരുവനന്തപുരം, എറണാകുളം, കോട്ടയം, തൃശൂർ, പാലക്കാട്, കോഴിക്കോട്, കണ്ണൂർ എന്നിവിടങ്ങളിലേക്കുള്ള സർവിസുകളാണ് ആരംഭിച്ചത്. കുടകിലെ മണ്ണിടിച്ചിലിനെത്തുടർന്ന് നിർത്തലാക്കിയ മടിക്കേരി, കുശാൽനഗർ സർവിസുകളും കർണാടക ആർ.ടി.സി പുനരാരംഭിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
