വി​ഴു​ങ്ങിയത് രണ്ട് കാന്തം; അടിയന്തര ചികിത്സക്കൊടുവിൽ ര​ണ്ടു വ​യ​സ്സു​കാ​രി ആ​​ശു​പ​ത്രി​വി​ട്ടു

ബം​ഗ​ളൂ​രു: കാ​ന്തം വി​ഴു​ങ്ങി​യ ര​ണ്ടു വ​യ​സ്സു​കാ​രി​യെ അ​ടി​യ​ന്ത​ര ശ​സ്ത്ര​ക്രി​യ അ​ട​ക്ക​മു​ള്ള ചി​കി​ത്സ​യി​ലൂ​ടെ ജീ​വി​ത​ത്തി​ലേ​ക്ക് തി​രി​ച്ചു​കൊ​ണ്ടു​വ​ന്ന് സ​ക്ര ആ​ശു​പ​ത്രി​യി​ലെ ഡോ​ക്ട​ർ​മാ​ർ. മേ​യ് 24ന്​ ​ക​ളി​ക്കി​ടെ ര​ണ്ടു കാ​ന്തം വി​ഴു​ങ്ങി​യ ര​ണ്ടു വ​യ​സ്സു​കാ​രിയെ​യാ​ണ്​ വി​ദ​ഗ്​​ധ ചി​കി​ത്സ​ക്ക്​ വി​േ​​ധ​യ​യാ​ക്കി​യ​ത്. ശ​സ്ത്ര​ക്രി​യ​, ദീ​​ർ​ഘ​നാ​ള​ത്തെ ചി​കി​ത്സ​ എന്നിവക്ക്​ ശേഷം കു​ട്ടി​യു​ടെ ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്നും വീ​ട്ടി​ലേ​ക്ക് മ​ട​ങ്ങി​യെ​ന്നും ഡോ​ക്ട​ർ​മാ​ർ അ​റി​യി​ച്ചു.  

കാന്തം വിഴുങ്ങിയ നിലയിൽ ആ​ശു​പ​ത്രി​യി​ലെ​ത്തി​ച്ച കുട്ടി​യെ അ​ടി​യ​ന്ത​ര ചി​കി​ത്സ​ക്ക്​ വി​ധേ​യ​യാ​ക്കു​ക​യാ​യി​രു​ന്നു. ഉ​ട​ൻ എ​ക്സ്​ റേ ​എ​ടു​ത്ത് എ​വി​ടെ​യാ​ണ് കാ​ന്ത​മു​ള്ള​തെ​ന്ന് ക​ണ്ടെ​ത്തി​യ​ശേ​ഷം അ​ടി​യ​ന്ത​ര​മാ​യി ലാ​പ്രോ​സ്കോ​പ്പി​ക് ശ​സ്ത്ര​ക്രി​യ ന​ട​ത്തി. 

കു​ട്ടി വി​ഴു​ങ്ങി​യ​ ര​ണ്ടു കാ​ന്ത​വും കു​ട​ലി​ൽ ഒ​ട്ടി​ച്ചേ​ർ​ന്ന നി​ല​യി​ലാ​യി​രു​ന്നു. കൂ​ടു​ത​ൽ സ​മ​യം കാ​ന്തം വ​യ​റി​ൽ ത​ങ്ങി​നി​ന്നാ​ൽ ജീ​വ​ൻ ത​ന്നെ അ​പ​ക​ട​ത്തി​ലാ​കു​മാ​യി​രു​ന്നു​വെ​ന്ന്​ പി​ഡി​യാ​ട്രി​ക് വി​ഭാ​ഗം സ​ർ​ജ​ൻ ഡോ. ​അ​നി​ൽ കു​മാ​ർ പു​ര പ​റ​ഞ്ഞു.