ബ​ന്ദി​പ്പൂ​ർ പാത: വിട്ടുവീഴ്ചക്കില്ലാതെ കർണാടക

ബം​ഗ​ളൂ​രു: ദേ​ശീ​യ​പാ​ത 766ൽ ​ബ​ന്ദി​പ്പൂ​ർ ക​ടു​വ​സ​ങ്കേ​ത​ത്തി​ലൂ​ടെ മു​ഴു​വ​ൻ​സ​മ​യ ഗ​താ​ഗ​ത നി​രോ​ധ​നം ഏ​ർ​പ്പെ​ടു​ത്താ​നു​ള്ള നീ​ക്ക​ത്തി​നെ​തി​രെ വ​യ​നാ​ട്ടി​ൽ സ​മ​രം ശ​ക്ത​മാ​കു​മ്പോ​ഴും വി​ട്ടു​വീ​ഴ്ച​ക്കി​ല്ലാ​തെ ക​ർ​ണാ​ട​ക. മു​ഴു​വ​ൻ സ​മ​യ​വും പാ​ത അ​ട​ക്ക​ണ​മെ​ന്നാ​ണ് സം​സ്ഥാ​ന​ത്തി​െൻറ നി​ല​പാ​ടെ​ന്നും സു​പ്രീം​കോ​ട​തി വി​ധി എ​ന്താ​യാ​ലും അ​ത് ന​ട​പ്പാ​ക്കു​മെ​ന്നും ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡോ. ​സി.​എ​ൻ. അ​ശ്വ​ത് നാ​രാ​യ​ൺ പ​റ​ഞ്ഞു.

നി​ല​വി​ലു​ള്ള രാ​ത്രി​യാ​ത്രാ​നി​രോ​ധ​നം തു​ട​ര​ണ​മെ​ന്ന​താ​ണ് ക​ർ​ണാ​ട​ക തു​ട​ക്കം മു​ത​ൽ സ്വീ​ക​രി​ച്ച നി​ല​പാ​ട്. ഇ​തി​ൽ ഒ​രു മാ​റ്റ​വു​മി​ല്ല. പ്ര​ശ്നം പ​രി​സ്ഥി​തി​യു​ടേ​താ​ണ്. അ​തി​നെ​തി​രെ നി​ല​കൊ​ള്ളു​ന്ന​ത് സ​മൂ​ഹ​ത്തി​നും പ​രി​സ്ഥി​തി​ക്കും ദോ​ഷ​ക​ര​മാ​ണ്. അ​തി​നാ​ൽ​ത​ന്നെ വി​ഷ​യം രാ​ഷ്​​​ട്രീ​യ​വ​ത്ക​രി​ക്കാ​ൻ ശ്ര​മി​ക്ക​രു​തെ​ന്ന് ജ​ന​ങ്ങ​ളോ​ട് ആ​വ​ശ്യ​പ്പെ​ടു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു.

വ​യ​നാ​ട് അ​തി​ർ​ത്തി ക​ഴി​ഞ്ഞു​ള്ള ക​ർ​ണാ​ട​ക​യി​ലെ ഗു​ണ്ട​ൽ​പേ​ട്ടി​ലെ ജ​ന​ങ്ങ​ളു​ടെ ഉ​ൾ​പ്പെ​ടെ പി​ന്തു​ണ ഉ​റ​പ്പാ​ക്കി നി​ല​നി​ൽ​പി​നാ​യു​ള്ള പോ​രാ​ട്ടം വ​യ​നാ​ട്ടി​ൽ ക​രു​ത്താ​ർ​ജി​ക്കു​ന്ന​തി​നി​ടെ​യാ​ണ് മു​ൻ സ​ർ​ക്കാ​റു​ക​ൾ​ക്കു പി​ന്നാ​ലെ ബി.​ജെ.​പി സ​ർ​ക്കാ​റും വി​ട്ടു​വീ​ഴ്ച​ക്കി​ല്ലെ​ന്ന് ആ​വ​ർ​ത്തി​ച്ച​ത്.

ഇ​തി​നി​ടെ വ​യ​നാ​ട്ടി​ലെ സ​മ​ര​ങ്ങ​ൾ​ക്കു പി​ന്തു​ണ അ​ർ​പ്പി​ച്ചു​കൊ​ണ്ടു​ള്ള രാ​ഹു​ൽ ഗാ​ന്ധി എം.​പി​യു​ടെ ട്വീ​റ്റി​നെ​തി​രെ ക​ർ​ണാ​ട​ക വ​നം​മ​ന്ത്രി സി.​സി. പാ​ട്ടീ​ലും രം​ഗ​ത്തെ​ത്തി. ദേ​ശീ​യ പാ​ർ​ട്ടി​യു​ടെ നേ​താ​വാ​യ രാ​ഹു​ൽ ഗാ​ന്ധി ഇ​തു​പോ​ലെ സം​സാ​രി​ക്ക​രു​തെ​ന്നും എ​ല്ലാ വ​ശ​ങ്ങ​ളും ചി​ന്തി​ക്ക​ണ​മെ​ന്നും സി.​സി. പാ​ട്ടീ​ൽ പ​റ​ഞ്ഞു. കോ​ൺ​ഗ്ര​സ് പാ​ർ​ട്ടി ക​ർ​ണാ​ട​ക ഭ​രി​ച്ച​പ്പോ​ൾ ഇ​ത്ത​ര​മൊ​രു നി​ർ​ദേ​ശം എ​ന്തു​കൊ​ണ്ട് രാ​ഹു​ൽ ഗാ​ന്ധി കൊ​ണ്ടു​വ​ന്നി​ല്ലെ​ന്നും അ​ദ്ദേ​ഹം ചോ​ദി​ച്ചു. പ​രി​സ്ഥി​തി​ക്കൊ​പ്പം ജ​ന​ങ്ങ​ളു​ടെ താ​ൽ​പ​ര്യ​ങ്ങ​ളും സം​ര​ക്ഷി​ക്ക​പ്പെ​ടേ​ണ്ട​തു​ണ്ടെ​ന്നും ഇ​തി​ൽ കേ​ന്ദ്ര, സം​സ്ഥാ​ന സ​ർ​ക്കാ​റു​ക​ൾ​ക്ക് കൂ​ട്ടാ​യ ഉ​ത്ത​ര​വാ​ദി​ത്ത​മു​ണ്ടെ​ന്നു​മാ​യി​രു​ന്നു രാ​ഹു​ൽ ഗാ​ന്ധി​യു​ടെ ട്വീ​റ്റ്.