Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_right250ൽ അധികം...

250ൽ അധികം ​ജീവനക്കാർക്ക് ​കോവിഡ്​; ഫാക്​ടറി അടച്ചിട​ണമെന്ന്​ ബജാജ്​ ജീവനക്കാർ

text_fields
bookmark_border
250ൽ അധികം ​ജീവനക്കാർക്ക് ​കോവിഡ്​; ഫാക്​ടറി അടച്ചിട​ണമെന്ന്​ ബജാജ്​  ജീവനക്കാർ
cancel

മുംബൈ: 250ൽ അധികം ജീവനക്കാർക്ക്​ കോവിഡ്​ സ്​ഥിരീകരിച്ച സാഹചര്യത്തിൽ ബജാജ്​ നിർമാണ​ യൂനിറ്റ്​ താൽകാലികമാ​യി അടച്ചിടണമെന്ന ആവശ്യവുമായി തൊഴിലാളികൾ രംഗത്ത്​. ഇന്ത്യയിലെ മുൻ നിര മോ​ട്ടോർ ​ൈബക്ക്​ കയറ്റുമതി കമ്പനിയാണ്​ ബജാജ്​ ഓ​ട്ടോ. ജീവനക്കാർക്ക്​ കോവിഡ്​ സ്​ഥിരീകരിച്ച സാഹചര്യത്തിൽ നിർമാണം പാതിനിലച്ചിരുന്നു. കൂടുതൽ പേരിലേക്ക്​ രോഗം പടരുന്ന സാഹചര്യത്തിലാണ്​ നിർമാണ യൂനിറ്റ്​ അടച്ചിടണമെന്ന ആവശ്യവുമായി തൊഴിലാളികൾ രംഗത്തെത്തിയത്​. 

മാർച്ചിൽ പ്രഖ്യാപിച്ച രാജ്യവ്യാപക ലോക്​ഡൗണിൽ ഇളവുകൾ അനുവദിച്ചതോടെ കോവിഡ്​ ബാധിതരുടെ എണ്ണം കുത്തനെ ഉയർന്നിരുന്നു. വൻകിട കമ്പനികൾ ഒഴികെ നിരവധി ചെറുകിട കച്ചവടക്കാരും നിർമാണയൂനിറ്റുകളും പ്രവർത്തനം നിർത്തിവെച്ചു. 

ഏറ്റവും കൂടുതൽ രോഗബാധിതരുള്ള മഹാരാഷ്​ട്രയിൽ പ്രവർത്തിക്കുന്ന ബജാജ്​ ഓ​​ട്ടോ ജീവനക്കാരിൽ രോഗബാധ ഉയർന്നിട്ടും അടച്ചിടാൻ തയാറായിരുന്നില്ല.  

വൈറസിനൊപ്പം ജീവിക്കുകയാണ്​ വേണ്ടതെന്നും ജോലി നിർത്തിവെക്കില്ലെന്നും ജോലിക്കെത്താത്തവർക്ക്​ ശമ്പളം നൽകില്ലെന്നും ജീവനക്കാർക്ക്​ കമ്പനി കത്തയച്ചിരുന്നു. എന്നാൽ ​രോഗഭീതി മൂലം ജീവനക്കാർ ജോലിക്ക്​ വരാൻ മടിക്കുകയാണെന്നും ധാരാളംപേർ അവധിയെടുക്കുകയും ചെയ്യുകയാണെന്ന്​ ബജാജ്​ ഓ​ട്ടോ വർക്കേഴ്​സ്​ തൊഴിലാളി യൂനിയൻ പ്രസിഡൻറ്​ തെങ്കഡെ ബാജിറാവു പറഞ്ഞു. 

ജൂൺ 26 വരെ കമ്പനിയിലെ 8000​േത്താളം ജീവനക്കാരിൽ 140 പേർക്ക്​ രോഗം സ്​ഥിരീകരിച്ചതായു​ം രണ്ടുപേർ മരിച്ചതായും കമ്പനി അറിയിച്ചിരുന്നു. എങ്കിലും താൽകാലികമായി ഫാക്​ടറി അടച്ചിടാൻ കമ്പനി തയാറായിരുന്നില്ല. 

Show Full Article
TAGS:bajaj auto covid 19 Coorna virus 
Next Story