ജാ​മ്യം​ വ്യ​ക്തി​ക​ളു​ടെ സ്വാ​ത​ന്ത്ര്യ​​വു​മാ​യി ബ​ന്ധ​പ്പെ​ട്ട​ത്; വേഗം തീർപ്പാക്കണം -സുപ്രീംകോടതി

ന്യൂ​ഡ​ൽ​ഹി: ജാ​മ്യ​വും മു​ൻ​കൂ​ർ ജാ​മ്യ​വും വ്യ​ക്തി​ക​ളു​ടെ സ്വാ​ത​ന്ത്ര്യ​​വു​മാ​യി ബ​ന്ധ​പ്പെ​ട്ട​താ​ണെ​ന്നും ഈ ​ഹ​ര​ജി​ക​ൾ വേ​ഗ​ത്തി​ൽ ലി​സ്റ്റ് ചെ​യ്യു​ക​യും തീ​ർ​പ്പാ​ക്കു​ക​യും ചെ​യ്യ​ണ​മെ​ന്ന് ഹൈ​കോ​ട​തി​ക​ൾ​ക്ക് സു​പ്രീം​കോ​ട​തി നി​ർ​ദേ​ശം ന​ൽ​കി.

വ​ഞ്ച​ന, വ്യാ​ജ​രേ​ഖ ച​മ​ക്ക​ൽ എ​ന്നി​വ​യു​മാ​യി ബ​ന്ധ​പ്പെ​ട്ട് ഛത്തി​സ്ഗ​ഢ് ഹൈ​കോ​ട​തി​യി​ൽ ന​ൽ​കി​യ ജാ​മ്യാ​പേ​ക്ഷ സം​ബ​ന്ധി​ച്ച കേ​സ് പ​രി​ഗ​ണി​ക്ക​വെ​യാ​ണ് ജ​സ്റ്റി​സു​മാ​രാ​യ സി.​ടി. ര​വി​കു​മാ​ർ, സ​ഞ്ജ​യ് കു​മാ​ർ എ​ന്നി​വ​രു​ടെ ഉ​ത്ത​ര​വ്. ജാ​മ്യ ഹ​ര​ജി​ക​ൾ അ​നാ​വ​ശ്യ​മാ​യി നീ​ട്ടി​വെ​ക്കു​ന്ന​ത് അ​വ​സാ​നി​പ്പി​ക്ക​ണ​മെ​ന്ന് 2022ൽ ​സു​പ്രീം​കോ​ട​തി നി​ർ​ദേ​ശി​ച്ചി​രു​ന്നു.

ആ​വ​ർ​ത്തി​ച്ച് ആ​വ​ശ്യ​പ്പെ​ട്ടി​ട്ടും പ​ല കോ​ട​തി​ക​ളും ഇ​തി​ൽ അ​മാ​ന്തം​കാ​ണി​ക്കു​ന്ന സാ​ഹ​ച​ര്യ​ത്തി​ൽ ഉ​ത്ത​ര​വി​ന്റെ പ​ക​ർ​പ്പ് ര​ജി​സ്ട്രാ​ർ ജ​ന​റ​ലി​നും എ​ല്ലാ ഹൈ​കോ​ട​തി​ക​ളി​ലെ​യും ബ​ന്ധ​പ്പെ​ട്ട​വ​ർ​ക്ക് അ​യ​ക്കാ​നും നി​ർ​ദേ​ശി​ച്ചു.

ഛത്തി​സ്ഗ​ഢ് ഹൈ​കോ​ട​തി​യു​മാ​യി ബ​ന്ധ​പ്പെ​ട്ട കേ​സി​ൽ, സു​പ്രീം​കോ​ട​തി ഉ​ത്ത​ര​വ് ല​ഭി​ച്ച് നാ​ലാ​ഴ്ച​ക്ക​കം മു​ൻ​കൂ​ർ ജാ​മ്യാ​പേ​ക്ഷ പ​രി​ഗ​ണി​ച്ച് തീ​ർ​പ്പാ​ക്കാ​നും കോ​ട​തി നി​ർ​ദേ​ശി​ച്ചു.

അ​തു​വ​രെ ഹ​ര​ജി​ക്കാ​ര​ന് അ​റ​സ്റ്റി​ൽ​നി​ന്ന് സം​ര​ക്ഷ​ണം ന​ൽ​കി ഉ​ത്ത​ര​വി​ട്ടു. ഇ​ട​ക്കാ​ല സം​ര​ക്ഷ​ണം ജാ​മ്യ​ഹ​ര​ജി പ​രി​ഗ​ണി​ക്കു​ന്ന​തി​നെ സ്വാ​ധീ​നി​ക്ക​രു​തെ​ന്നും സു​പ്രീം​കോ​ട​തി നി​ർ​ദേ​ശി​ച്ചു.