Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightനോട്ട്​ ക്യൂവിൽ...

നോട്ട്​ ക്യൂവിൽ പിറന്ന 'ഖജാൻജി'; തെരഞ്ഞെടുപ്പിലും താരം

text_fields
bookmark_border
നോട്ട്​ ക്യൂവിൽ പിറന്ന ഖജാൻജി; തെരഞ്ഞെടുപ്പിലും താരം
cancel

ലഖ്​​നോ: രണ്ട്​മാസവും 11 ദിവസവും പ്രായമായ ഖജാൻജി നാഥ്​ ഉത്തർപ്രദേശ്​ മുഖ്യമന്ത്രി അഖിലേഷ്​ യാദവി​​െൻറ തെരഞ്ഞെടുപ്പ്​ പ്രചരണത്തിലെ താരമാണ്​ ഇപ്പോൾ. തെരഞ്ഞെടുപ്പ്​ പ്രചാരണ യോഗങ്ങളിൽ നംവബർ എട്ടിലെ കേ​ന്ദ്ര സർക്കാരി​​െൻറ നോട്ട്​ നിരോധന തീരുമാനത്തെ വിമർശിക്കു​േമ്പാഴെല്ലാം അഖിലേഷ്​ ഇൗ കുട്ടിയുടെ പേരും പരാമർശിക്കും. നോട്ട്​ നിരോധനം പാവപ്പെട്ടവരെയായിരുന്നു ഗുരുതരമായി ബാധിച്ചതെന്ന്​ ഒരോരുത്തരെയും ​ഒാർമപ്പെടുത്താൻ.

ഡിസംബർ രണ്ടിന്​ ഉത്തർ പ്രദേശിലെ ബാങ്കിന്​ മുന്നിൽ പണം പിൻവലിക്കാൻ ക്യൂ നിൽക്കു​േമ്പാഴായിരുന്നു അമ്മ സർവേശാ ദേവി ഖജാൻജിക്ക്​ ജൻമം നൽകിയത്​. ബാങ്കിൽ പിറന്ന മകന്​  ട്രഷറർ. എന്ന അർഥം വരുന്ന ഖജാൻജി നാഥ്​ എന്ന പേരുമിട്ടു. സർദാർപൂർ ഗ്രാമത്തിലെ വീട്ടിലിരുന്ന്​ സർവേശ ദേവി ആ സംഭവം വിവരിക്കുന്നതിങ്ങനെ...

രാവിലെ ഒമ്പത്​ മണിയോടെയാണ്​ പണം പിൻവലിക്കാൻ ജിഞ്ചാക്​ നഗരതിലെ ബാങ്കിലേക്ക്​ പോയത്​. 35 വയസുള്ള പൂർണ ഗർഭിണിയായ ഞാൻ ബാങ്കിലെത്താൻ അമ്മായിയമ്മ ശശിദേവിയോടൊപ്പം മൂന്ന്​ കിലോമീറ്റർ നടന്നു. പത്ത്​ വയസുകാരിയായ മൂത്ത മകൾ പ്രീതിയും ഒപ്പമുണ്ടായിരുന്നു. പാമ്പാട്ടിയായ ഭർത്താവ്​ കഴിഞ്ഞ ആഗസ്​തിൽ ക്ഷയരോഗം ബാധിച്ച്​ മരിച്ചിരുന്നു. കുറച്ച്​​ മാസം മുമ്പ്​ പാവപ്പെട്ടവർക്ക്​ വീട്​ പണിയാൻ സർക്കാർ അനുവദിച്ച 20000 രൂപ എടുക്കാനാണ്​ ബാങ്കിലേക്ക്​​ പോയത്​.

പത്ത്​ മണിക്ക്​ ബാങ്ക്​ തുറന്നു. നൂറുകണക്കിന്​ ആളുകൾ അവിടെയുണ്ടായിരുന്നു. സ്​ത്രീകൾക്ക്​ പ്രത്യേക ക്യു ഉണ്ടായിരുന്നെങ്കിലും എനിക്ക്​ മുന്നിലും പിന്നിലും ധാരാളംപേർ നിൽക്കുകയായിരുന്നു. ഉച്ച കഴിഞ്ഞതോടെ എനിക്ക്​ പ്രസവ വേദന തുടങ്ങി.  വളരെ പെ​െട്ടന്ന് ​പണം നൽകാൻ അമ്മായി അമ്മ ബാങ്ക്​ അധികൃതരോട്​ കെഞ്ചി. ഇതൊന്നും ബാങ്ക്​ അധികൃതർ ഗൗനിച്ചില്ല. എല്ലാവരും ഇങ്ങനെയുള്ള ന്യായങ്ങൾ പറയുമെന്നായിരുന്നു ബാങ്ക്​ ഉദ്യേഗസ്​ഥരുടെ മറുപടി. അമ്മായിഅമ്മ അന്ന്​ കൂടായില്ലായിരുന്നെങ്കിൽ അന്ന്​ ഞാൻ മരിച്ചേനെയെന്ന്​ സർവേശ ദേവി ഒാർമിക്കുന്നു.

ഒട്ടും സമയം കളയാനില്ലെന്ന്​ മനസിലാക്കി അമ്മായിഅമ്മയാണ്​  സർവേശ ദേവിയെ   ബാങ്കിലെ കോണിപ്പടിയുടെ മൂലയിലേക്ക്​ കൊണ്ടുപോയത്​. പ്രീതി അമ്മയുടെ ഷാൾ കർട്ടൻ പേ​ാലെ വലിച്ചുകെട്ടി. അപ്പോ​ഴേക്കും സർവേശ ദേവി കുഞ്ഞിന്​ ജൻമം നൽകിയിരുന്നു. ക്യൂവിൽ നിന്ന്​ ജനങ്ങൾ മരിക്കുമെന്നും മരുമകളോട്​ കുറച്ച്​ ദയ കാണിക്കണമെന്നും  പറഞ്ഞ്​ ​ ശശി ദേവി ബാങ്കുകാരോട്​ ദേഷ്യപ്പെട്ടു. അക്കൗണ്ട്​ സർവേശ ദേവിയുടെ പേരിലായതിനാൽ അവരുടെ വിരലടയാളം പതിച്ചതിന്​ ശേഷം ബാങ്ക്​ അധികൃതർ പണം​ നൽകി​.

അതേസമയം യുവതിടെ സാഹചര്യം ഇത്ര ഗുരുതരമായിരുന്നെന്ന്​ ഒരു പിടിയുമില്ലായിരുന്നെന്നാണ്​ ബാങ്ക്​ മാനേജർ എസ്​കെ ചൗധരി പറയുന്നത്​. വളരെ തിരിക്കായിരുന്നു. ബാങ്കിന്​ മുന്നിൽ ധാരാളം ജനങ്ങളാണ്​ നിന്നിരുന്നത്​.  ഇതിനിടയിൽ​ ഗർഭിണിയായ യുവതിയുണ്ടെന്ന്​ അറിയാനുള്ള യാതൊരു മാർഗവും ഉണ്ടായിരുന്നില്ലെന്ന്​ ബാങ്ക്​ മാനേജർ പറഞ്ഞു.

ബാങ്കിൽ ജനിച്ച കുഞ്ഞിന്​ ഖജാൻജി നാഥ്​ എന്ന പേര്​ നിർദേശിച്ചത്​  ഗ്രാമത്തലവനാണ്​. ഞങ്ങൾ ഒരു പേരും തീരുമാനിച്ചിട്ടില്ലാത്തതിനാൽ  അത് അംഗീകരിക്കുകയായിരുന്നെന്ന്​ സർവേശ ദേവി ചിരിച്ചുകൊണ്ട്​ പറഞ്ഞു. ഖജാൻജിയായി ജനിച്ച കുഞ്ഞ്​ കുടുംബത്തിൽ ചെറിയ ഭാഗ്യവും കൊണ്ടുവന്നു. അവന്​ ഒരുമാസം പൂർത്തിയാകുന്നതിന്​ മുമ്പ്​  അഖിലേഷ്​ യാദവ്​ സർവേശ ദേവിക്ക്​ 2 ലക്ഷം രൂപ സമ്മാനിച്ചു. ഖജാൻജി നാഥിനെ നല്ലപോലെ പരിചരിക്കാൻ മുഖ്യമന്ത്രി പറഞ്ഞു. അവനെ സ്​കൂളിൽ വിട്ട്​ നല്ല വിദ്യാഭ്യാസം ചെയ്യിക്കാനും നല്ല ജോലി നേടിക്കൊടുക്കാനൂം ഞാൻ ആഗ്രഹിക്കുന്നു. എല്ലാം ഇൗശ്വര നിയോഗമനുസരിച്ചാണെന്ന്​ സർവേശ ദേവി കൂട്ടിച്ചേർത്തു. അതേസമയം അഖിലേഷി​​െൻറ പ്രവൃത്തി രാഷ്​ട്രീയ ലക്ഷ്യ​ത്തോട്​ കൂടിയാണെന്ന്​ രാഷ്​ട്രീയ എതിരാളികളും ആ​േരാപിക്കുന്നു.

 


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:currency demonetization
News Summary - The baby born in a bank queue
Next Story