ബാബരി ഭൂമി: പുനഃപരിശോധന ഹരജി നൽകില്ലെന്ന്​ സുന്നി വഖഫ്​ ബോർഡ്

ലഖ്​​നോ: ബാബരി ഭൂമി കേസിലെ സുപ്രീംകോടതി വിധിക്കെതിരെ പുനഃപരിശോധന ഹരജി നൽകേണ്ടെന്ന്​ ഉത്തർപ്രദേശിലെ ബി.ജെ .പി സർക്കാറി​​െൻറ നിയന്ത്രണത്തിലുള്ള സുന്നി സെൻട്രൽ വഖഫ്​ ബോർഡ്​ യോഗം തീരുമാനിച്ചു. ബാബരി ഭൂമിക്ക്​ പകരമായ ി കോടതി നിർദേശിച്ച അഞ്ചേക്കർ ഭൂമി സ്വീകരിക്കണോ എന്ന കാര്യത്തിൽ യോഗം തീരുമാനത്തിലെത്തിയില്ലെന്ന്​ ചെയർമാ ൻ സഫർ ഫാറൂഖി പറഞ്ഞു. ‘സുപ്രീംകോടതി വിധി ഞങ്ങൾ വിശദമായി ചർച്ച ചെയ്​തു.

വിധിക്കെതിരെ പുനഃപരിശോധന ഹരജി നൽകേണ്ടെന്ന നിലപാട്​ ഞങ്ങൾ ആവർത്തിക്കുകയാണ്​’ - യോഗത്തിനുശേഷ​ം പുറത്തിറക്കിയ പത്രക്കുറിപ്പിൽ ഫാറൂഖി വ്യക്​തമാക്കി. ബാബരി മസ്​ജിദ്​ നിലനിന്ന 2.77 ഏക്കർ ഭൂമി രാമക്ഷേത്രം നിർമിക്കാൻ വിട്ടുനൽകണമെന്ന്​ വിധിച്ച സുപ്രീംകോടതി ഭരണഘടനാ ബെഞ്ച്​, പള്ളി നിർമിക്കാനായി അഞ്ചേക്കർ ഭൂമി സുന്നി വഖഫ്​ ബോർഡിന്​ നൽകണമെന്നും കേ​ന്ദ്രസർക്കാറിന്​ നിർദേശം നൽകിയിരുന്നു.

ബോർഡിലെ എട്ടംഗങ്ങളിൽ ഏഴുപേർ യോഗത്തിൽ പ​ങ്കെടുത്തു. പ​ങ്കെടുത്തവരിൽ അഡ്വ. അബ്​ദു റസാഖ്​ മാത്രമാണ്​ പുനഃപരിശോധന ഹരജി നൽകണമെന്ന്​ വാദിച്ചത്​. പുനഃപരിശോധന ഹരജി നൽകില്ലെന്ന്​​ വിധിക്കുപിന്നാലെ ഫാറൂഖി അടക്കമുള്ള സുന്നി വഖഫ്​ ബോർഡ്​ അധികൃതർ പ്രസ്​താവിച്ചിരുന്നു. ബാബരി ഭൂമി കേസിൽ മുസ്​ലിം പക്ഷത്തുനിന്നുള്ള പ്രധാന ഹരജിക്കാരായിരുന്നു സുന്നി വഖഫ്​ ബോർഡ്​. അഞ്ചേക്കർ ഭൂമി സ്വീകരിക്കുന്ന കാര്യത്തിൽ തീരുമാനമെടുക്കാൻ കൂടുതൽ സമയം വേണമെന്ന നിലപാടാണ്​ യോഗത്തിൽ മിക്കവരും പ്രകടിപ്പിച്ചത്​.

ശരീഅത്ത്​ സംബന്ധിച്ച കാര്യങ്ങൾ ഇക്കാര്യത്തിൽ പരിഗണിക്കേണ്ടതു​ണ്ടെന്നും അംഗങ്ങൾ ചൂണ്ടിക്കാട്ടി. സു​പ്രീം​കോ​ട​തി വി​ധി​ക്കെ​തി​രെ പു​നഃ​പ​രി​േ​ശാ​ധ​ന ഹ​ര​ജി​ സ​മ​ർ​പ്പി​ക്കാൻ കഴിഞ്ഞയാഴ്​ച അ​ഖി​ലേ​ന്ത്യ മു​സ്​​ലിം വ്യ​ക്തി​നി​യ​മ ബോ​ർ​ഡ്​ തീരുമാനമെടുത്തിരുന്നു. പള്ളി പണിയാൻ അയോധ്യ​യിൽ മറ്റെവിടെയെങ്കിലും അഞ്ചേക്കർ ഭൂമിയെന്ന സുപ്രീംകോടതി വാഗ്​ദാനം അവർ തള്ളുകയും ചെയ്​തു.