ബാബരി കേസ്​: പു​തി​യ ബെ​ഞ്ചു​ണ്ടാ​ക്കും; ഉടൻ കേൾക്കില്ല

ന്യൂ​ഡ​ൽ​ഹി: തെ​ര​ഞ്ഞെ​ടു​പ്പ്​ ആ​സ​ന്ന​മാ​യ​തി​നാ​ൽ ബാ​ബ​രി ഭൂ​മി​ക്കേ​സ്​ അ​ടി​യ​ന്ത​ര​മാ​യി കേ​ൾ​ക്ക​ണ​മെ​ന്ന സം​ഘ്​​പ​രി​വാ​റി​​​െൻറ ആ​വ​ശ്യം ചീ​ഫ്​ ജ​സ്​​റ്റി​സ്​ ര​ഞ്​​ജ​ൻ ​​െഗാ​ഗോ​യി അ​ധ്യ​ക്ഷ​നാ​യ ബെ​ഞ്ച്​ ത​ള്ളി. മോ​ദി സ​ർ​ക്കാ​റി​​​െൻറ​കൂ​ടി ക​ണ​ക്കു​കൂ​ട്ട​ലു​ക​ൾ തെ​റ്റി​ച്ച പ്ര​തി​ക​ര​ണ​ത്തി​ൽ വി​ചാ​ര​ണ എ​പ്പോ​ൾ തു​ട​ങ്ങു​മെ​ന്ന്​ പ​റ​യാ​നാ​വി​ല്ലെ​ന്നും​ ചീ​ഫ്​ ജ​സ്​​റ്റി​സ്​ ര​ഞ്​​ജ​ൻ ഗൊ​ഗോ​യി ഒാ​ർ​മി​പ്പി​ച്ചു. കേസ്​ ഇനി ജനുവരിയിൽ പരിഗണിക്കും.​

ഇൗ ​മാ​സം 29ന്​ ​​അ​ന്തി​മ​വാ​ദം തു​ട​ങ്ങാ​ൻ മു​ൻ ചീ​ഫ്​ ജ​സ്​​റ്റി​സ്​ ദീ​പ​ക്​ മി​ശ്ര​യു​ടെ നേ​തൃ​ത്വ​ത്തി​ലു​ള്ള മൂ​ന്നം​ഗ ബെ​ഞ്ച്​ എ​ടു​ത്ത തീ​രു​മാ​ന​മാ​ണ്​ പു​തി​യ ചീ​ഫ്​ ജ​സ്​​റ്റി​സ്​ ര​ഞ്​​ജ​ൻ ഗൊ​ഗോ​യി ബാ​ബ​രി കേ​സ്​ പ​രി​ഗ​ണി​ച്ച ആ​ദ്യ ദി​വ​സം​ത​ന്നെ തി​രു​ത്തി​യ​ത്.

2019ലെ ​പൊ​തു​തെ​ര​ഞ്ഞെ​ടു​പ്പി​ന്​ മു​മ്പ്​ ബാ​ബ​രി കേ​സി​ലെ വി​ധി വ​രാ​നാ​യി​രു​ന്നു കേ​ന്ദ്ര സ​ർ​ക്കാ​റും ഉ​ത്ത​ർ​പ്ര​ദേ​ശ്​ സ​ർ​ക്കാ​റും അ​ടി​യ​ന്ത​ര​മാ​യി കേ​സ്​ കേ​ൾ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട​ത്. തി​ങ്ക​​ളാ​ഴ്​​ച ചീ​ഫ്​ ജ​സ്​​റ്റി​സ്​ ര​ഞ്​​ജ​ൻ ​ഗൊ​ഗോ​യി​യു​ടെ നേ​തൃ​ത്വ​ത്തി​ലു​ള്ള പു​തി​യ ബെ​ഞ്ച് മു​മ്പാ​കെ ഇൗ ​കേ​സ്​ വി​ളി​ച്ച​യു​ട​ൻ അ​ടി​യ​ന്ത​ര​മാ​യി കേ​ൾ​ക്ക​ണ​മെ​ന്നും തെ​ര​ഞ്ഞെ​ടു​പ്പാ​ണ് വ​രു​ന്ന​തെ​ന്നും സോ​ളി​സി​റ്റ​ർ ജ​ന​റ​ലു​മാ​യ തു​ഷാ​ർ മേ​ത്ത ആ​വ​ശ്യ​പ്പെ​ട്ടു.

യു.​പി​യി​ലെ ബി.​ജെ.​പി സ​ർ​ക്കാ​റി​ന് വേ​ണ്ടി​യാ​യി​രു​ന്നു മേ​ത്ത തി​ങ്ക​ളാ​ഴ്​​ച ഹാ​ജ​രാ​യ​ത്.എ​ന്നാ​ൽ, മേ​ത്ത​യു​ടെ ആ​വ​ശ്യം ചീ​ഫ്​ ജ​സ്​​റ്റി​സ് ഗൊ​ഗോ​യി ത​ള്ളി. തു​ട​ർ​ന്ന്​ തി​ങ്ക​​ളാ​ഴ്​​ച​ അ​ന്തി​മ​വാ​ദം തു​ട​ങ്ങാ​ൻ മു​ൻ ചീ​ഫ്​ ജ​സ്​​റ്റി​സ്​ ദീ​പ​ക്​ മി​ശ്ര പു​റ​പ്പെ​ടു​വി​ച്ച ഉ​ത്ത​ര​വും ബെ​ഞ്ച്​​ ദു​ർ​ബ​ല​പ്പെ​ടു​ത്തി. കേ​സി​ൽ അ​ന്തി​മ വാ​ദം എ​ന്ന്​ തു​ട​ങ്ങ​ണ​മെ​ന്ന്​ ഇ​തി​നാ​യു​ണ്ടാ​ക്കു​ന്ന പു​തി​യ ബെ​ഞ്ച്​ ജ​നു​വ​രി​യി​ൽ തീ​രു​മാ​നി​ക്കു​മെ​ന്ന് കോ​ട​തി ഉ​ത്ത​ര​വി​ടു​ക​യും ചെ​യ്​​തു. കേ​സ്​ പ​രി​ഗ​ണി​ക്കു​ന്ന പു​തി​യ ബെ​ഞ്ച്​ അ​വ​ർ​ക്ക്​ അ​നു​യോ​ജ്യ​മാ​യ സ​മ​യം തീ​രു​മാ​നി​ക്ക​െ​ട്ട എ​ന്നും കോ​ട​തി ചൂ​ണ്ടി​ക്കാ​ട്ടി.

അ​ടി​യ​ന്ത​ര​മാ​യി പ​രി​ഗ​ണി​ക്ക​ണ​മെ​ന്ന ആ​വ​ശ്യം ആ​വ​ർ​ത്തി​ച്ച തു​ഷാ​ർ മേ​ത്ത​​യോ​ട്​ ‘‘ത​ങ്ങ​ൾ​ക്ക്​ ത​ങ്ങ​ളു​ടേ​താ​യ മു​ൻ​ഗ​ണ​നാ​ക്ര​മ​ങ്ങ​ളു​ണ്ട്​’’ എ​ന്നാ​യി​രു​ന്നു ചീ​ഫ്​ ജ​സ്​​റ്റി​സി​​​െൻറ മ​റു​പ​ടി. ജ​നു​വ​രി​യി​ലോ ഫെ​ബ്രു​വ​രി​യി​ലോ മാ​ർ​ച്ചി​ലോ പ​രി​ഗ​ണി​ക്ക​ണ​മെ​ന്ന്​ പു​തി​യ ബെ​ഞ്ച്​ തീ​രു​മാ​നി​ക്ക​െ​ട്ട എ​ന്നും ചീ​ഫ്​ ജ​സ്​​റ്റി​സ്​ കൂ​ട്ടി​ച്ചേ​ർ​ത്തു.

മു​ൻ ചീ​ഫ്​ ജ​സ്​​റ്റി​സ്​ ദീ​പ​ക്​ മി​ശ്ര​ക്കൊ​പ്പം ഇ​തു​വ​രെ കേ​ട്ടി​രു​ന്ന ജ​സ്​​റ്റി​സു​മാ​രാ​യ അ​ശോ​ക്​ ഭൂ​ഷ​ൺ, അ​ബ്​​ദു​ൽ ന​സീ​ർ എ​ന്നി​വ​രെ മാ​റ്റി പ​ക​രം ജ​സ്​​റ്റി​സു​മാ​രാ​യ സ​ഞ്ജ​യ്​ കി​ഷ​ൻ കൗ​ൾ, കെ.​എം. ജോ​സ​ഫ്​ എ​ന്നി​വ​രെ കൊ​ണ്ടു​വ​ന്നാ​ണ്​ ചീ​ഫ്​ ജ​സ്​​റ്റി​സ് ര​ഞ്​​ജ​ൻ ഗൊ​ഗോ​യി തി​ങ്ക​ളാ​ഴ്​​ച കേ​സ്​ പ​രി​ഗ​ണി​ച്ച​ത്. ആ ​ബെ​ഞ്ചും മാ​റി പു​തി​യൊ​രു ബെ​ഞ്ചാ​യി​രി​ക്കും​ ബാ​ബ​രി മ​സ്​​ജി​ദ്​ നി​ന്ന ഭൂ​മി ആ​രു​ടേ​തെ​ന്ന ത​ർ​ക്ക​ത്തി​ൽ തീ​ർ​പ്പു ക​ൽ​പി​ക്കു​​ക.