Top
Begin typing your search above and press return to search.
keyboard_arrow_down
Login
exit_to_app
exit_to_app
ആ വിഡിയോയിൽ രാജ്യമറിഞ്ഞ്​ ബാബാ കാ ധാബ; പൊടിപൊടിച്ച്​ കച്ചവടം
cancel
Homechevron_rightNewschevron_rightIndiachevron_rightആ വിഡിയോയിൽ...

ആ വിഡിയോയിൽ രാജ്യമറിഞ്ഞ്​ 'ബാബാ കാ ധാബ'; പൊടിപൊടിച്ച്​ കച്ചവടം

text_fields
bookmark_border

ഡൽഹി: മാളവ്യ നഗറിലെ ആ​ ചെറിയ ചായക്കടയിൽനിന്ന്​ കിട്ടുന്ന വരുമാനം കൊണ്ടാണ്​ എൺപതുകാരനായ കാന്ത പ്രസാദും ഭാര്യയും കഷ്​ടിച്ച്​ ജീവിതം മു​ന്നോട്ടുകൊണ്ടുപോയിരുന്നത്​. 'ബാബാ കാ ധാബ' എന്നു പേരുള്ള കടയിലേക്ക്​ പക്ഷേ, ലോക്​ഡൗൺ കാലത്ത്​ വിരലിലെണ്ണാവുന്ന ആളുകൾ മാത്രമാണ്​ എത്തിയിരുന്നത്​. മഹാമാരിക്കാലത്ത്​ പുറത്തുനിന്ന്​ ഭക്ഷണം കഴിക്കു​ന്ന രീതി ആളുകൾ ഒഴിവാക്കിയപ്പോൾ കടയിൽ ആളുകയറാതെ ഏറെ ബുദ്ധിമുട്ടിലായിരുന്നു ഈ വയോധിക ദമ്പതികൾ.

എന്നാൽ, ഒരുദിനം കൊണ്ട്​ കാര്യങ്ങൾ മാറിമറിഞ്ഞു​. തലേന്നുവരെ ആളൊഴിഞ്ഞ ചായക്കടക്കുമുമ്പിൽ, വ്യാഴാഴ്​ച തടിച്ചുകൂടിയ ജനക്കൂട്ടത്തെക്കണ്ട്​ കാന്ത പ്രസാദ്​ അമ്പരന്നു. സാധാരണ ഗതിയിൽ വൈകുന്നേരമായാലും ആളെത്താതെ ബാക്കിയാവുന്ന ഭക്ഷണം രാവിലെത്തന്നെ ചൂടപ്പംപോലെ വിറ്റുതീർന്നു.


ഒരു വിഡിയോയാണ്​ 'ബാബാ കാ ധാബ'യുടെ തലവര മാറ്റിയെഴുതിയത്​. ത​െൻറ ഇൻസ്​റ്റാഗ്രാം അക്കൗണ്ടിൽ ഗൗരവ്​ വാസൻ എന്നയാൾ പോസ്​റ്റ്​ ചെയ്​ത വിഡിയോ ആയിരുന്നു അത്​. ഭക്ഷണം കഴിക്കാൻ ആരും വരാത്തതിനാൽ ജീവിതം പ്രതിസന്ധിയിലായ കാന്തപ്രസാദി​െൻറ കണ്ണീരായിരുന്നു ആ വിഡിയോയുടെ ഉള്ളടക്കം. '80കാരായ ഈ ദമ്പതികൾ ഒന്നാന്തരം മടർ പനീറാണ്​ വിൽക്കുന്നത്​. ഇവർക്ക്​ നമ്മുടെ സഹായം ആവശ്യമാണ്​' എന്ന അടിക്കുറിപ്പോടെ വാസൻ പങ്കു​വെച്ച വിഡിയോ വൈറലായി. നടിമാരായ സ്വര ഭാസ്​കറും രവീണ ടണ്ടനും അടക്കമുള്ളവർ ഇത്​ ​െഷയർ ചെയ്​തു. ട്വിറ്ററിലും മറ്റു സാമൂഹിക മാധ്യമങ്ങളിലും 'ബാബാ കാ ധാബ' ട്രെൻഡിങ്ങായി.


ഇതോടെ ഈ വൃദ്ധ ദമ്പതികൾക്ക്​ കൈത്താങ്ങാവുകയെന്ന ലക്ഷ്യത്തോടെ ആളുകൾ ഒഴുകിയപ്പോൾ അഭൂതപൂർവമായ തിരക്കാണ്​ കടയിൽ അനുഭവപ്പെട്ടത്​. ഭക്ഷണം കഴിക്കാതെ പലരും സംഭാവനയായും ഒ​ട്ടേറെ തുക കാന്തപ്രസാദിനും ഭാര്യക്കും നൽകി. വൈറലായ കടക്കുമുന്നിൽ സെൽഫിയെടുക്കാനും മറ്റും ആളുകൾ തിരക്കുകൂട്ടുന്നതും കാണാമായിരുന്നു. 1988 മുതൽ ഇവിടെ കച്ചവടം നടത്തുന്ന കാന്തപ്രസാദ്​ കുറഞ്ഞ വിലക്കാണ്​ ചോറും പരിപ്പും റൊട്ടിയു​ം അടക്കമുള്ളവ വിൽപന നടത്തുന്നത്​.

Show Full Article
TAGS:Baba ka Dhaba Twitter Trending â€‹ 
Next Story