കർണാടകയിൽ കോൺഗ്രസ്​ എം.എൽ.എ കോവിഡ്​ ബാധിച്ച്​ മരിച്ചു

ബംഗളൂരു: കർണാടക കോൺഗ്രസ്​ എം.എൽ.എ ബി.നാരായണ റാവു(65) കോവിഡ്​ ബാധിച്ച്​ മരിച്ചു. ബംഗളൂരുവിലെ ആശുപത്രിയിലായിരുന്നു അന്ത്യം. റാവുവിൻെറ നില ഗുരുതരമാണെന്ന്​ ആശുപ​ത്രി അധികൃതർ കഴിഞ്ഞ ദിവസം അറിയിച്ചിരുന്നു.

കർണാടകത്തിലെ ബിദർ മണ്ഡലത്തിൽ നിന്നുള്ള എം.എൽ.എയാണ്​ റാവു. സെപ്​റ്റംബർ ഒന്നിന്​ കോവിഡ്​ സ്ഥിരീകരിച്ചതിനെ തുടർന്ന് അദ്ദേഹത്തെ​ മണിപ്പാൽ ആശുപത്രിയിൽ പ്രവേശിപ്പിക്കുകയായിരുന്നു. വെൻറിലേറ്ററിൻെറ സഹായത്തോടെയാണ്​ റാവു ജീവൻ നില നിർത്തിയത്​. എം.എൽ.എയുടെ മരണത്തെ തുടർന്ന്​ കർണാടക നിയമസഭ പിരിഞ്ഞു.