അലോപ്പതി, ആയുർവേദ ഡോക്ടർമാർക്ക് ഒരേ ശമ്പളം നൽകാനാവില്ലെന്ന വിധി; പുന:പരിശോധന ഹരജി സുപ്രീംകോടതി തള്ളി

ന്യൂഡൽഹി: അലോപ്പതി, ആയുർവേദ ഡോക്ടർമാർക്ക് ഒരേ ശമ്പളം നൽകാനാവില്ലെന്ന വിധിക്കെതിരെ സമർപ്പിച്ച പുന:പരിശോധന ഹരജി സുപ്രീംകോടതി തള്ളി. സുപ്രീംകോടതി നേരത്തെ പുറപ്പെടുവിച്ച വിധിയിൽ അപാകതയില്ലെന്ന് ചൂണ്ടിക്കാട്ടിയാണ് ജസ്റ്റിസുമാരായ എ.എസ്. ഓഖ, പങ്കജ് മിത്തൽ എന്നിവരടങ്ങിയ ബെഞ്ച് ഹരജി തള്ളിയത്. ആയുർവേദ മെഡിക്കൽ ഓഫിസേഴ്സ് അസോസിയേഷനും മറ്റ് ഏതാനും വ്യക്തികളുമാണ് പുന:പരിശോധന ഹരജികൾ സമർപ്പിച്ചത്.

ഏപ്രിൽ 26നായിരുന്നു നേരത്തെയുള്ള സുപ്രീംകോടതി വിധി. സ​ർ​ക്കാ​ർ ആ​ശു​പ​ത്രി​ക​ളി​ലെ അ​ലോ​പ്പ​തി-ആ​യു​ർ​​വേ​ദ ഡോ​ക്ട​ർ​മാ​ർ​ക്ക് ഒ​രേ ശ​മ്പ​ളം ന​ൽ​ക​ണ​മെ​ന്ന് 2012ൽ ഗു​ജ​റാ​ത്ത് ഹൈ​കോ​ട​തി വി​ധിച്ചിരുന്നു. ഇത് റദ്ദാക്കിക്കൊണ്ടാണ് അലോപ്പതി, ആയുർവേദ ഡോക്ടർമാർക്ക് ഒരേ ശമ്പളം നൽകാനാവില്ലെന്ന് സുപ്രീംകോടതി വിധിച്ചത്.

ജ​സ്റ്റി​സു​മാ​രാ​യ വി. ​രാ​മ​സു​ബ്ര​ഹ്മ​ണ്യം, പ​ങ്ക​ജ് മി​ത്ത​ൽ എ​ന്നി​വ​ര​ട​ങ്ങിയ ബെ​ഞ്ചാണ് നേരത്തെ വിധി പറഞ്ഞത്. ആ​യു​ർ​വേ​ദ ചി​കി​ത്സ​ക​രു​ടെ പ്രാ​ധാ​ന്യം അം​ഗീ​ക​രി​ച്ച് ത​ദ്ദേ​ശീ​യ​മാ​യ ബ​ദ​ൽ ചി​കി​ത്സാ രീ​തി​ക​ളെ പ്രോ​ത്സാ​ഹി​പ്പി​ക്ക​ണ​മെ​ന്ന് അ​ഭി​പ്രാ​യ​പ്പെ​ട്ട ​കോ​ട​തി, അ​തേ​സ​മ​യം ഇ​രു​വി​ഭാ​ഗം ഡോ​ക്ട​ർ​മാ​രും ഒ​രു​പോ​ലെ ശ​മ്പ​ളം ന​ൽ​കാ​വു​ന്ന ഒ​രേ ജോ​ലി​യ​ല്ല ചെ​യ്യു​ന്ന​തെ​ന്ന് വ്യ​ക്ത​മാ​ക്കിയിരുന്നു. അ​ടി​യ​ന്ത​ര ഘ​ട്ട​ങ്ങ​ളി​ലും പ​രി​ക്കു​ക​ളേ​ൽ​ക്കു​മ്പോ​ഴും അ​ലോ​പ്പ​തി ഡോ​ക്ട​ർ​മാ​ർ​ക്ക് ചെ​യ്യാ​ൻ ക​ഴി​യു​ന്ന​ത് ആ​യു​ർ​വേ​ദ ഡോ​ക്ട​ർ​മാ​ർ​ക്കാ​വി​ല്ല.

എം.​ബി.​ബി.​എ​സ് ഡോ​ക്ട​ർ​മാ​ർ ന​ട​ത്തു​ന്ന സ​ങ്കീ​ർ​ണ​മാ​യ ശ​സ്ത്ര​ക്രി​യ​ക​ൾ ന​ട​ത്താ​നും ആ​യു​ർ​വേ​ദ​ക്കാ​ർ​ക്ക് ക​ഴി​യി​ല്ല. ഒ​രു ചി​കി​ത്സാ സ​മ്പ്ര​ദാ​യം മ​റ്റൊ​ന്നി​ന് മു​ക​ളി​ലാ​ണെ​ന്ന് നാം ​മ​ന​സ്സി​ലാ​ക്ക​രു​ത്. വൈ​ദ്യ​ശാ​സ്ത്ര​ത്തി​ലെ ഈ ​ര​ണ്ട് ശാ​ഖ​ക​ളു​ടെ​യും ആ​പേ​ക്ഷി​ക​മാ​യ മെ​ച്ചം ക​ണ​ക്കാ​​ക്കേ​ണ്ട ബാ​ധ്യ​ത കോ​ട​തി​ക്കി​ല്ലെന്നും ബെഞ്ച് പറഞ്ഞിരുന്നു.