Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജീവനക്കാരന് കോവിഡ്​; ...

ജീവനക്കാരന് കോവിഡ്​; വ്യോമയാനമന്ത്രാലയ ആസ്ഥാനം അടക്കും

text_fields
bookmark_border
ജീവനക്കാരന് കോവിഡ്​;  വ്യോമയാനമന്ത്രാലയ ആസ്ഥാനം അടക്കും
cancel

ന്യൂഡൽഹി: കേന്ദ്ര വ്യോമയാനമന്ത്രാലയത്തിലെ ജീവനക്കാരന് കോവിഡ് സ്ഥിരീകരിച്ചു. തുടർന്ന്​ ഡൽഹിയിലെ ജോർ ബാഗി ൽ രാജീവ്​ ഗാന്ധി ഭവനിൽ പ്രവർത്തിക്കുന്ന വ്യോമസേന മന്ത്രാലയ ആസ്ഥാനം അടക്കാൻ തീരുമാനിച്ചു.

ഏപ്രിൽ 15 വരെ ഓഫ ീസിലെത്തിയിരുന്ന ജീവനക്കാരന്​ കോവിഡ്​ സ്ഥിരീകരിച്ചതായും ചട്ടപ്രകാരം ആസ്ഥാനമന്ദിരം അടച്ചുപൂട്ടുമെന്നും മന്ത്രാലയം പ്രസ്​താവനയിലൂടെ അറിയിച്ചു. ഏപ്രില്‍ 21നാണ് ഇയാള്‍ക്ക് രോഗം സ്ഥിരീകരിച്ചത്​. ഇയാളുമായി ബന്ധപ്പെട്ട എല്ലാവരോടും​ സ്വയം ക്വാറൻറീനിൽ കഴിയാൻ നിർദേശിച്ചിട്ടുണ്ട്​​. സമ്പര്‍ക്കമുണ്ടായവരെ കണ്ടെത്താനുള്ള നടപടികള്‍ സ്വീകരിച്ചതായും മന്ത്രാലയം അറിയിച്ചു.

ഏതാനും ദിവസങ്ങൾക്ക്​ മുമ്പ്​ തൊണ്ട വേദന അനുഭവപ്പെട്ട ജീവനക്കാരൻ അവധിയിൽ പ്രവേശിക്കുകയും കോവിഡ്​ പരിശോധനക്ക്​ വിധേയനാവുകയുമായിരുന്നു. ഇദ്ദേഹത്തിന്​ അസുഖം ബാധിച്ചതെങ്ങനെയെന്ന്​ വ്യക്തമല്ല.

വകുപ്പിലെ ഒരു ജീവനക്കാരന് കോവിഡ് സ്ഥിരീകരിച്ചെന്നും എല്ലാ ചികിത്സാ സൗകര്യങ്ങളും ഉറപ്പ് വരുത്തിയിട്ടുണ്ടെന്നും വ്യോമയാനമന്ത്രി ഹര്‍ദീപ് സിങ് അറിയിച്ചു. കോവിഡ്​ പോസിറ്റീവായ വ്യക്തിയുമായി ഇടപഴകിയ എല്ലാവരെയും പരിശോധിക്കുമെന്നും അദ്ദേഹം വ്യക്തമാക്കി.

ലോക്‌സഭ സെക്രട്ടേറിയറ്റിലെ വീട്ടുജോലിക്കാരനും രാഷ്ട്രപതി ഭവനിലെ ശുചിത്വ തൊഴിലാളിക്കും കോവിഡ് പോസിറ്റീവായതിനെ തൊട്ടുപിന്നാലെയാണ് വ്യോമയാന മന്ത്രാലയത്തിലെ ജീവനക്കാരും കോവിഡ് സ്​ഥിരീകരിച്ചിരിട്ടുക്കുന്നത്​ .

Show Full Article
TAGS:covid19 Aviation ministry staffer india news 
News Summary - Aviation ministry HQ to be sealed after staffer tests Covid-19 positive - India news
Next Story