Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightന​ട്ടെല്ല്​ പൊട്ടി,...

ന​ട്ടെല്ല്​ പൊട്ടി, സ്വകാര്യ ഭാഗത്ത്​ പരിക്ക്​; ഹഥ്​രസ്​ പോസ്​റ്റ്​മോർട്ടം റിപ്പോർട്ട്​

text_fields
bookmark_border
ന​ട്ടെല്ല്​ പൊട്ടി, സ്വകാര്യ ഭാഗത്ത്​ പരിക്ക്​; ഹഥ്​രസ്​ പോസ്​റ്റ്​മോർട്ടം റിപ്പോർട്ട്​
cancel

ഹഥ്​രസ് (ഉത്തർ പ്രദേശ്​)​: കൂട്ടബലാത്സംഗത്തിനിരയായി കൊല്ലപ്പെട്ട ഹഥ്​രസിലെ യുവതിയുടെ ന​ട്ടെല്ലി​െൻറ മുകൾഭാഗത്ത്​ ഗുരുതര പരിക്കേറ്റിരുന്നതായി പോസ്​റ്റ്​ മോർട്ടം റിപ്പോർട്ട്. ​ശരീരത്തി​െൻറ സ്വകാര്യ ഭാഗത്തും​ പരിക്കുകൾ കണ്ടെത്തി. നട്ടെല്ലിനേറ്റ ഗുരുതരമായ ആഘാതമാണ് മരണത്തിലേക്ക്​ നയിച്ചതെന്ന്​ കരുതുന്നു​. ഷാൾ ഉപയോഗിച്ച്​ കഴുത്തുഞെരിച്ച് കൊല്ലാനുള്ള ശ്രമം നടന്നതായും റിപ്പോർട്ടിൽ പറയുന്നു.

സെപ്റ്റംബർ 14നാണ് യുവതിയെ നാല് സവർണ ജാതിക്കാർ ആക്രമിച്ചത്. സമീപത്തെ വയലിൽ നഗ്നയായി രക്തത്തിൽ കുളിച്ച നിലയിലാണ്​ വീട്ടുകാർ യുവതിയെ കണ്ടത്​. ശരീരത്തിൽ പലയിടത്തും ഒടിവും ചതവും മർദനമേറ്റ പാടുകളും നാവിൽ മുറിവുമുണ്ടായിരുന്നു. എന്നാൽ, അക്രമികൾ കഴുത്തുഞെരിച്ച് കൊല്ലാൻ ശ്രമിക്കുന്നതിനിടെ യുവതി സ്വയം നാക്ക്​ കടിച്ചപ്പോഴാണ്​ നാവിന്​ മുറിവേറ്റതെന്നാണ്​ പൊലീസ്​ പറയുന്നത്​.

കഴുത്ത്​ ഞെരിച്ച്​ ശ്വാസം മുട്ടിച്ചതും ന​ട്ടെല്ലി​േനറ്റ പരിക്കും തുടർന്നുണ്ടായ ഹൃദയാഘാതവും മരണത്തിനിടയാക്കി. ആന്തരികാവയവങ്ങളുടെ ഫോറൻസിക് റിപ്പോർട്ടുകൾ ലഭിച്ചാ​ലേ ബലാത്സംഗം സ്ഥിരീകരിക്കൂവെന്ന് ഡോക്ടർമാർ പറഞ്ഞു. എന്നാൽ, പെൺകുട്ടി ബലാത്സംഗം ചെയ്യപ്പെട്ടതിന്​ തെളിവില്ലെന്ന്​ ഉത്തർപ്രദേശ്​ പൊലീസ്​ അഡീഷണൽ ഡയറക്​ട്​ ജനറൽ പ്രശാന്ത്​ കുമാർ പറഞ്ഞു. ''ഫോറൻസിക്​ റിപ്പോർട്ടിൽ പെൺകുട്ടി ബലാത്സംഗത്തിനിരയാ​െയന്ന്​ കണ്ടെത്തിയിട്ടില്ല. മരണകാരണം കഴുത്തിനേറ്റ പരിക്കാണ്​. ഫോറൻസിക്​ പരിശോധനയിൽ ശരീരത്തിൽനിന്നും ബീജത്തി​െൻറ അംശം കണ്ടെത്തിയിട്ടില്ല- എ.ഡി.ജി.പി പ്രശാന്ത്​ കുമാർ അറിയിച്ചു.

രോഗിയുടെ നില മോശമായത്​ കുടുംബത്തെ അറിയിച്ചിരുന്നതായും മതിയായ ചികിത്സ നൽകിയിട്ടും ക്രമേണ വഷളാവുകയായിരുന്നുവെന്നും മരണ റിപ്പോർട്ടിൽ പറയുന്നു. ചൊവ്വാഴ്​ച രാവിലെ 8.55 നാണ്​ മരണം സ്​ഥിരീകരിച്ചത്​. എന്നാൽ, യു.പി പോലീസ് ബുധനാഴ്​ച പുലർച്ചെ മൃതദേഹം ഗ്രാമത്തിൽ എത്തിച്ചു ബന്ധുക്കളുടെ സമ്മതമില്ലാതെ ദഹിപ്പിക്കുകയായിരുന്നു. മാതാപിതാക്കളെയും സഹോദരന്മാരെയും വീട്ടിൽ പൂട്ടിയിട്ട ശേഷമായിരുന്നു ശവദാഹം. അടുത്ത ദിവസം രാവിലെ അന്ത്യകർമം നടത്താൻ അനുവദിക്കണമെന്ന് കുടുംബം കേണപേക്ഷിച്ചെങ്കിലും പൊലീസ് സമ്മതിച്ചില്ല. ​അവസാനമായി ഒരു​േനാക്കുപോലും കാണാൻ അനുവദിക്കാതെ പൊലീസ്​ തന്നെയാണ്​ ചിതയൊരുക്കി കത്തിച്ചത്​.

Show Full Article
TAGS:hathras gang rape yogi 
Next Story