ബോളിവുഡ്​ മയക്കുമരുന്ന്​ ബന്ധം; ആസ്​ട്രേലിയൻ ആർക്കിടെക്​ട്​ അറസ്​റ്റിൽ

മുംബൈ: ബോളിവുഡിലെ മയക്കുമരുന്ന്​ കേസുമായി ബന്ധപ്പെട്ട്​ ആസ്​ട്രേലിയൻ ആർക്കിടെക്​ട്​ അറസ്​റ്റിൽ. ആസ്​ട്രേലിയൻ സ്വദേശിയായ പോൾ ബാർട്ടലിനെയാണ്​ നാർക്കോട്ടിക്​ കൺ​േ​​ട്രാൾ ബ്യൂറോ അറസ്​റ്റ്​ ചെയ്​തത്​. മയക്കുമരുന്ന്​ ഉപയോഗത്തിനും ബോളിവുഡ്​ ശൃംഘലയിൽ മയക്കുമരുന്ന്​ വിതരണം നടത്തിയതിനുമാണ്​ അറസ്​റ്റ്​.

കേസിൽ നേരത്തേ അറസ്​റ്റിലായ അഗിസിലാവോസ്​ ദിമിത്രിയാദെസി​െൻറ മൊഴിയുടെ അടിസ്​ഥാനത്തിലാണ്​ പോളി​െൻറ അറസ്​റ്റ്​.

ബോളിവുഡ്​ നടൻ അർജുൻ രാംപാലി​െൻറ പങ്കാളി ഗബ്രിയേലയുടെ സഹോദരനാണ്​ അഗിസിലാവോസ്​. കേസുമായി ബന്ധ​െപ്പട്ട്​ ഗബ്രിയേലയെ ബുധനാഴ്​ച ചോദ്യം ചെയ്​തിരുന്നു. അർജുൻ രാംപാലിനെ മുംബൈയിലെ എൻ.സി.ബി ഓഫിസിൽ ചോദ്യം ചെയ്യുകയാണ്​.

അഗിസിലാവോസിനെ ചോദ്യം ചെയ്​തതിലൂടെ ശൃംഘലയുമായി ബന്ധ​െപ്പട്ട നിരവധി പേരുടെ വിവരങ്ങൾ കൈമാറിയതായും അതിലൊരാളാണ്​ പോളെന്നും എൻ.സി.ബി പറഞ്ഞു. പോളിനെ മെഡിക്കൽ പരിശോധനക്ക്​ വിധേയമാക്കിയശേഷം വെള്ളിയാഴ്​ച കോടതിയിൽ ഹാജരാക്കും.