പ​േട്ടലിനെ വിസ്​മൃതിയിലാക്കാൻ ശ്രമം നടന്നു; ഇപ്പോൾ കാര്യങ്ങൾ മാറിയെന്നും അതിന്​ തെളിവാണ്​ പ്രതിമയെന്നും അമിത്​ ഷാ

അഹമ്മദാബാദ്​: സർദാർ വല്ലഭായി പ​േട്ടലിനെ വിസ്​മൃതിയിലാക്കാൻ ശ്രമങ്ങൾ നടന്നുവെന്ന്​ കേന്ദ്ര ആഭ്യന്തര മന്ത്രി അമിത്​ ഷാ. എന്നാൽ, ഇ​േ​പ്പാൾ കാര്യങ്ങൾ മാറി, ലോകത്തെ ഏറ്റവും വലിയ പ്രതിമ ഇതിനുള്ള തെളിവാണെന്നും അദ്ദേഹം പറഞ്ഞു. സർദാർ വല്ലഭായി പ​േട്ടലിന്‍റെ 146ാം ജന്മവാർഷികത്തോട്​ അനുബന്ധിച്ച്​ നടത്തിയ പരിപാടിയിൽ അദ്ദേഹത്തിന്​ ആദരമർപ്പിച്ച്​ സംസാരിക്കു​േമ്പാഴാണ്​ ഷായുടെ പ്രതികരണം.

സ്വാതന്ത്ര്യാനന്തരം അദ്ദേഹത്തിന്​ അർഹമായ പരിഗണന ലഭിച്ചില്ല. ഭാരത രത്​നയോ മറ്റ്​ പുരസ്​കാരങ്ങളോ നൽകി അദ്ദേഹത്തെ ആദരിച്ചില്ല. എന്നാൽ, ഇപ്പോൾ പ​േട്ടലിന്​ ആദരം ലഭിച്ചിരിക്കുകയാണ്​. കേവാദിയ ഇന്ന്​ കേവലമൊരു സ്ഥലമല്ല. ദേശീയ ഐക്യത്തി​ന്‍റെയും ദേശസ്​നേഹത്തി​േന്‍റയും ക്ഷേത്രമാണത്​​.

പ​േട്ടലിന്‍റെ ഉയരമുള്ള പ്രതിമ ലോകത്തോട്​ വിളിച്ച്​ പറയുന്നത്​ ഇന്ത്യക്ക്​ നല്ലൊരു ഭാവിയുണ്ടെന്നാണ്​. ഇന്ത്യയുടെ ഐക്യവും അഖണ്ഡതയും ആർക്കും തകർക്കാനാവില്ലെന്നും അമിത്​ ഷാ പറഞ്ഞു. ഇന്ത്യൻ പുരുഷ ഹോക്കി ടീം മൻപ്രീത്​ സിങ്​ ഉൾപ്പടെയുള്ളവർ ചടങ്ങിൽ പ​ങ്കെടുത്തിരുന്നു. 2014ൽ നരേന്ദ്ര മോദി സർക്കാർ അധികാരത്തിലെത്തിയതിന്​ ശേഷം സർദാർ വല്ലഭായി പ​േട്ടലിന്‍റെ ജന്മദിനം ദേശീയ ഐക്യദിനമായാണ്​ ആചരിക്കുന്നത്​.