Begin typing your search above and press return to search.
exit_to_app
exit_to_app
Biplab Kumar Deb
cancel
Homechevron_rightNewschevron_rightIndiachevron_rightത്രിപുര മുഖ്യമന്ത്രിയെ...

ത്രിപുര മുഖ്യമന്ത്രിയെ കാറിടിച്ച്​ വധിക്കാൻ ശ്രമിച്ച കേസിൽ മൂന്ന്​ യുവാക്കൾ അറസ്റ്റിൽ

text_fields
bookmark_border

അഗർത്തല: ത്രിപുര മുഖ്യമന്ത്രി ബിപ്ലബ് കുമാർ ദേബിനെ വധിക്കാൻ ശ്രമിച്ചെന്ന കേസിൽ മൂന്ന് പേരെ അറസ്റ്റ് ചെയ്തതായി പൊലീസ് അറിയിച്ചു. വ്യാഴാഴ്ച ശ്യാമപ്രസാദ് മുഖർജി ലെയ്‌നിലെ ഔദ്യോഗിക വസതിക്ക് സമീപം മുഖ്യമന്ത്രിയുടെ സായാഹ്ന നടത്തത്തിനിടെ കാറിടിച്ച്​ കൊലപ്പെടുത്താൻ ശ്രമിച്ചെന്നാണ്​ കേസ്​.

വാഹനം വരുന്നത്​ കണ്ട്​ മുഖ്യമന്ത്രി ചാടിമാറിയെന്നും സുരക്ഷ ജീവനക്കാരന്​ നിസ്സാര പരിക്കേറ്റെന്നും പൊലീസ്​ അറിയിച്ചു. കാർ തടഞ്ഞുനിർത്താൻ സുരക്ഷ ജീവനക്കാർ ശ്രമിച്ചെങ്കിലും കഴിഞ്ഞില്ല.

വ്യാഴാഴ്ച രാത്രി കെർചൗമുഹാനി പ്രദേശത്തുനിന്നാണ്​ മൂന്നുപേരെയും അറസ്റ്റ് ചെയ്തത്​. വാഹനവും പിടിച്ചെടുത്തു. മൂന്നുപേരെയും വെള്ളിയാഴ്ച ചീഫ് ജുഡീഷ്യൽ മജിസ്ട്രേറ്റ് പി.പി. പോൾ മുമ്പാകെ ഹാജരാക്കി.

ചോദ്യം ചെയ്യലിനായി രണ്ട് ദിവസം പൊലീസ് കസ്റ്റഡിയിൽ ആവശ്യപ്പെ​ട്ടെങ്കിലും കോടതി ആഗസ്റ്റ് 19 വരെ ജുഡീഷ്യൽ കസ്റ്റഡിയിൽ വിട്ടു. ഏകദേശം 25 വയസ്സുള്ളവരാണ്​ പിടിയിലായത്​. ഇവരുടെ ഉദ്ദേശ്യം എന്താണെന്ന്​ മനസ്സിലായിട്ടില്ല. ഇവരെ ജയിലിൽ പോയി ചോദ്യം ചെയ്യുമെന്നും പൊലീസ്​ അറിയിച്ചു.

Show Full Article
TAGS:Biplab Kumar Deb 
News Summary - Attempted assassination of Tripura Chief Minister; Three youths arrested
Next Story