Begin typing your search above and press return to search.
exit_to_app
exit_to_app
tanishq ad
cancel
Homechevron_rightNewschevron_rightIndiachevron_rightസമൂഹ മാധ്യമങ്ങളിൽ...

സമൂഹ മാധ്യമങ്ങളിൽ വീണ്ടും ആക്രമണം; ദീപാവലി പരസ്യം പിൻവലിച്ച്​ തനിഷ്​ക്​

text_fields
bookmark_border

ടാറ്റ ഗ്രൂപ്പി​െൻറ ജ്വല്ലറി ബ്രാൻഡായ തനിഷ്​ക്​ ദീപാവലിയോടനുബന്ധിച്ച്​ പുറത്തിറക്കിയ പരസ്യം സമൂഹ മാധ്യമങ്ങള​ിലെ ആക്രമണത്തെ തുടർന്ന്​ പിൻവലിച്ചു. മത​വികാരം വ്രണപ്പെടുത്തിയെന്ന്​ ആരോപിച്ച്​ ഹിന്ദുത്വ വർഗീയ വാദികളിൽനിന്ന്​ പ്രതിഷേധം ശക്​തമായതോടെ കഴിഞ്ഞമാസവും തനിഷ്​കിന്​ പരസ്യം പിൻവലിക്കേണ്ടി വന്നിരുന്നു.

കഴിഞ്ഞ വ്യാഴാഴ്​ചയാണ്​ 50 സെക്കൻഡ്​ നീളുന്ന പരസ്യം ദീപാവലിയോടനുബന്ധിച്ച്​ സമൂഹ മാധ്യമങ്ങളിലൂടെ പുറത്തുവിട്ടത്​. നീന ഗുപ്ത, നിമ്രത് കൗർ, സയാനി ഗുപ്ത, അലയ എഫ് എന്നിവരാണ്​ പരസ്യത്തിൽ അഭിനയിച്ചിരുന്നത്​.

'വളരെ കാലത്തിനുശേഷം എ​െൻറ അമ്മയെ കാണാമെന്ന് ഞാൻ പ്രതീക്ഷിക്കുന്നു, തീർച്ചയായും പടക്കങ്ങളുണ്ടാകില്ല. ആരെങ്കിലും പടക്കങ്ങൾ പൊട്ടിക്കുമെന്ന്​ ഞാൻ കരുതുന്നുമില്ല. പക്ഷെ, ഒരുപാട്​ ദിയകളുമായി നമുക്ക്​ ആഘോഷിക്കാം' ^എന്ന വാചകമാണ്​ വിവാദമായത്​.

ഇത​ിനെതിരെ സമൂഹ മാധ്യമങ്ങളിൽ ഒരുവിഭാഗം ആളുകൾ വിമർശനവുമായി രംഗത്തെത്തി. ആഘോഷ സമയത്ത്​ പടക്കങ്ങൾ ഒഴിവാക്കണമെന്ന ഉപദേശമാണ്​ അവരെ ചൊടിപ്പിച്ചത്​.

'നമ്മുടെ ഉത്സവങ്ങൾ എങ്ങനെ ആഘോഷിക്കണമെന്ന് എന്തിനാണ്​ അവർ ഉപദേശിക്കുന്നത്​? കമ്പനികൾ അവരുടെ ഉൽപ്പന്നങ്ങൾ വിൽക്കുന്നതിൽ ശ്രദ്ധ കേന്ദ്രീകരിക്കണം. പടക്കങ്ങൾ പൊട്ടിക്കുന്നത് ഒഴിവാക്കാൻ ഞങ്ങളെ ഉപദേശിക്കേണ്ട' -ബിജെപി ദേശീയ ജനറൽ സെക്രട്ടറി സി.ടി. രവി ട്വീറ്റ് ചെയ്തു. പ്രതിഷേധം വ്യാപകമായതോടെ തിങ്കളാഴ്​ച കമ്പനി പരസ്യം പിൻവലിച്ചു.

അതേസമയം, വായു മലിനീകരണം കുറക്കുന്നതി​െൻറ ഭാഗമായി മിക്ക സംസ്​ഥാനങ്ങളും പടക്ക വിൽപ്പനയും അവ പൊട്ടിക്കുന്നതും നിരോധിച്ചിട്ടുണ്ട്​. പ​ട​ക്ക​ങ്ങ​ളു​ടെ ഉ​പ​യോ​ഗം അ​ന്ത​രീ​ക്ഷ മ​ലി​നീ​ക​ര​ണ​ത്തി​നും അതുവഴി കോ​വി​ഡ് രോ​ഗി​ക​ളു​ടെ ആ​രോ​ഗ്യ​ത്തെ പ്ര​തി​കൂ​ല​മാ​യി ബാ​ധി​ക്കു​മെ​ന്നുമുള്ള വി​ദ​ഗ്ധ​രു​ടെ വി​ല​യി​രു​ത്ത​ലി​െൻറ അ​ടി​സ്ഥാനത്തിലാണ്​ ഇത്തരമൊരു തീരുമാനം എടുത്തിട്ടുള്ളത്​.

കഴിഞ്ഞമാസം, ഹൈന്ദവ മത വി​ശ്വാസിയായ മരുമകളുടെ സീമന്ത ചടങ്ങ്​ ആഘോഷിക്കുന്ന മുസ്​ലിം കുടുംബത്തി​െൻറ​ കഥ പറയുന്ന പരസ്യം ഒരുക്കിയതിനെത്തുടർന്ന്​ തനിഷ്ക്​ ജ്വല്ലറിക്ക്​ ബഹിഷ്​കരണ ഭീഷണി ഉയർന്നിരുന്നു​​. ​ദക്ഷിണേന്ത്യക്കാരിയെന്ന്​ തോന്നിക്കുന്ന മരുമകളുടെ ഹൈന്ദവാചര പ്രകാരമുള്ള ചടങ്ങ​ുകളിൽ മുസ്​ലിം കുടുംബാംഗങ്ങൾ പ​ങ്കെടുക്കുന്നതാണ്​ 45 സെക്കൻഡ്​ ദൈർഘ്യമുള്ള വിഡിയോയിൽ ചിത്രീകരിച്ചിരിക്കുന്നത്​.

എന്നാൽ, പരസ്യം ലവ്​ ജിഹാദും വ്യാജ മതേതരത്വവും പ്രോത്സാഹിപ്പിക്കാൻ ശ്രമിക്കുകയാണെന്നാരോപിച്ച്​​ ചിലർ ബോയ്​കോട്ട്​ തനിഷ്​ക്​ എന്ന പേരിൽ ഹാഷ്​ടാഗ് കാമ്പയിൻ ആരംഭിച്ചു​. ​​വൈകാതെ ഇത്​ ട്വിറ്ററിൽ ട്രെൻഡിങ്ങുമായി മാറി. പരസ്യം നിരോധിക്കണമെന്നും ജ്വല്ലറി ബ്രാൻഡ്​ ബഹിഷ്​കരിക്കണമെന്നും​ ആഹ്വാനം​ ഉയർന്നു. ഗുജറാത്തിൽ തനിഷ്​ ഒൗട്ട്​ലെറ്റുകൾക്ക്​ നേരെ ആക്രമണവുമുണ്ടായി. ഒടുവിൽ ജീവനക്കാരുടെ സുരക്ഷ കണക്കിലെടുത്ത്​ പരസ്യം പിൻവലിക്കാൻ കമ്പനി നിർബന്ധിതരായി.

Show Full Article
TAGS:tanishq diwali advertisement 
News Summary - Attack on social media again; Tanishq withdraws Diwali advertisement
Next Story