മണിക്​ സർക്കാറിനെതിരായ ആക്രമണം; ത്രിപുര മുഖ്യമന്ത്രി അന്വേഷണത്തിന്​ ഉത്തരവിട്ടു

അ​ഗ​ർ​ത്ത​ല: ത്രി​പു​ര പ്ര​തി​പ​ക്ഷ നേ​താ​വും മു​ൻ മു​ഖ്യ​മ​ന്ത്രി​യു​മാ​യ മ​ണി​ക്​ സ​ർ​ക്കാ​റി​നെ ബി.​ജെ.​പി പ്ര​വ​ർ​ത്ത​ക​ർ ആ​ക്ര​മി​ച്ച സം​ഭ​വ​ത്തി​ൽ മു​ഖ്യ​മ​ന്ത്രി ബി​പ്ല​ബ്​ കു​മാ​ർ ദേ​ബ്​​ അ​ന്വേ​ഷ​ണ​ത്തി​ന്​ ഉ​ത്ത​ര​വി​ട്ടു. ഇ​തി​നാ​യി പ്ര​ത്യേ​ക സ​മി​തി​യെ ചു​മ​ത​ല​പ്പെ​ടു​ത്തു​ക​യും 48 മ​ണി​ക്കൂ​റി​ന​കം റി​പ്പോ​ർ​ട്ട്​ ആ​വ​ശ്യ​പ്പെ​ടു​ക​യും ചെ​യ്​​തു. സം​സ്​​ഥാ​ന നി​യ​മ​മ​ന്ത്രി ര​ത്ത​ൻ ലാ​ൽ നാ​ഥ്, ജി​ല്ല പൊ​ലീ​സ്​ സൂ​പ്ര​ണ്ട്​ എ​ന്നി​വ​രു​ടെ നേ​തൃ​ത്വ​ത്തി​ലാ​ണ്​ സ​മി​തി.

തെ​ക്ക​ൻ ത്രി​പു​ര​യി​ലെ ശാ​ന്തി​ർ ബ​സാ​റി​ൽ ബി.​ജെ.​പി പ്ര​വ​ർ​ത്ത​ക​ർ ആ​ക്ര​മി​ച്ച സി.​പി.​എം പ്ര​വ​ർ​ത്ത​ക​രെ സ​ന്ദ​ർ​ശി​ക്കാ​ൻ പോ​യ​പ്പോ​ഴാ​ണ്​ സി.​പി.​എം പോ​ളി​റ്റ്​ ബ്യൂ​റോ അം​ഗം കൂ​ടി​യാ​യ മ​ണി​ക്​ സ​ർ​ക്കാ​റി​നും പാ​ർ​ട്ടി അ​ണി​ക​ൾ​ക്കു​മെ​തി​രെ ആ​ക്ര​മ​ണ​മു​ണ്ടാ​യ​ത്. ബി.​ജെ.​പി​ക്കാ​രു​ടെ വ​ൻ സം​ഘ​മാ​ണ്​ ആ​ക്ര​മ​ണം ന​ട​ത്തി​യ​തെ​ന്ന്​ മ​ണി​ക്​ സ​ർ​ക്കാ​ർ തി​ങ്ക​ളാ​ഴ്​​ച ആ​രോ​പി​ച്ചി​രു​ന്നു. താ​ൻ കൊ​ല്ല​പ്പെ​ട്ടാ​ൽ സം​സ്​​ഥാ​ന​ത്ത്​ ക്ര​മ​സ​മാ​ധാ​നം പു​ല​രു​മെ​ങ്കി​ൽ മ​രി​ക്കാ​ൻ ത​യാ​റാ​ണെ​ന്നും അ​ദ്ദേ​ഹം പ​റ​ഞ്ഞി​രു​ന്നു. സി.​പി.​എം പോ​ളി​റ്റ്​ ബ്യൂ​റോ​യും അ​ക്ര​മ​ത്തെ അ​പ​ല​പി​ച്ചു.

പൊ​ലീ​സി​‍െൻറ അ​നു​മ​തി​യോ​ടെ ന​ട​ത്തി​യ സ​ന്ദ​ർ​ശ​ന​ത്തി​നി​ടെ​യാ​ണ്​ ആ​ക്ര​മ​ണ​മു​ണ്ടാ​യ​ത്. സം​സ്​​ഥാ​ന​ത്ത്​ ജ​നാ​ധി​പ​ത്യ​പ​ര​മാ​യ ഒ​ന്നി​നും അ​വ​സ​രം ന​ൽ​കി​ല്ലെ​ന്നാ​ണ്​ ബി.​ജെ.​പി ഇ​തി​ലൂ​ടെ വ്യ​ക്​​ത​മാ​ക്കു​ന്ന​ത്. അ​വ​രു​ടെ യ​ഥാ​ർ​ഥ സ്വ​ഭാ​വം ത​ന്നെ​യാ​ണ്​ വെ​ളി​പ്പെ​ട്ട​തെ​ന്നും സി.​പി.​എം പ്ര​സ്​​താ​വ​ന​യി​ൽ ചൂ​ണ്ടി​ക്കാ​ട്ടി.