ഡൽഹിയിൽ റോഡ്​ ഷോക്കിടെ കെജ്​രിവാളിന്​ മർദനം -VIDEO

ന്യൂഡൽഹി: തെരഞ്ഞെുപ്പ് റാലിക്കിടെ ഡൽഹി മുഖ്യമന്ത്രിയും ആം ആദ്മി പാർട്ടി അധ്യക്ഷനുമായി അരവിന്ദ് കെജ്​രിവാളിനുനേരെ ആക്രമണം. ശനിയാഴ്ച ന്യൂഡൽഹി മണ്ഡലത്തിലെ ആം ആദ്മി പാർട്ടി സ്ഥാനാർഥി ബ്രിേജഷ് ഗോയലി​െൻറ തെരഞ്ഞെടുപ്പ് പ്രചാരണാർഥം മോത്തി നഗറിൽ നടന്ന റാലിയിലാണ് ഡൽഹി മുഖ്യമന്ത്രിക്കുനേരെ ആക്രമണമുണ്ടായത്.

കെജ്​രിവാൾ സഞ്ചരിച്ച തുറന്ന വാഹനത്തിൽ ഇരച്ചുകയറിയ യുവാവ് അദ്ദേഹത്തി​െൻറ മുഖത്തടിക്കുകയായിരുന്നു. കൈലാഷ് പാർക്കിലുള്ള സുരേഷ് (33) എന്നയാളാണ് മുഖ്യമന്ത്രിയെ ആക്രമിച്ചത്. സംഭവത്തിനുശേഷം രക്ഷപ്പെട്ട ഇയാളെ സമീപത്തുണ്ടായിരുന്ന ആം ആദ്മി പാർട്ടി പ്രവർത്തകർ വളഞ്ഞിട്ടു മർദിച്ചു. പിന്നീട് പൊലീസെത്തി ഇയാളെ കസ്​റ്റഡിയിലെടുത്തു. സംഭവത്തിന് പിന്നിൽ ബി.ജെ.പിയാണെന്ന് ആം ആദ്മി പാർട്ടി ആരോപിച്ചു.

#WATCH: A man slaps Delhi Chief Minister Arvind Kejriwal during his roadshow in Moti Nagar area. (Note: Abusive language) pic.twitter.com/laDndqOSL4

— ANI (@ANI) May 4, 2019

ഡൽഹിയിൽ പാർട്ടിയെ ഇല്ലാതാക്കാൻ പ്രതിപക്ഷത്തിനാകില്ല. കേന്ദ്ര സർക്കാറിന് കീഴിലെ ഡൽഹി പൊലീസ് മുഖ്യമന്ത്രിക്ക് വേണ്ട സുരക്ഷയൊരുക്കുന്നതിൽ വീഴ്ചവരുത്തിയെന്നും ഇതിനെ അപലപിക്കുന്നുവെന്നും ആപ് വാർത്താകുറിപ്പിൽ വ്യക്തമാക്കി.

2014ലെ പൊതുതെരഞ്ഞെടുപ്പിലും കെജ്​രിവാളിന് നേരെ ഇത്തരത്തിൽ ആക്രമണമുണ്ടായിരുന്നു. അന്ന് ദക്ഷിൻപുരിയിലായിരുന്നു അദ്ദേഹത്തിന് ആക്രമണം നേരിടേണ്ടിവന്നത്. കഴിഞ്ഞ വർഷം മുഖ്യമന്ത്രിയുടെ വസതിയിലെത്തിയ അക്രമി അദ്ദേഹത്തിന് നേരെ മുളകു പൊടി എറിഞ്ഞിരുന്നു.