മേൽജാതിക്കാരുടെ സ്​ഥലത്ത്​ പ്രവേശിച്ചതിന്​ മർദനം; കർണാടകയിൽ ദലിത്​ സഹോദരങ്ങൾ ആത്​മഹത്യക്ക്​ ശ്രമിച്ചു

ബംഗളൂരു: മേൽജാതിക്കാരുടെ സ്​ഥലത്ത്​ പ്രവേശിച്ചെന്ന്​ ആരോപിച്ച്​ രണ്ട്​ ദലിത്​ സഹോദരങ്ങൾക്ക്​ ആൾക്കൂട്ട മർദനം. മർദനമേറ്റ​ യുവാക്കൾ വിഷം കഴിച്ച്​ ആത്​മഹത്യ ചെയ്യാൻ ശ്രമിച്ചതിനെ തുടർന്ന്​ ആശുപത്രിയിൽ പ്രവേശിപ്പിച്ചു. കർണാടക കൊപ്പാൽ ജില്ലയിലെ യെൽബുർഗ ഹൊസള്ളിയിലാണ്​ സംഭവം.

എസ്​.സി-എസ്​.ടി ആക്​ട്​ പ്രകാരം 16 പേർക്കെതിരെ കേ​െസടുത്തതായും ഏഴു പേരെ കസ്​റ്റഡിയിലെടുത്തതായും യെൽബുർഗ പൊലീസ്​ അറിയിച്ചു. മർദനത്തി​െൻറ വിഡിയോ സമൂഹ മാധ്യമങ്ങളിൽ പ്രചരിച്ചിരുന്നു.

കൊപ്പാൽ ഹൊസള്ളി വില്ലേജിലെ ഹനുമന്ത (27), ബസവരാജ്​ (22) എന്നീ സഹോദരങ്ങൾക്കാണ്​ മർദനമേറ്റത്​.