1000 രൂപ ഉടനില്ല: എ.ടി.എമ്മുകൾ പുനക്രമീകരിച്ച്​ തുടങ്ങി

ന്യൂഡൽഹി: പുതിത 1000 രൂപ നോട്ട്​ ഉടൻ പുറത്തിറക്കില്ലെന്ന്​ ധനകാര്യമന്ത്രി അരുൺ ജെയ്​റ്റ്​ലി. നോട്ട്​ മാറ്റുന്നത് ദുരുപയോഗം ചെയ്​തുകൊണ്ടാണ്​ 4000 എന്ന പരിധിയിൽ നിന്ന്​ 2000 മായി കുറച്ചതെന്നും ജെയ്​റ്റ്​ലി പറഞ്ഞു.

പുതിയ 2000 രൂപ നോട്ട്​ ഉൾക്കൊള്ളുന്ന തരത്തിലേക്ക്​ രാജ്യത്തെ എ.ടി.എമ്മുകൾ പുന:ക്രമീകരിച്ച്​ തുടങ്ങി. രാജ്യത്ത്​ രണ്ടര ലക്ഷം എ.ടി.എമ്മുകൾ പ്രവർത്തനസജ്ജമാണ്​. പുതിയ 2000 രൂപ നോട്ടുകൾ കൈകാര്യം ചെയ്യാവുന്ന രീതിയിൽ ​ 22,500 എ.ടി.എമ്മുകൾ പുനക്രമീകരിക്കുമെന്നും അദേഹം പറഞ്ഞു.

പഴയ എ.ടി.എമ്മുകളിൽ പുതിയ 2000 രൂപ നോട്ടുകൾ ഉൾപ്പെടുത്തുന്നതിനുള്ള സംവിധാനമില്ല. ഇതിനായി എ.ടി.എമ്മുകൾ പുന:ക്രമീകരിക്കണം.  ഇൗ ജോലിയാണ്​ ഇപ്പോൾ ആരംഭിച്ചിരിക്കുന്നത്​.