രണ്ട് ഡോസിന് 500 രൂപ; ഇന്ത്യയിൽ വില കുറഞ്ഞ കോവിഡ് വാക്സിനെത്തുന്നു
text_fields
ന്യൂഡൽഹി: രാജ്യത്തെ ഏറ്റവും വിലകുറഞ്ഞ കോവിഡ് വാക്സിനാവാൻ ബയോളജിക്കൽ ഇയുടെ കോർബേവാക്സ് ഒരുങ്ങുന്നു. വാക്സിെൻറ രണ്ട് ഡോസുകൾക്കും കൂടി 500 രൂപയാണ് വില. വാക്സിെൻറ മൂന്നാംഘട്ട പരീക്ഷണമാണ് ഇപ്പോൾ നടക്കുന്നത്. വൈകാതെ ഇതിന് അടിയന്തര ഉപയോഗത്തിനുള്ള അനുമതി ലഭിക്കുമെന്നാണ് പ്രതീക്ഷിക്കുന്നത്. അതേസമയം, 400 രൂപയിൽ താഴെയായിരിക്കും കോർബേവാക്സിെൻറ വിലയെന്ന റിപ്പോർട്ടുകളും പുറത്ത് വരുന്നുണ്ട്.
അംഗീകാരം ലഭിക്കുന്നതിന് മുമ്പ് തന്നെ വാക്സിെൻറ 30 കോടി ഡോസുകൾക്ക് കേന്ദ്രസർക്കാർ ഓർഡർ നൽകിയിട്ടുണ്ട്. വാക്സിെൻറ ആദ്യ രണ്ട് ഘട്ട ക്ലിനിക്കൽ ട്രയലുകളും വിജയകരമായിരുന്നു. അടുത്ത ഏതാനം മാസങ്ങൾക്കുള്ളിൽ വാക്സിൻ വിപണിയിലെത്തുമെന്നാണ് പ്രതീക്ഷിക്കുന്നത്.
സിറം ഇൻസ്റ്റിറ്റ്യൂട്ട് നിർമിക്കുന്ന കോവിഷീൽഡ് വാക്സിെൻറ രണ്ട് ഡോസുകൾ സംസ്ഥാന സർക്കാറിന് 600 രൂപക്കും സ്വകാര്യ ആശുപത്രികൾക്ക് 1200 രൂപക്കുമാണ് നൽകുന്നത്. ഭാരത് ബയോടെകിെൻറ കോവാക്സിൻ 800 രൂപക്കും 2400 രൂപക്കുമാണ് നൽകുന്നത്. സ്പുട്നിക് വാക്സിെൻറ ഒരു ഡോസിന് 995 രൂപയാണ് വില.