മഹാരാഷ്​ട്രയിലും ഹരിയാനയിലും വോ​ട്ടെടുപ്പ്​ പുരോഗമിക്കുന്നു

ന്യൂഡൽഹി: മഹാരാഷ്​ട്ര, ഹരിയാന എന്നീ സംസ്ഥാനങ്ങളിൽ വോ​ട്ടെടുപ്പ്​ പുരോഗമിക്കുന്നു. രാവിലെ പത്ത്​ മണി വരെ ഹര ിയാനയിൽ 8.92 ശതമാനവും മഹാരാഷ്​ട്രയിൽ 5.77 ശതമാനവും പോളിങ്​ രേഖപ്പെടുത്തി. ഹരിയാനയിൽ 90ഉം മഹാരാഷ്​ട്രയിൽ 288ഉം നിയോജ ക മണ്ഡലങ്ങളി​േലക്കാണ്​ വേ​ാ​ട്ടെടുപ്പ്​ നടക്കുന്നത്​. രാവിലെ ഏഴ്​ മണിക്ക്​ തുടങ്ങിയ വോ​ട്ടെടുപ്പ്​ വൈകുന് നേരം ആറ്​ മണി വരെ തുടരും.

ഹരിയാനയിൽ 1169 സ്ഥാനാർഥികളും മഹാരാഷ്​ട്രയിൽ 3237 സ്ഥാനാർഥികളുമടക്കം 4400 പേരാണ്​ ജനവിധി തേടുന്നത്​. ഹരിയാനയിൽ 19578ഉം മഹാരഷ്​ട്രയിൽ 96661ഉം പോളിങ്​ ബൂത്തുകളിലാണ്​ ജനങ്ങൾ സമ്മദിദാനാവകാശം വിനിയോഗിക്കുന്നത്​. കോൺഗ്രസ്​, ബി.ജെ.പി, ഇന്ത്യൻ നാഷണൽ ലോക്​ദൾ(ഐ.എൻ.എൽ.ഡി) സമീപകാലത്ത്​ രൂപീകൃതമായ ജൻനായക്​ ജനതാ പാർട്ടി(ജെ.ജെ.പി) എന്നീ കക്ഷികളാണ്​ പ്രധാനമായും മത്സരരംഗത്തുള്ളത്​.

മഹാരാഷ്​ട്രയിൽ ബി.ജെ.പി150 സീറ്റുകളിലും അവരുടെ സഖ്യകക്ഷിയായ ശിവസേന 124 സീറ്റുകളിലുമാണ്​ മത്സരിക്കുന്നത്​. ബാക്കിയുള്ള സീറ്റുകളിൽ ചെറിയ സഖ്യകക്ഷികളുമാണ്​ മത്സരിക്കുന്നത്​. അതേസമയം കോൺഗ്രസ്​ എൻ.സി.പിയുമായി ചേർന്നാണ്​ തെരഞ്ഞെടുപ്പിനെ നേരിടുന്നത്​. ഹരിയാനയിലും മഹാരാഷ്​ട്രയിലും ഈ മാസം 24നാണ്​ വേ​ാ​ട്ടെണ്ണൽ.