അവിശ്വാസത്തിന്‍റെ മരുക്കാറ്റിൽ

നേ​താ​ക്ക​ൾ ത​മ്മി​ലു​ള്ള അ​വി​ശ്വാ​സം കോ​ൺ​ഗ്ര​സി​ലും ബി.​ജെ.​പി​യി​ലും തെ​ര​ഞ്ഞെ​ടു​പ്പ്​ ഏ​കോ​പ​ന​ത്തെ സാ​ര​മാ​യി ബാ​ധി​ച്ചി​രി​ക്കു​ന്ന രാ​ജ​സ്ഥാ​നി​ൽ ഇ​ത്ത​വ​ണ മാ​റ്റ​മോ, തു​ട​ർ​ഭ​ര​ണ​മോ?

വം​ശ​നാ​ശം നേ​രി​ടു​ന്ന​വ​യാ​ണ്​ ഗോ​ദാ​വ​ൻ പ​ക്ഷി​ക​ൾ. രാ​ജ​സ്ഥാ​ന്‍റെ ഔ​ദ്യോ​ഗി​ക പ​ക്ഷി. ‘രാ​ജ’​സ്ഥാ​നി​ൽ രാ​ജ​കു​ടും​ബ​ത്തി​ന്‍റെ അ​വ​സ്ഥ​യും ഏ​താ​ണ്ടൊ​ക്കെ അ​ങ്ങ​നെ ത​ന്നെ​യാ​ണ്. രാ​ജ​കു​ടും​​ബ​ത്തോ​ട്​ ജ​ന​ങ്ങ​ൾ​ക്കി​ട​യി​ലു​ള്ള ഭ​യ​ഭ​ക്​​തി സ്വാ​ധീ​നം അ​ക​മ്പ​ടി​യാ​ക്കി​യാ​ണ്​ വ​സു​ന്ധ​ര രാ​​ജെ ചെ​ങ്കോ​ലും കി​രീ​ട​വു​മാ​യി മു​ഖ്യ​മ​ന്ത്രി​യു​ടെ സിം​ഹാ​സ​ന​ത്തി​ൽ ര​ണ്ടു​വ​ട്ടം ഇ​രു​ന്ന​ത്.

‘രാ​ജ’​ഭ​ര​ണ​മാ​ണ്​ ന​ട​ക്കു​ന്ന​തെ​ന്നു വ​ന്ന​പ്പോ​ൾ പ്ര​ജ​ക​ൾ മാ​റി​ച്ചി​ന്തി​ച്ചു. കോ​ൺ​ഗ്ര​സ്​ പ്ര​തീ​ക്ഷ​ക്കൊ​ത്തു വ​രു​ന്നി​ല്ലെ​ന്നു ക​ണ്ട​​പ്പോ​ൾ അ​വ​രെ​യും മ​ടു​ത്തു. കു​റെ​​ക്കാ​ല​മാ​യു​ള്ള ഈ ​പ​തി​വ്​ രാ​ജ​സ്ഥാ​ൻ ഇ​ക്കു​റി​യും തെ​റ്റി​ക്കാ​തി​രു​ന്നാ​ൽ ബി.​ജെ.​പി​ക്കാ​ണ്​ ഭ​ര​ണം കി​ട്ടേ​ണ്ട​ത്.

അ​ങ്ങ​നെ​യാ​ണെ​ങ്കി​ൽ​ക്കൂ​ടി വ​സു​ന്ധ​ര​ക്ക്​ വീ​ണ്ടും മു​ഖ്യ​മ​ന്ത്രി​യാ​കാ​ൻ പ​റ്റു​മോ? അ​തി​നു സാ​ധി​ക്കി​ല്ലെ​ന്ന്​ സ​ക​ല​മാ​ന ബി.​ജെ.​പി​ക്കാ​ർ​ക്കു മാ​ത്ര​മ​ല്ല, വ​സു​ന്ധ​ര​ക്കും അ​റി​യാം. ബി.​ജെ.​പി​യു​ടെ പാ​ള​യ​ത്തി​ലെ ചു​വ​രെ​ഴു​ത്തു​ക​ൾ അ​ങ്ങ​നെ​യാ​ണ്. മോ​ദി-​അ​മി​ത്​​ഷാ​മാ​രു​ടെ നി​യ​ന്ത്ര​ണ​ത്തി​ൽ ബി.​ജെ.​പി അ​മ​ർ​ന്നു​പോ​യ 10 വ​ർ​ഷ​ത്തി​നി​ട​യി​ൽ, അ​വ​ർ​ക്ക്​ മാ​റ്റാ​നും മാ​യ്ക്കാ​നും ക​ഴി​യാ​ത്ത രാ​ജ​സ്ഥാ​നി​ലെ നേ​താ​വാ​ണ്​ വ​സു​ന്ധ​ര.

പ​ക്ഷേ, നി​യ​മ​സ​ഭ തെ​ര​ഞ്ഞെ​ടു​പ്പി​ൽ ജ​യി​ക്കു​ന്ന​ത്​ ബി.​ജെ.​പി​യാ​ണെ​ങ്കി​ൽ മ​റ്റൊ​രാ​ളെ മു​ഖ്യ​മ​ന്ത്രി​യാ​ക്കാ​ൻ കൂ​ടി​യാ​ണ്​ ഏ​ഴ്​ എം.​പി​മാ​രെ നി​യ​മ​സ​ഭ​യി​ലേ​ക്ക്​ മ​ത്സ​രി​പ്പി​ക്കു​ന്ന​ത്. വ​സു​ന്ധ​ര​യു​ടെ അ​നു​യാ​യി​ക​ളെ ഒ​തു​ക്കി. മു​ഖ്യ​മ​ന്ത്രി​മു​ഖം മു​ന്നോ​ട്ടു​വെ​ക്കാ​തെ, പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യാ​ണ്​ താ​ര പ്ര​ചാ​ര​ക​ൻ.

എ​ല്ലാം കേ​ന്ദ്ര നി​യ​ന്ത്ര​ണ​ത്തി​ൽ. ഈ ​ചു​റ്റു​പാ​ടു​ക​ൾ​ക്കി​ട​യി​ൽ വ​സു​ന്ധ​ര​യു​ടെ സ്വാ​ധീ​നം ചോ​രാ​തി​രി​ക്ക​ണ​മെ​ങ്കി​ൽ, മ​ക​ൻ ദു​ഷ്യ​ന്തി​ന്​ വീ​ണ്ടും പാ​ർ​ല​മെ​ന്‍റ്​ തെ​ര​ഞ്ഞെ​ടു​പ്പി​ൽ മ​ത്സ​രി​ക്ക​ണ​മെ​ങ്കി​ൽ, രാ​ജ​സ്ഥാ​നി​ൽ ബി.​ജെ.​പി തോ​ൽ​ക്ക​ണം -അ​താ​ണ്​ യാ​ഥാ​ർ​ഥ്യം.

ബി.​ജെ.​പി ജ​യി​ച്ച്, വം​ശ​നാ​ശം നേ​രി​ടു​ന്ന ഗോ​ദാ​വ​ൻ പ​ക്ഷി​ക​ളു​ടെ രാ​ജ​കു​ടും​ബ​മാ​കാ​ൻ താ​ൻ​പോ​രി​മ​യു​ടെ നി​റ​കു​ട​മാ​യ വ​സു​ന്ധ​ര ആ​ഗ്ര​ഹി​ക്കു​മോ? രാ​ജ​സ്ഥാ​നി​ലെ മ​രു​ക്കാ​റ്റു​പോ​ലെ, വ​സു​ന്ധ​ര​യു​ടെ പ്ര​ചാ​ര​ണ​ത്തി​നും ത​ണു​പ്പ്​ അ​നു​ഭ​വ​പ്പെ​ടാ​ൻ ഇ​താ​ണോ കാ​ര​ണം?

മാ​ന്ത്രി​ക​നാ​യ മാ​ൻ​ഡ്രേ​ക്കാ​ണ്​ കോ​ൺ​ഗ്ര​സ്​ നേ​താ​വ്​ അ​ശോ​ക്​ ഗെ​ഹ്​​ലോ​ട്ട്. 200 അം​ഗ നി​യ​മ​സ​ഭ​യി​ൽ നേ​ർ​പ​കു​തി ​കോ​ൺ​ഗ്ര​സ്​ എം.​എ​ൽ.​എ​മാ​രു​മാ​ർ​ക്കൊ​പ്പം രം​ഗ​പ്ര​വേ​ശം ചെ​യ്ത ഗെ​ഹ്​​ലോ​ട്ട്, മാ​ന്ത്രി​ക പ്ര​യോ​ഗ​ങ്ങ​ളി​ലൂ​ടെ​യാ​ണ്​ അ​ഞ്ചു​വ​ർ​ഷ കാ​ലാ​വ​ധി പൂ​ർ​ത്തി​യാ​ക്കു​ന്ന​ത്.

രാ​ജ​സ്ഥാ​നി​ൽ ത​ത്തു​ല്യ ശ​ക്​​തി​യാ​യി​ട്ടു കൂ​ടി, അ​ട്ടി​മ​റി വി​ദ​ഗ്​​ധ​രാ​യ ബി.​ജെ.​പി​ക്ക്​ ഗെ​ഹ്​​ലോ​ട്ടി​നെ ക​സേ​ര​യി​ൽ​നി​ന്ന്​ ഇ​റ​ക്കാ​ൻ ക​ഴി​ഞ്ഞി​ല്ല. ബി.​ജെ.​പി കേ​ന്ദ്ര​നേ​താ​ക്ക​ളി​ൽ​നി​ന്ന്​ ഭി​ന്ന​മാ​യി, അ​തി​ന്​ അ​മി​താ​വേ​ശം കാ​ണി​ക്കാ​ത്ത വ​സു​ന്ധ​ര രാ​ജെ​യോ​ട്​ ഗെ​ഹ്​​ലോ​ട്ട്​ എ​ന്നും ക​ട​പ്പെ​ട്ട​വ​നാ​ണ്.

സ്വ​ന്തം പാ​ർ​ട്ടി​യി​ൽ നി​ന്നു​യ​ർ​ന്ന വെ​ല്ലു​വി​ളി​ക​ൾ അ​മ​ർ​ച്ച ചെ​യ്യാ​നാ​ണ്​ ഗെ​ഹ്​​ലോ​ട്ട്​ പാ​ടു​പെ​ട്ട​ത്. ന്യാ​യ​മെ​ന്നു വ​ലി​യൊ​രു വി​ഭാ​ഗം ക​രു​തു​ന്ന അ​വ​കാ​ശ​വാ​ദ​വു​മാ​യി സ​ചി​ൻ പൈ​ല​റ്റ്​ വി​മ​ത വേ​ഷ​ത്തി​ൽ നി​ര​ന്ത​രം ഉ​റ​ക്ക​മി​ല്ലാ രാ​ത്രി​ക​ളാ​ണ്​ ഗെ​ഹ്​​ലോ​ട്ടി​ന്​ ന​ൽ​കി​പ്പോ​ന്ന​ത്.

ഇ​രി​ക്കു​ന്ന ക​സേ​ര സ​ചി​ന്​ കൊ​ടു​ക്കു​ന്ന​തി​നേ​ക്കാ​ൾ, ഉ​റ​ങ്ങാ​തി​രി​ക്കു​ന്ന​താ​ണ്​ ഇ​ഷ്​​ട​മെ​ന്ന മ​ട്ടി​ലാ​യി​രു​ന്നു ഗെ​ഹ്​​ലോ​ട്ട്. കോ​ൺ​ഗ്ര​സി​ന്‍റെ പ​ര​മോ​ന്ന​താ​ധ്യ​ക്ഷ പ​ദ​വി​ വെ​ച്ചു​നീ​ട്ടി​യി​ട്ടും, ഗെ​ഹ്​​ലോ​ട്ടി​ന്​ മു​ഖ്യ​മ​ന്ത്രി ക​സേ​ര​യാ​യി​രു​ന്നു വ​ലു​ത്. ക​സേ​ര വി​ടാ​ൻ താ​ൻ ആ​ഗ്ര​ഹി​ക്കു​ന്നു​ണ്ടെ​ങ്കി​ലും, ​ക​സേ​ര​ത​ന്നെ വി​ടു​ന്നി​ല്ലെ​ന്ന രാ​ഷ്ട്രീ​യ വ്യാ​ഖ്യാ​ന​മാ​ണ്​ അ​ദ്ദേ​ഹം ന​ട​ത്തി​യ​ത്.

സ​ചി​ൻ ത​ല​കു​ത്തി നി​ന്നി​ട്ടും, കോ​ൺ​ഗ്ര​സ്​ എം.​എ​ൽ.​എ​മാ​രി​ൽ ബ​ഹു​ഭൂ​രി​പ​ക്ഷ​വും ‘അ​ന്ന​ദാ​താ’​വാ​യ ഗെ​ഹ്​​ലോ​ട്ടി​നു​പി​ന്നി​ൽ പാ​റ​പോ​ലെ ഉ​റ​ച്ചു​നി​ന്നു.

ബി.​എ​സ്.​പി​ക്കാ​രാ​യി നി​യ​മ​സ​ഭ​യി​ൽ കാ​ലു​കു​ത്തി​യ ആ​റു​പേ​രെ കോ​ൺ​ഗ്ര​സാ​ക്കി മാ​റ്റി​യും സി.​പി.​എ​മ്മി​ന്‍റേ​ത​ട​ക്കം പി​ന്തു​ണ നേ​ടി​യും നി​യ​മ​സ​ഭ​യി​ലെ ഭൂ​രി​പ​ക്ഷം ബ​ല​പ്പെ​ടു​ത്തി​യും സ​ചി​നെ മൂ​ല​ക്കാ​ക്കി​യും ഹൈ​ക​മാ​ൻ​ഡി​നെ സ​മ​യോ​ചി​തം ധി​ക്ക​രി​ച്ചു​​മെ​ല്ലാം അ​ഞ്ചു വ​ർ​ഷം പി​ന്നി​ടു​ന്ന ഗെ​ഹ്​​ലോ​ട്ട്, അ​ടു​ത്ത അ​ഞ്ചു​വ​ർ​ഷം കൂ​ടി എ​ന്തു​കൊ​ണ്ട്​ ത​നി​ക്ക്​ പ​റ്റി​ല്ല എ​ന്ന ചോ​ദ്യ​വു​മാ​യാ​ണ്​ തെ​ര​ഞ്ഞെ​ടു​പ്പു ക​ള​ത്തി​ൽ നി​ൽ​ക്കു​ന്ന​ത്.

വാ​ഗ്ദാ​ന​പ്പെ​രു​മ​ഴ​യി​ൽ ഭ​ര​ണ​വി​രു​ദ്ധ വി​കാ​രം അ​ലി​യി​ച്ച്, തു​ട​ർ​ഭ​ര​ണം ന​ട​പ്പി​ല്ലാ​ത്ത കാ​ര്യ​മാ​ണെ​ന്ന കാ​ഴ്ച​പ്പാ​ട്​ മാ​റ്റി​യെ​ടു​ക്കാ​ൻ ഗെ​ഹ്​​ലോ​ട്ടി​ന്​ സാ​ധി​ച്ചു. എ​ന്നാ​ൽ, ഗെ​ഹ്​​ലോ​ട്ടി​ന്‍റെ ഈ ​തേ​രോ​ട്ട​ത്തി​ലെ കൂ​ലി​പ്പ​ട്ടാ​ള​മാ​കാ​ൻ സ​ചി​ൻ പൈ​ല​റ്റ്​ എ​ന്ന പ്ര​തി​യോ​ഗി നി​ന്നു​കൊ​ടു​ക്കു​മോ?

സ​ചി​ന്​ മു​ഖ്യ​മ​ന്ത്രി​യാ​കാ​നാ​ണെ​ങ്കി​ൽ ഗെ​ഹ്​​ലോ​ട്ട്​ ഈ ​വി​യ​ർ​പ്പെ​ല്ലാം ഒ​ഴു​ക്ക​ണോ? ഹൈ​ക​മാ​ൻ​ഡി​നും​ വ​ഴ​ങ്ങാ​ത്ത നേ​താ​വാ​യി ഗെ​ഹ്​​ലോ​ട്ട്​ നി​ൽ​ക്കേ, രാ​ജ​സ്ഥാ​നി​ൽ ജ​യം ഉ​റ​പ്പി​ച്ചു​പ​റ​യാ​ൻ രാ​ഹു​ൽ ഗാ​ന്ധി മ​ടി​ച്ച​തി​ന്‍റെ പൊ​രു​ളെ​ന്ത്​?

ഓ​രോ സീ​റ്റും ജ​യ​പ​രാ​ജ​യ​ങ്ങ​ൾ നി​ർ​ണ​യി​ക്കു​ന്ന​തി​ൽ പ്ര​ധാ​ന​മാ​യ രാ​ജ​സ്ഥാ​നി​ലെ പോ​രാ​ട്ട​ത്തി​ൽ അ​ടി​യൊ​ഴു​ക്കു​ക​ൾ​ക്ക് നി​മി​ത്ത​മാ​യി തീ​രാ​വു​ന്ന മ​റ്റു സാ​ഹ​ച​ര്യ​ങ്ങ​ളും കോ​ൺ​ഗ്ര​സി​നെ​യും ബി.​ജെ.​പി​യെ​യും തു​റി​ച്ചു​നോ​ക്കു​ന്നു​ണ്ട്. അ​തി​ൽ പ്ര​ധാ​നം ചെ​റു​ക​ക്ഷി​ക​ളു​ടെ വീ​റും വാ​ശി​യു​മാ​ണ്​; സീ​റ്റു​കി​ട്ടാ​ത്ത വി​മ​ത​ന്മാ​രു​ടെ ക്ഷു​ദ്ര​പ്ര​യോ​ഗ സാ​ധ്യ​ത​ക​ളാ​ണ്.

ഹ​രി​യാ​ന​യി​ലെ സ​ഖ്യ​ക​ക്ഷി​യും ജാ​ട്ട്​ വോ​ട്ടു​ക​ളി​ൽ സ്വാ​ധീ​ന​വു​മു​ള്ള ദു​ഷ്യ​ന്ത്​ ചൗ​താ​ല​യു​ടെ ജ​ൻ​നാ​യ​ക്​ ജ​ന​ത പാ​ർ​ട്ടി (ജെ.​ജെ.​പി) ബി.​ജെ.​പി​യോ​ട്​ ഉ​ട​ക്കി ശ​ക്​​തി പ​രീ​ക്ഷി​ക്കു​ന്ന​ത്​ ബി.​ജെ.​പി​ക്ക്​ ആ​ഘാ​ത​മാ​ണ്.

ബി.​ജെ.​പി മു​ൻ​നേ​താ​വ്​ ഹ​നു​മാ​ൻ ബെ​നി​വാ​ൾ അ​ഞ്ചു​വ​ർ​ഷം മു​മ്പ്​ രൂ​പ​വ​ത്ക​രി​ച്ച രാ​ഷ്ട്രീ​യ ലോ​ക്​​താ​ന്ത്രി​ക്​ പാ​ർ​ട്ടി (ആ​ർ.​എ​ൽ.​പി), ദ​ലി​ത്​ നേ​താ​വ്​ ച​ന്ദ്ര​ശേ​ഖ​ർ ആ​സാ​ദി​ന്‍റെ ആ​സാ​ദ്​ സ​മാ​ജ്​ പാ​ർ​ട്ടി​​യു​മാ​യി കൈ​കോ​ർ​ത്ത്​ കൂ​ടു​ത​ൽ ഇ​ട​ങ്ങ​ളി​ൽ മ​ത്സ​രി​ക്കു​ന്ന​ത്​ മ​റ്റൊ​രു പ്ര​ശ്നം. ക​ഴി​ഞ്ഞ ത​വ​ണ മൂ​ന്നു സീ​റ്റ്​ പി​ടി​ച്ച ആ​ർ.​എ​ൽ.​പി നി​ര​വ​ധി മ​ണ്ഡ​ല​ങ്ങ​ളി​ൽ വോ​ട്ട്​ ചോ​ർ​ത്തി​ക്ക​ള​യു​ക​യും ചെ​യ്ത​താ​ണ്.

ഇ​ൻ​ഡ്യ​യെ​ന്ന കൂ​ട്ടാ​യ്മ​യോ​ടു​ള്ള കൂ​ട്ടു​ത്ത​ര​വാ​ദി​ത്തം കാ​ട്ടു​ന്ന വി​ധം സീ​റ്റ്​ നീ​ക്കു​പോ​ക്കു​ക​ൾ​ക്ക്​ ത​യാ​റാ​കാ​ത്ത കോ​ൺ​ഗ്ര​സി​നോ​ടു​ള്ള അ​മ​ർ​ഷം കു​റു​മു​ന്ന​ണി​യെ​ന്ന​പോ​ലെ സി.​പി.​എ​മ്മും മ​റ്റ്​ ഇ​ട​തു​പാ​ർ​ട്ടി​ക​ളും സ​മാ​ജ്​​വാ​ദി പാ​ർ​ട്ടി​യും പ്ര​ക​ടി​പ്പി​ക്കു​ന്നു. ക​ഴി​ഞ്ഞ ത​വ​ണ ര​ണ്ടു​സീ​റ്റി​ൽ ജ​യി​ച്ച സി.​പി.​എം 17 സീ​റ്റി​ൽ മ​ത്സ​രി​ക്കു​മ്പോ​ൾ, ചി​ല മ​ണ്ഡ​ല​ങ്ങ​ളി​ൽ അ​ത്​ കോ​ൺ​ഗ്ര​സി​ന്‍റെ സാ​ധ്യ​ത​ക​ൾ ന​ഷ്ട​പ്പെ​ടു​ത്തി​യെ​ന്നു​വ​രാം.

ക​ഴി​ഞ്ഞ ത​വ​ണ ജ​യി​ച്ച ആ​റു​പേ​രെ​യും കോ​ൺ​ഗ്ര​സ്​ റാ​ഞ്ചി​ക്കൊ​ണ്ടു​പോ​യ​തി​ന്‍റെ പ​ക​യും വാ​ശി​യും ജാ​ഗ്ര​ത​യു​മാ​യാ​ണ്​ ബി.​എ​സ്.​പി ഇ​ത്ത​വ​ണ സ്ഥാ​നാ​ർ​ഥി​ക​ളെ നി​ർ​ത്തി​യി​രി​ക്കു​ന്ന​ത്. ആ​ഞ്ഞു പി​ടി​ക്കു​ന്നി​ല്ലെ​ങ്കി​ലും, അ​സ​ദു​ദ്ദീ​ൻ ഉ​വൈ​സി​യു​ടെ എ.​ഐ.​എം.​ഐ.​എം സ്ഥാ​നാ​ർ​ഥി​ക​ളും ഒ​രു​കൈ നോ​ക്കു​ന്നു.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ സ്വ​ത​ന്ത്ര​രാ​യി ജ​യി​ച്ച​വ​രു​ടെ എ​ണ്ണ​വും (13) ശ്ര​ദ്ധേ​യ​മാ​ണ്. മൊ​ത്ത​ത്തി​ൽ അ​വി​ശ്വാ​സ​ത്തി​ന്‍റെ മ​രു​ക്കാ​റ്റി​ലാ​ണ്​ രാ​ജ​സ്ഥാ​ൻ. മോ​ദി​ക്കും വ​സു​ന്ധ​ര​ക്കു​മി​ട​യി​ൽ, ഗെ​ഹ്​​ലോ​ട്ടി​നും സ​ചി​ൻ പൈ​ല​റ്റി​നു​മി​ട​യി​ൽ, ഗെ​ഹ്​​ലോ​ട്ടി​നും ഹൈ​ക​മാ​ൻ​ഡി​നു​മി​ട​യി​ൽ, വ​ല്യേ​ട്ട​ൻ പാ​ർ​ട്ടി​ക​ൾ​ക്കും ചെ​റു​പാ​ർ​ട്ടി​ക​ൾ​ക്കു​മി​ട​യി​ൽ, പാ​ർ​ട്ടി​ക​ൾ​ക്കും വി​മ​ത​ർ​ക്കു​മി​ട​യി​ൽ-​അ​ങ്ങ​നെ​യെ​ല്ലാം അ​വി​ശ്വാ​സം വീ​ശി​യ​ടി​ക്കു​ന്നു. അ​തി​നി​ട​യി​ൽ, അ​ക​ൽ​ച്ച പ​റ​ഞ്ഞൊ​തു​ക്കി​യും വാ​ഗ്ദാ​നം പ​റ​ഞ്ഞു ക​യ​റ്റി​യും വോ​ട്ട്​ സ്വാ​ധീ​നി​ക്കു​ന്ന അ​നു​ന​യ​ത്തി​ന്‍റെ ക​രു​നീ​ക്ക​ങ്ങ​ൾ​ക്കാ​ണ്​ അ​ന്തി​മ വി​ജ​യം.