നിയമസഭ സഖ്യചർച്ച: പരാജയം ലോക്സഭയെ ബാധിക്കില്ല -കോൺഗ്രസ്
text_fields
ന്യൂഡൽഹി: നിയമസഭ തെരഞ്ഞെടുപ്പുകളിൽ ബി.എസ്.പിയുമായുള്ള സഖ്യചർച്ച പരാജയപ്പെട്ടത് ലോക്സഭ തെരഞ്ഞെടുപ്പിലെ മഹാസഖ്യത്തെ ബാധിക്കില്ലെന്ന് കോൺഗ്രസ് വ്യക്തമാക്കി. ബി.എസ്.പി ആവശ്യപ്പെട്ട അത്ര സീറ്റുകൾ വിട്ടുനൽകാൻ കോൺഗ്രസ് തയാറാവാതിരുന്നതിനെ തുടർന്നാണ് മധ്യപ്രദേശ്, ഛത്തിസ്ഗഢ്, രാജസ്ഥാൻ നിയമസഭ തെരഞ്ഞെടുപ്പുകളിലെ സഖ്യചർച്ച പരാജയപ്പെട്ടത്.
നിയമസഭ തെരഞ്ഞെടുപ്പുകളിൽ സഖ്യത്തിനില്ലെന്ന് ബി.എസ്.പി നേതാവ് മായാവതി കഴിഞ്ഞദിവസം തുറന്നടിച്ചിരുന്നു. ഇക്കാര്യം ശരിവെച്ച കോൺഗ്രസ് എന്നാൽ, അത് ലോക്സഭ തെരഞ്ഞെടുപ്പിലെ മഹാസഖ്യത്തെ ബാധിക്കില്ലെന്ന് വ്യക്തമാക്കി രംഗത്തെത്തിയത്.