അസം പ്രളയത്തിൽ മരണം 110 ആയി; 56 ലക്ഷം ജനങ്ങളെ ബാധിച്ചു

ഗുവാഹതി: അസമിൽ പ്രളയത്തിൽ മരിച്ചവരുടെ എണ്ണം 110 ആയി. 56 ലക്ഷം ജനങ്ങളെ പ്രളയം ബാധിച്ചതായാണ് കണക്ക്.

30 ജില്ലകളിലായി 56,89,584 പേരെ പ്രളയം ബാധിച്ചെന്ന് സംസ്ഥാന ദുരന്ത നിവാരണ സമിതി വ്യക്തമാക്കുന്നു.

ദെമാജി, ബക്സ, മോറിഗോൺ ജില്ലകളിൽ ഭൂരിഭാഗം പ്രദേശങ്ങളും വെള്ളത്തിനടിയിലാണ്. ഈ ജില്ലകളിൽ 7009 ഹെക്ടർ കൃഷിഭൂമി നശിച്ചു.

അസമിൽ ഈ വർഷം ആകെ പ്രകൃതിദുരന്തങ്ങളിൽ മരിച്ചവരുടെ എണ്ണം 136 ആയി. 110 പേർ പ്രളയവുമായി ബന്ധപ്പെട്ടും 26 പേർ മലയിടിച്ചിലിലുമാണ് മരിച്ചത്.

പല ജില്ലകളിലും റോഡുകളും പാലങ്ങളും ഉൾപ്പെടെ പൂർണമായും തകർന്ന് ഒറ്റപ്പെട്ട അവസ്ഥയാണ്.