250 വഖഫ് സ്വത്തുക്കളിൽ അവകാശവാദവുമായി പുരാവസ്തു വകുപ്പ്

ന്യൂ​ഡ​ൽ​ഹി: ഡ​ൽ​ഹി ഫി​റോ​സ് ഷാ ​കോ​ട്‍ല ജ​മാ മ​സ്ജി​ദ് ഉ​ൾ​പ്പെ​ടെ രാ​ജ്യ​ത്തെ 250 വ​ഖ​ഫ് സ്വ​ത്തു​ക്ക​ളി​ൽ അ​വ​കാ​ശ​വാ​ദം ഉ​ന്ന​യി​ച്ച് പു​രാ​വ​സ്തു വ​കു​പ്പ് (എ.​എ​സ്.​ഐ). ത​ങ്ങ​ളു​ടെ ആ​ഭ്യ​ന്ത​ര സ​ർ​വേ​യി​ൽ 250 സം​ര​ക്ഷി​ത സ്മാ​ര​ക​ങ്ങ​ൾ വ​ഖ​ഫ് സ്വ​ത്താ​യി ര​ജി​സ്റ്റ​ർ ചെ​യ്ത​താ​യി ക​ണ്ടെ​ത്തി​യി​ട്ടു​ണ്ടെ​ന്നാ​ണ് പു​രാ​വ​സ്തു വ​കു​പ്പ് പ​റ​യു​ന്ന​ത്. ഇ​വ​യു​ടെ നി​യ​ന്ത്ര​ണം ആ​വ​ശ്യ​പ്പെ​ട്ട് 2024 ലെ ​വ​ഖ​ഫ് (ഭേ​ദ​ഗ​തി) ബി​ൽ പ​രി​ശോ​ധി​ക്കു​ന്ന സം​യു​ക്ത പാ​ർ​ല​മെ​ന്റ​റി സ​മി​തി​യെ (ജെ.​പി.​സി) സ​മീ​പി​ക്കു​മെ​ന്ന് എ.​എ​സ്.​ഐ വൃ​ത്ത​ങ്ങ​ൾ പ​റ​യു​ന്നു.

മു​സ്‍ലിം​ക​ളു​ടെ സാ​മൂ​ഹി​ക, സാ​മ്പ​ത്തി​ക, വി​ദ്യാ​ഭ്യാ​സ പി​ന്നാ​ക്കാ​വ​സ്ഥ പ​ഠി​ക്കാ​ൻ നി​യോ​ഗി​ക്ക​പ്പെ​ട്ട സ​ച്ചാ​ർ ക​മ്മി​റ്റി റി​പ്പോ​ർ​ട്ടി​ൽ ‘ഇ​ന്ത്യ​യി​ലെ വ​ഖ​ഫ് സ്വ​ത്തു​ക്ക​ൾ അ​ന​ധി​കൃ​ത​മാ​യി കൈ​വ​ശം വെ​ച്ചി​രി​ക്കു​ന്നു’ എ​ന്ന് വ്യ​ക്ത​മാ​ക്കി ചൂ​ണ്ടി​ക്കാ​ട്ടി​യ സ്ഥാ​പ​ന​ങ്ങ​ളും എ.​എ​സ്.​ഐ അ​വ​കാ​ശ​വാ​ദം ഉ​ന്ന​യി​ച്ച​വ​രി​ൽ ഉ​ൾ​പ്പെ​ടു​ന്നു​ണ്ട്. ഫി​റോ​സ്ഷാ കോ​ട്‍ല ജ​മാ മ​സ്ജി​ദി​ന് പു​റ​മെ, ഹൗ​സ്കാ​സ് ജ​മാ മ​സ്ജി​ദ്, ആ​ർ.​കെ പു​രം ഛോട്ടി ​ഗും​തി മ​ക്ബ​റ, ഈ​ദ്ഗാ​ഹ് തു​ട​ങ്ങി​വ​യാ​ണ് എ.​എ​സ്.​ഐ പ​ട്ടി​ക​യി​ലു​ള്ള ഡ​ൽ​ഹി​യി​ലെ പ്ര​ധാ​ന ആ​രാ​ധ​നാ​ല​യ​ങ്ങ​ൾ.

പ​ല സ്മാ​ര​ക​ങ്ങ​ളെ​യും ഏ​ക​പ​ക്ഷീ​യ​മാ​യി വ​ഖ​ഫ് സ്വ​ത്താ​യി പ്ര​ഖ്യാ​പി​ച്ചു എ​ന്നു​മാ​ണ് എ.​എ​സ്.​ഐ പ​റ​യു​ന്ന​ത്. 120 സം​ര​ക്ഷി​ത സ്ഥാ​പ​ന​ങ്ങ​ൾ വ​ഖ​ഫ് സ്വ​ത്താ​യി ര​ജി​സ്റ്റ​ർ ചെ​യ്തി​ട്ടു​ണ്ടെ​ന്ന് സെ​പ്റ്റം​ബ​റി​ൽ ന​ട​ന്ന ജെ.​പി.​സി യോ​ഗ​ത്തി​ൽ എ.​എ​സ്.​ഐ അ​റി​യി​ച്ചി​രു​ന്നു. പി​ന്നീ​ട് വി​വി​ധ സ​ർ​ക്കി​ളു​ക​ളി​ൽ​നി​ന്ന് ല​ഭി​ച്ച റി​പ്പോ​ർ​ട്ടു​ക​ളു​ടെ അ​ടി​സ്ഥാ​ന​ത്തി​ൽ ഇ​ത്ത​ര​ത്തി​ൽ 250 എ​ണ്ണം ഉ​ണ്ടെ​ന്നാ​ണ് എ.​എ​സ്.​ഐ വ്യ​ക്ത​മാ​ക്കു​ന്ന​ത്.