അശോക് സിംഗാളിന് ഭാരതരത്ന നല്‍കണമെന്ന് സുബ്രമണ്യം സ്വാമി

ന്യൂഡല്‍ഹി: വിശ്വഹിന്ദു പരിഷത്ത് നേതാവ് അശോക് സിംഗാളിന് മരണാനന്തര ബഹുമതിയായി ഭാരതരത്ന പുരസ്കാരം നല്‍കണമെന്ന് ബി.ജെ.പി എം.പി സുബ്രമണ്യം സ്വാമി.  രാമജന്മഭൂമി പ്രസ്ഥാനത്തിന്‍െറ ശില്‍പിയായ അദ്ദേഹം സാമൂഹിക പരിഷ്കരണത്തിനായി ത്യാഗങ്ങള്‍ അനുഭവിച്ച വ്യക്തിയാണെന്നും സ്വാമി പറഞ്ഞു. ’80കളുടെ അവസാനകാലത്ത് രാമക്ഷേത്ര വിഷയം ഉന്നയിച്ച് വിവാദനായകനായ സിംഗാള്‍ കഴിഞ്ഞ നവംബറിലാണ് മരിച്ചത്.